ابو خالد على البركة الازرق وعقبال البنفسجي

مدام ابو خالد جاب طاري النقاش وكأنه داري اني بطرح عليكم نقاش يقرقع في بطني ذا اليومين .

ليه كل الاندية الكبيره في البريمر ممثله بـ مشجعيها حاطه دوبها ودوب المان وتنتقص من بطولات المان وتنسبها للحكام متناسيه مجهودات لاعبين المان بقيادة المدرب الداهية فيرجسون .؟

هل هي حيلة العاجز .؟

او لان المان خذا الجو من الليفر والارسنال من 20 سنه وصار الفريق الثابت على مستوى الدوري الانجليزي .؟

انا بصراحة ماشوف للتحكيم اي دخل في بطولات المان وحتى وان حصل تساهل من الحكام مستحيل يكون التساهل على مدى الـ 20 سنه الماضيه .!
وبعدين نوعية اللاعبين في المان يونايتد مستحيل تخلينا نشك ان البطولات ماكانت بيدهم .
وبعدين المان نتايجة حلوه جدا في الابطال وحقق البطولة عام 99 وحققها 2008 ووصل لـ النهائي السنه اللي راحت ونتايجة في السنوات الماضيه في التشامبينز حلوه
طيب مادام نتائج المان خارجيا حلوه ليه ماوصل مد التشكيك في النتائج للتشامينز
ولا انتم مستلمين الاتحاد الانجليزي وحاطينه شماعة .

شيء غريب فعلا

يعني ليه الانتقاص من بطولات المان .؟

هذا اللي ابي اعرفه من كل عضو ضد بطولات المان يونايتد .

يعلم الله اني مابي اشبها بينكم وعلى فكرة انا مدريدي واميل لـ الارسنال في البريمر يعني لاتحسبوني مانشستراوي وجاي اطقطق على روسكم .

انا طرحت تساؤلي وابي اعرف وش عندكم بس

هلحين ابو خالد بيقول ليتني ماقلت له اكتب نقاش