السلام عليكم ورحمة الله وبركاته

هارد لكم التعادل الشين في دوري زين

و الف مبروك عليكم المستوى الرائع لـ نيفيز انا اشهد بالله انهم ذيبان اليوم

طبعا راح اقدم لكم بعض التقييمات للاعبين

نبدأ بـ
محمد الدعيع : نجم ولا اقول شيء لان الكلمات ما توفيه حقه ما قصر صد البلنتي و صد كرات صعبة و غطى مرماه بشكل رائع

الزوري : يا صبر الارض بس , ما يعرف يستلم ولا يسلم و لا يناول ولا يخلص ولا يناظر ولا شيء يعني بـ اختصار الزوري افضل لاعب شبابي اليوم

المرشدي : خلص كرات و مستواه جيد لكن يعاب عليه البطئ و سهولة التخلص من تغطيته

هوساوي : نجم كالعادة , حماسي , سريع جدا ماشاء الله , لكن يعاب عليه البطئ بالرجوع الى الدفاع بعد التقدم , ولاحظت هالنقطة بـ الكرتين الي تقدم فيها

لي يونج : قدم مباراة كبيرة بـ تخليصات متميزة , لكن خربها بـ بلنتي من فرصة ما تنقال , واذا كان خالد عزيز خان الهلال بـ التدريب فـ لي يونج خان الهلال بـ مباراة مصيرية و يـ للاسف

الغنام : قدم مباراة رائعة و كـ عادته متحمس و اكثر من مرة بغى يهز الشباك

رادوي : ما اقدر اقيمه لكن قدم مباراة جيدة <<< كأني قلت ما اقدر اقيمه

عزيز : ما لعب الا اقل من ربع ساعة

الشلهوب : لو انا منك يالشلهوب كان بالعشاء و الغداء و الفطور ( حلبة + حليب خلفات ) علشان البنية الجسدية تقوى فنان بس الجسم ما يساعد

ويليهامسون : هـ الاعب هذا محير , بوسط المباراة مرة فوق و مرة تحت فـ اخلي تقييمه لـ المختصين

عبد العزيز الدوسري : نفس عزيز

نيفيز : قدم افضل مبارياته بـ الدوري , و هذي مباراة نيفيز

الفريدي : لعب فترة بسيطة بس قدم و تحرك و بغى يسجل

ياسر : صانع لعب اوكي , بس مهاجم والله ما عندك احد , ولازم كل مباراة اكثر من هدفين محققين يضيعها , هذي قاعدة معروفة , لكن ما قصر بشكل عام

هذا تقييمي البسيط

و ياليت ما احد يقعد يحطم ترى هذا ثاني موضوع لي بالقسم

شجعوني قولوا هلالي فوق الجبال شوي شوي

والسلام خير ختام