بسم الله الرحمن الرحيم


تعادل :

الف الف شكر للاعبيننا وجماهيرنا الوفيه على جهدهم في مباراة الهلال والشباب

مع اننا كنا نطمح للفوز لكن قضاء وقدر والشباب قدم مستوى يشفعله التعادل

انا ابهرني امس تياقو نيفيز ماشاء الله عليه ابداع السامبا موجود

واحلى مافي ذا اللاعب التطور بكل مباراة وبنيه جسديه اكثر من رائعه

الزعيم بالشوط الاول روح وحماس والجمهور شغال وكنت حاضر للمباراة

لكن نتمنى التعويض في مباراة الاتحاد بإذن الله


انقسام :

لاحظت على جمهور الهلال انه منقسم لـ3 فئات

الفئه الاولى : اللي مع الرابطه وهبال وحركات مع ان الرابطه فيها سلبيات كثيره

الفئة الثانيه : اللي ورا المرمى جمهور نايم

الفئة الثالثه : اللي بالواجهه واحلى مافيها التشجيع الجماعي

يعني لازم نجتمع على شي وانا اييد التشجيع الجماعي اللي كل مشجع يقوم بدوره


ملاحظة :

انا امس ماألوم الجماهير ما تحظر المبارايات وهناك سبب واضح

وهو التدخين انا امس كنت جالس بالملعب وعلى يميني 3 يدخنون وقدامي 2

وانا انسان مصاب بالربو والحساسيه بصراحه انكتمت من الريحه

يعني ياعزيزي اذا تبي تدخن رجاء اطلع برا الملعب ودخن

او أجلها لبعد المباراة مراعاة لبعض الجمهور


شكرا شكرا شكرا
لكم يازعماء