إقتباس الرسالة الأصلية كتبت بواسطة نـــــــ15ــــــمر تدرين ان لي اكثر من سنتين كنت ادور ابي اسويها ولا لقيت مكان يوفرها لي

اجل تدرين هااه .. وش قصدك

.,



وين الخوافين الي مثلي يشوفون الي اشوفه

دايم اشوف هالحركات بس احس انها لعبه يعني ينصبون علينا ماتوقعت بوه احد يسويها جد ياقو قلبك ماشاء الله

بالتوفيـق

7
7
هذا وانت توّك جاي من إجازه

^
^
رند احذفي واحد من الردين >> مشرف زووووووووووول

هلا وغلا بمتعب
وكل عام وانت بخير ..
وما شاء الله عليك تجربة حلوه وجميلة وباخذ تفاصيلها منك فيس تو فيس ان شاء الله
وبصراحة يوم شفت الموضوع توقعت انك سويت ها الحركة طبعاً بحكم شخصيتك اللي حللها خوينا الدكتور النفسي ولا اخفيك من يوم عرفتك تحب الهبال والاشياء الجديدة والاكشن وامستردام
المهم لا تنزل الفيديو ترى انذار على طووووول

سلام ,,,

إقتباس الرسالة الأصلية كتبت بواسطة F-C-Barca السلام عليكم ورحمة الله وبركاته والله ان ذا الاجانب متهورين عااد خبلاان خخخ اووما الحرمه اللي نكبت زوجها هع (( إن كيدهن عظيم )) يعطيك العافيه

خلك من خبالهم بس لها متعتها

شكرا على المرور

إقتباس الرسالة الأصلية كتبت بواسطة عاشقه الوطن .. ماشاء الله بس جد شيء يخوف صح المغامرة زينة بس موب كذا مرة وحدة .. يمممماه ما وسوست قبل اللحظات الأخيرة .. ؟ يعني يمكن الحبل ينقطع .. ؟ << أوووت يعطيك العافية .. ..

بيني وبينك كنت ابي اقول نزولوني وجتني ام الركب وقبل لا انط جيت ابي اتشهد وانسى التشهد

بس شعور بطل لازم تجربينه

إقتباس الرسالة الأصلية كتبت بواسطة وجــدان ., أمك درت انك مسوّي هالحركه ؟! مااقول الا الله يصبّر قليبها كانك مخرّعها دايم مع اني للحين مافهمت وشلون هالرياضه بالضبط -> تلمّح للفيديو بس شكلها على قولتك رياضه للي قلبهم قوي والخوف ماله مكان بحياتهم ماشاء الله عليك اذا هالصفه فيك والله يزيدك عوافي نمر

هههههه

هلا بوجدان هلا
لو انها عن\ي كان ذبحتني قبل لا انط ما درت الا يوم رجعت الرياض وريتها الصور عطني نظره بس لحقتها ضحكه وابتسامه ان شاء الله بشرح شرح وافي لها في موضوع ثاني


تشـــــــــــــاو

هلا والله وغلا متعب ..

والله ياقو قلبك ما شاء الله عليك بس ..
انا لو افكر مجرد تفكير اسويها تجيني ام الركب ..
مرة ركبت السفينة بالملاهي اللي تاخذ نص لفة بس, جلست اسبوع عقبها ما اقدر اتحرك ..
اجل لو اسوي مثلك ممكن يجيني شلل كامل ..
بس سؤال ماحلمت بكوابيس عقبها .. ؟!

يعطيك ربي الف عافية اخوي ,,

مشاااااااااااااااااااااااء الله عينى عليك باردة ............تحديت الخوف عقبالى مع مأظنتى اسويها او افكر فيها

إقتباس الرسالة الأصلية كتبت بواسطة فنون هلاليه بجنون مئتين قدم كم يساوي من متر أحسك بعيد ..!! مااقول إلاماشاء الله عليك..!!

69 متر

يعني طول بيتكم 10 مرات


يسلمو يا فنون على المرور

إقتباس الرسالة الأصلية كتبت بواسطة بنت فله ومعاهادله أقول انتم ياهالشباب المتهوريـــــن ياللي بايعين حيـــاتكم وش تحسون فيه الصـدق انك منتب خواف عـــــاد جد أحسهـا رياضة خطيرة بغض النظر انها رجولة ومارجولة مع ان اللي مخترعتهـــا حرمة الله يهديهـا ماادري وين معه حرمة بذا الاختراع لاننا يابنات حواء الطعوس العادية اللي بالبر تخرعنـا وشلون عاد بنطير فوق الجبال ونازلين على البحر وبحبل مااقول الاماشاء الله عليك الله لايضرك ويخليك لأهلك بس عـاد انتبه ترىموبكل مرتن سلامة<<نصيحة من وحدة خواااااااافــــــة بقوة

هلا بك وش احس فيه ابي اغير جو واجرب شي غريب وجديد

انا ما انكر انه الامر مره يخوف لكن شفت قبلي كم واحد سواها فحسيت ان الوضع امان

ولو بموت هذا يومي واما عن الاسباب فالحبل مربوط برجلي


شكلك حقت تطعيس بس يبيلك تجربينها (البنجي )



تشــــــــــــاو

اووووووووووووخس والله ينت خطييييييييييير

بس اهنيك على الجرأه اللي عندك بس ياليتك اخذت ابو طلال معك خليته يجرب

يالله عطنا االفديو تراي متحمس يمكن اجرب انا اقول يمكن..

تحياتي لك..

أحس ان لافك عرق أرجنتيني




تبي تحط الفيديو ولا كيف ؟

^
^
^
هذا الرد يعبر عن الرجولة بمعناها الحقيقي .. عمرك شفت أحد يرفع صوته على واحد ناقز من فوق 200 قدم ؟

إقتباس الرسالة الأصلية كتبت بواسطة جرح يشكي يا رب سترك <-----------# مواصفات شايب ما شاء الله تبارك الله عليك انا من يوم اني صغير .. لو تسطح الكورة فوق الملحق ما طلعت اجيبها .. لو تشوفون سطح الملحق بتشوفون كلها كور ترا موب خوف بس تعرفون انا ولد عز متعب كل عام وانت بخير ورده جرح

يا هلا وغلا تو ما نور الموضوع

لك وحشه والله

تدري عاد انا نطيت مرتين الشعور في الاولى احلى من الثانيه


على طاري الملحق والكوره ما ودك نروح نجيبها


تشــــــــــاو

إقتباس الرسالة الأصلية كتبت بواسطة Msh3al_37 حلوه هالرياضه وتمنيت كثير اني اجربها اتوقع ان لها شروط ياليت لو تعرف الشروط تسدحها لنا يعطيك العافيه (قلب)

والله بالنسبه للشروط هي ما عندي خلفيه عنها

بس اهم شي انك توقع اذا صار لك اي شي انهم مالهم دخل فيك

ومن الطبيعي ان المراه ما تكن حامل

وكان فيه واحد من الشباب رجعوه لان وزنه كان ثقيل

إقتباس الرسالة الأصلية كتبت بواسطة الـمـشـاغـب كفووووو يا قوي يا لبى الإغرااااااااااااء بس .. صورة وأنت مفسخ؟ لا ما يمديني كمّل وأرسل لي الفيديو إذا ما بتنزله باليوتيوب خلني أكحّل بس تشاووو ميتوو

مفضخ وليس مفسخ

وش رايك فيني اخقق

الا ما قلتي ما اشتقلت للعزوبيه

إقتباس الرسالة الأصلية كتبت بواسطة الهنوووف ياساتر وش هالرياضه رياضه تخوف واحس فيها مخاطره (وَلاَ تُلْقُواْ بِأَيْدِيكُمْ إِلَى التَّهْلُكَةِ ) هي حلو تعلمها لان ممكن يجي اوقات تحتاجون لها بس صعبه والله عسانا نطب من حواف المسبح واذا انقطع الحبل والا خربت هالي فوق مانقول الا ماشاء الله عليك ولاتعيدها مو كل مره تسلم الجره وسلامي وتحياتي للحريم وعلى قوله شذى وش الحياه بدون كيدهن \ / عوافي نمر وعودا حميدا يابطل (ذكرتني بموضوع الشعر الطويل) الهنوووف كانت هنا ورحلت

اي تهلكه لان فيها وسيله امان صحيح ان فيها خطر لكن حلاتها بالخوف

اما عنك وعن شذى الله يستر منكم

ابي اعرف وش الي ذكرك بموضوع الشعر


تشـــــــــــــــــــــــــــــــــــــــــــــــــــــــــــــــــــاو

متـى نـاوي تـعطينا المقـطع << من بـدايـة الموضـوع وهـو ينتـظر هـ الفـديو

إقتباس الرسالة الأصلية كتبت بواسطة هلالي من ارض اليمن الشهادة لله أن طمرتك .. طمرة أحمر عين ،،، يعطيك العافية يا السمخ ،،،

هلا والله يا خي الوان تسال عنك تقول وينه مشتاقين له

عندي سؤالين الاول من هو احمر عين

الثاني ما معنى كلمه السمخ

بانتظار ردك

إقتباس الرسالة الأصلية كتبت بواسطة الـصـخـرة ماغلط من سمّاك ( متعب )... ودام اسمك متعب اكيد بتطلع شجاع وشلونك يافتى ؟؟ الا وراك ما اخذت ابوطلال معك يخرشنا بشجاعته

يا هلا وغلا بالصخره

ياخي كل شفت سمك ذكرتك (وهقتنا فيها ذاك اليوم )

لا ما عليك ابو طلال شجاع حتى انه استشهد في في الحرب العالميه الثاينه

ومن عقبها ابو طلال ما يقعد الا في صدر المجلس


نور الموضوع بطلتك الا يالغالي ما شفنا لك مواضيع اشتقنا لها



تشـــــــــاو

لو انا أظن بأموت وانا لسا ماوصلت النص

الله يقويك اخووي..

باين عليك جبار..ماشاء الله عليك