المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام
   

منتدى المجلس العام لمناقشة المواضيع العامه التي لا تتعلق بالرياضة

إضافة رد
   
 
LinkBack أدوات الموضوع طريقة عرض الموضوع
  #1  
قديم 28/11/2009, 11:43 PM
الصورة الرمزية الخاصة بـ Fahad Al Sudais
مشرف سابق في منتدى الجمهور الهلالي
تاريخ التسجيل: 21/02/2008
المكان: مدريــدي / ارسنــالي
مشاركات: 13,119
قـالـوا للشـيـنه : تبـرقـعي ... قـالت : هـذا وانـا ماحـطيـت مـكـيـاج !!

حيــــــــاكم



عـلى مــن نـطــلـق الــرصــــاص ؟؟

رواية بوليسية مثيرة.. يتخللها العديد من الفصول المرعبه

رؤية فنية وسيناريو وحبكة درامية : صخ صخ هيتشكوك

.

.

المشهد الاول :

ميونخ - خريف 1988م

أشعل ( أوليفر ) سيجارته واخذ يفكر بعمق

وبين لحظة واخرى كان يسترق النظر باتجاه النافذه

لعلّها تأتي بريح عابرة

وكلما مر المزيد من الوقت... يزداد توتر ( أوليفر )

وفجأة

يرن الهاتف الخلوي بصورة كسرت حاجز الصمت الرهيب

ليلتقطه ( أوليفر ) بيد ترتعش خوفاً وهلعاً

فإذا بصوت خافت رخيم :

وينك فيه انت ووجهك

( أوليفر ) : انا بالبيت مصخّن شوي... وش عندك يا ( صنهات ) ؟؟

( صنهات ) : مصخّن اجل هاهـ ؟؟ قم بس قم لا اجي اتوطّى بطنك

( أوليفر ) : اقوم وين اروح الله يرجك... قسم اني مريض

( صنهات ) : اقول قم لاتخليني اخربها معك صح

( أوليفر ) : طيب علمني وش عندك ؟؟؟

( صنهات ) : اليوم بين العشاوين فيه مضاربه مع شلة دشير بـ( شتوتغارت )

( أوليفر ) : بـ( شتوتغارت ) .. وانا وش دخلني

( صنهات ) : وشلون وش دخلك يالنذل ؟؟ اخوياك وتبي تجحدنا ؟؟

( أوليفر ) : اقول يابوالشباب الى هنا ووقف... وهالمعرفه اقطعها والوجيه بيضاء

( صنهات ) : لا ياشيخ ؟؟ تستهبل انت ؟؟ هذي تاليتها يالابرص انت وعيونك الخضر

( أوليفر ) : اقول احفظ لسانك لاتخليني اسفّرك ... الشرهة على اللي جابك بفيزة طالب مبتعث

ثم أغلق ( أوليفر ) هاتفه واتجه الى المطبخ

وقام بتحضير كأس عملاق من الجعة المثلجة

وأشعل سيجارته مجدداً ثم استلقى على أريكة وثيرة في غرفة المعيشة

وماهي الا دقائق معدودة من الاسترخاء حتى غط ( أوليفر ) في سبات عميق

ومع ساعات الصباح الاولى استيقظ ( أوليفر ) وهو يشعر بإجهاد شديد

ثم ارتدى كنزة صوفية واعتمر كوفية من القطن وانتعل حذاءه الايطالي

وخرج الى ناصية الطريق باتجاه المقهى وجلس بعد ان طلب كوباً من القهوة السوداء

ثم ثارت ثائرته عندما رأى نادل المقهى قد ضبط شاشة التلفاز على قناة الـ mbc

وكعادتها كل صباح.. كانت العجوز الشمطاء لوجين عمران تتميلح جنب اللبناني

ومطقمه بفستان مقرف نفس اللون مع الكنب والخداديات اللي وراها

فطلب من النادل ان يغلق التلفاز قبل ان يتقيّأ

فقام النادل بتحويل الموجة الى اذاعة mbc.. ليزداد الوضع سوءاً بسماعه لصوت رنا القاسم

وكاني بـ( أوليفر ) يقول : سبحان من اختزل السماجة والوقاحة وثقل الطينة فيك ايتها المخلوقة

توتّرت اعصاب ( أوليفر ) بسبب صوتها فنهض دون ان يدفع الحساب

وزج بكوب القهوة على الطاولة المجاورة... وقد كان يجلس فيها رجل كهل

فقام الكهل الغاضب ورفع عصاهـ التي جاءت مجاوبة على هامة ( أوليفر )

فخر المغدور صريعاً وفاضت روحه الطاهرة الى بارئها

المشهد الثاني :

تم دفن ( أوليفر ) في جنازة مهيبة... منك لله يارنا القاسم

.

.

.

الـصـخـرة
دختور


مازال الصراع مستمراً بين سطوة ( الفياغرا ) وفدائية ( شرش الزلّوع )

الطب الحديث وأباطرة العصر حقّون اوروبا وامريكا حايمة كبودهم من اشقائنا الشوام

الحمران العطران كل يوم والثاني مطلعين لنا حبوب شكل

يوم زرقاء.. ويوم صفراء.. إشي فياغرا و إشي سيالس

وابوشكيم مدهرين في سوريا ولبنان.. ومع شرش الزلوع رجولتك ( شكلين مابتحكي )

وحتى اليابانيين وجيرانهم طالعين لنا بـ( الجينسنغ ) ويراهنون على افضليته

لكن انا عندي تساؤل بسيط...

الحين وش اكثر الكائنات الحية تفريخاً وفحولة ؟؟؟

الجواب بدون جدال : الارانب

طيب هالارانب وش تاكل ؟؟؟

فياغرا ؟.. سيالس ؟.. جينسنغ ؟.. شرش الزلوع ؟؟؟؟

عسل سدر ؟... باور هورس ؟.. بايسن ؟؟؟؟

طبعاً ولاشيء مماسبق...

بعد دراسة عميقة ومستفيضة اكتشفت ان الارانب مدمنة ( خـس )

والواضح لي ان الخـس ماهوب بسيط ابداً

حتى اني بصراحة كنت دايم استغرب اذا رحت اشتري خضره من السوق

كنت ألقى كل الورقيات اسعارهن بريال واحد للحزمة... والخـس بثلاثة ريال

وما ادري وش السبب ان الخس اغلى من غيره بهالشكل الفاحش

أثاريهم حقّون الخضار يدرون عنه وعن تأثيره على الفحولة وساكتين

رافعين السعر بدون إبداء الاسباب وكأنهم يقولون الشيوخ ابخص

حتى بعد لو تلاحظون معي شيباننا السابقون الاولون

كانوا مايحرصون بالغداء والعشاء على السلطة... لكن ينهبلون اذا ماغسلنا لهم صحن خـس

وانا كنت استغرب ليش حرصهم على الخـس بالذات... ومايهمهم الخيار والطماط

لكن الحين اتضحت لي الصورة... وعرفت سرك الدفين يا خـس

.

.

.

الـصـخـرة
مفولجي

أي مفولجي الله يرحم والديكم

عيال الكلفس الفوالين كلهم صاكّين امس واليوم وانا حالتي صعبة جداً

.

.

.

رومانسيات صخراويات


قبل اشوفك.. كنت احسب ان القمر كويس مـرّه

وبعد ماشفتك.. عرفت انه ماعنده سالفه هالنصاب

من يومها وانا اطالع فيه واضحك واقول له : حَـرّه

وهو يطالعني بحقد ويقول : قلّت الخاتمة يبو الشباب

من كثر شوقي قمت اخربط بين القلابه وفول جـرّه

سقطت ورقة التوت في شباط وسوف تعود في آب

اضافة رد مع اقتباس
  #2  
قديم 28/11/2009, 11:46 PM
زعيــم فعــال
تاريخ التسجيل: 18/09/2009
المكان: ولايتي الحبيبة
مشاركات: 229
بآآآك صخرتنا


أثرك مدمن خس وحنا ما ندري



والله يعينك
ماتقدر تصبر عن الفووول

إلا تعال

وش دخل العنوان بالمكتوووب

جار حل اللغز


وكل عام والقصيم وأهلها بخير

اخر تعديل كان بواسطة » مستر حمص في يوم » 01/12/2009 عند الساعة » 03:09 AM
اضافة رد مع اقتباس
  #3  
قديم 28/11/2009, 11:52 PM
الصورة الرمزية الخاصة بـ هلالي من ارض اليمن
مشرف منتدى المجلس العام
تاريخ التسجيل: 02/08/2005
المكان: بين الحلم والأسوار !
مشاركات: 13,589
ربي يسعد ايامك يا فهد



لا جديد يا استشارينا الجمهوري المبدع .. سواء تناولت فول ام لم تتناوله انت كلك على بعظك ( قلابه )

لا عدمناك يا غالي

كل عام وانت بالف خير والف عافية

في حفظ الكريم ،،،
اضافة رد مع اقتباس
  #4  
قديم 29/11/2009, 12:00 AM
الصورة الرمزية الخاصة بـ وجــدان
زعيــم نشيــط
تاريخ التسجيل: 09/09/2008
المكان: ( حايل ) يآبعد حي الشمال ويآبعد مِيته
مشاركات: 783
.,

تسوي بي خير لو تعلمني وش الرابط بين العنوان وهالموضوع .. لأني ماحب احس اني مدري منين هي هابّه
إقتباس
عـلى مــن نـطــلـق الــرصــــاص ؟؟

على كل من تسوّل له نفسه ويفطر فول الصباح , يامجرمين
لا وتبينا نفطر فول بعد . وهالخثاريدز هاللي تقولها كلها بس لأنك قطعته يوم ؟
الله العالم ان الفول ادمان , وماله داعي اصير مدمنه

شف طال عمرك السالفه الاولى طلعت منها بالآتي :
1 / خل عنك الفزعه اللي مالها سنع وطبّق مقولة ( نفسي / نفسي ) تسلم !
2 / انك تكره رنا القاسم ولوجين عمران ومالومك
3 / اني غبيّه عجزت اطلّع اكثر من هاللي قلتلك اياه

إقتباس
قبل اشوفك.. كنت احسب ان القمر كويس مـرّه

وبعد ماشفتك.. عرفت انه ماعنده سالفه هالنصاب

من يومها وانا اطالع فيه واضحك واقول له : حَـرّه

وهو يطالعني بحقد ويقول : قلّت الخاتمة يبو الشباب

من كثر شوقي قمت اخربط بين القلابه وفول جـرّه

سقطت ورقة التوت في شباط وسوف تعود في آب

هههههههههههههههههههههههههههههههههههههههههههه
هههههههههههههههههههههههههههههههههههههههههه
هههههههههههههههههههههههههههههههههههههههه
ترى يمديك شاعر المليون بيشرّع ابوابه .. لاتحرم جمهورك تكفى

عوافي يالسنافي > كييييييييييييف ؟
اضافة رد مع اقتباس
  #5  
قديم 29/11/2009, 12:03 AM
زعيــم متألــق
تاريخ التسجيل: 14/12/2008
المكان: على ترابك يااغلى وطن(السعودية)
مشاركات: 1,062
هههههههههههههههههههههه
شنو الابداع والله انت ملك الابداع لبي قلبك
اضافة رد مع اقتباس
  #6  
قديم 29/11/2009, 12:04 AM
زعيــم مميــز
تاريخ التسجيل: 09/07/2008
المكان: بزبوز المغسلة
مشاركات: 3,317
هع هع هع

الله يصبح مساءك بالرضا والعافية
اخيييييييرا لقيت احد يفهمني
ويحب الفول والقلابة مثلي
تهي تهي تهي

يااخي كنت احس كل الناس إللي عندهم نت ماياكلون فول ابدا
وكل ما كلمت وحده وقلت لها احب الفول
تقوم ترد علي بحاجبيين مقطبيين وجهه ضاحك>>>>>>>>>>>>شلون تركب هذي(يمكن إذا وجهها مقسم دورين دور فوق والثاني تحت)هع
تقول لي معقولة انتي تحبيين افول؟
والله من جد تاكلين فول؟

اقوم انا استحي وافك عمري من اولها واقول لها
لا لا لا مااكله ولا ابه
هع هع هع
اضافة رد مع اقتباس
  #7  
قديم 29/11/2009, 12:10 AM
الصورة الرمزية الخاصة بـ أبو سواج
زعيــم نشيــط
تاريخ التسجيل: 25/11/2007
المكان: المجمعة
مشاركات: 697
إقتباس
كانوا مايحرصون بالغداء والعشاء على السلطة... لكن ينهبلون اذا ماغسلنا لهم صحن خـس

وانا كنت استغرب ليش حرصهم على الخـس بالذات... ومايهمهم الخيار والطماط


قسم كأني أشوف ابوي الحين بين عيوني ، مقطب الحواجب ، متفخ الأوداج ، يقول لأختي :
قومي جعلك القامة ، قومي اغسلي لنا الخس وافركيه زين ..
واذا جاء صحن الخس ، مافيه امل يخليه في الصحن وياخذ منه شوي شوي ، تلقاه ياخذ قحشه بيده ويحطها في طرف الصماط من جهته ، وبعدين اذا جاء ياكل خسه ، ينفض الماء في وجيهنا ، في حركة مداعبه حفظه الله ..


إقتباس
قبل اشوفك.. كنت احسب ان القمر كويس مـرّه

وبعد ماشفتك.. عرفت انه ماعنده سالفه هالنصاب

من يومها وانا اطالع فيه واضحك واقول له : حَـرّه

وهو يطالعني بحقد ويقول : قلّت الخاتمة يبو الشباب

من كثر شوقي قمت اخربط بين القلابه وفول جـرّه

سقطت ورقة التوت في شباط وسوف تعود في آب

شف انا حاولت ابلع القصيده واربط ابياتها ببعض ، لكني عجزت افهم اخر شطر ، والظاهر ان المعنى في كرشة الشاعر << ذبحني خياس الكرشه في العيد

شكرا جزيلاً على المتعة ..

ونسيت اقولك ان قراءة العنوان ، تؤدي الى نفس الفائدة من قراءة الموضوع ما شاء الله عليك بس
اضافة رد مع اقتباس
  #8  
قديم 29/11/2009, 12:27 AM
كاتب مخضرم بالمجلس العام
تاريخ التسجيل: 11/01/2001
المكان: الدائري الشمالي
مشاركات: 5,720
هلا والله بالصخرة وكل عام وأنت بخير

حاولت أفك الشفرة اللي تربط بين عنوان الموضوع والمحتوى وتبين لي أنها تأثيرات زيادة حمض اليوريك في الدم نتيجة الأفراط في تناول اللحوم الحمراء مما أدى الى ارتفاع الضغط الجوي في المخيخ وبالتالي ضربت فيوزات المخ


ف
إقتباس
قام النادل بتحويل الموجة الى اذاعة mbc.. ليزداد الوضع سوءاً بسماعه لصوت رنا القاسم

رنون من عقب خمس بساس في خمس أكياس وكل بس في كيس وكل كيس فيه بس وهي مع الفريق الرديف وفي برامج في فترة ميته


إقتباس
وكعادتها كل صباح.. كانت العجوز الشمطاء لوجين عمران تتميلح جنب اللبناني

لجين عمران تذكرني باللي جت تخطب لولدها يوم سألوها وش يشتغل قالت أخوه الكبير طبيب والصغير مهندس
وهذي لجين مثلها عندها أخت مطربه صغيرة بالسن وأحلى منها بكثييييير


إقتباس
طيب هالارانب وش تاكل ؟؟؟

فياغرا ؟.. سيالس ؟.. جينسنغ ؟.. شرش الزلوع ؟؟؟؟

عسل سدر ؟... باور هورس ؟.. بايسن ؟؟؟؟

طبعاً ولاشيء مماسبق...

بعد دراسة عميقة ومستفيضة اكتشفت ان الارانب مدمنة ( خـس )


وش اللي تاكل خس !!! لنا 29 سنه يدرسون فينا الأرنب يأكل الجزر والجزر يقوي النظر

من أيام كتاب الهجاء حق اولى ابتدائي الى أخر سنة بالجامعة وهم يقولون لنا هالكلام وش لون يتغير الحين

أنا سمعت مثل هالكلام من بنتي اللي قاعدة تحفظ نشيد عن الأرانب مدري من اللي مألفه يقول:

الأرنب يدور في الحقل يشم الفل فل فل فل ياكل خس خس خس خس

بس ماصدقت أحسب مدرستهم تسلكهم اثر السالفة صحيح


إقتباس
الـصـخـرة
مفولجي

أي مفولجي الله يرحم والديكم

عيال الكلفس الفوالين كلهم صاكّين امس واليوم وانا حالتي صعبة جداً


أخبر لك مطعم مايصك في لا في عيد ولا في سعيد

عنده جميع أنواع المأكولات

شف من زود الحرص حاطين سهم للزباين عشان مايضيعون ولو رحتلهم وعرفت بأسمك بيفطرونك ويغدونك ويعشونك بلاش تدري ليه ؟؟؟


.



.













أثرك مطخطخ ومليان وحنا ماندري

اخر تعديل كان بواسطة » قرقاص في يوم » 29/11/2009 عند الساعة » 12:52 AM
اضافة رد مع اقتباس
  #9  
قديم 29/11/2009, 12:53 AM
زعيــم فعــال
تاريخ التسجيل: 30/12/2007
المكان: إن شاء الله حائــل للأبد (قلب)
مشاركات: 477
بصراحه موصوع غاية بالروعه .

- صنهات هذا مشكلته مشكلجي وخواف .

- انا اشك انك فاتح محل خضار والخس عندك ماهو ماشي شغله

- بس ليه رنا القاســم أنا بصراحه تعجبني اذا صارت تكرررش للخملق واللي مسوين مستضرفين



الله لا يخلينا منك يا الصخرة

لكـ مودتي ودااامت افراحك
اضافة رد مع اقتباس
  #10  
قديم 29/11/2009, 12:57 AM
في انتظار تفعيل البريد من قبل العضو
تاريخ التسجيل: 16/07/2009
المكان: فوق الأرض وتحت السماء
مشاركات: 381
مبدع يافهد كالعادة
تمزعت من الضحكـــــ
سلمت يمناكــــــــ <<عشان تكتب لنا خخخخ

.................الصخــــــــــــرة
اضافة رد مع اقتباس
  #11  
قديم 29/11/2009, 01:15 AM
الصورة الرمزية الخاصة بـ I B R A H E M
زعيــم مميــز
تاريخ التسجيل: 09/09/2009
المكان: رياض العز و الخير
مشاركات: 1,858
هلا بالجار و المجرور

^

أحس ماحد فاهم هالكلام غيرك

الموضوع كله كوم و رومنسياتك كوم

بعدين وش فوله في أحد ما يفطر مقلقل هاليومين


عليك توقيع

من بعد محمد بن سعود و كل من عميله تبرا

قلبت لكرستيانوا مره وحدة



أبو سواج

إعتبر إنه قال تروح برجب و ترجع بصفر

اخر تعديل كان بواسطة » I B R A H E M في يوم » 29/11/2009 عند الساعة » 01:33 AM
اضافة رد مع اقتباس
  #12  
قديم 29/11/2009, 01:20 AM
زعيــم متواصــل
تاريخ التسجيل: 08/02/2008
المكان: الريـآـض
مشاركات: 137
الصخرة بدري < كف ..
والله يااخي منتظرنييك وكذا تلطعنـآ <كف ثااني ..

وشصم‘ـه الله يرح‘ـم اوليفـر

تصل‘ـم خيوو
اضافة رد مع اقتباس
  #13  
قديم 29/11/2009, 01:26 AM
زعيــم فعــال
تاريخ التسجيل: 10/11/2009
المكان: حيث يتواجد " الزعيم "
مشاركات: 429
هلا صخصخ

اول طاري
كل عام وانت بخير وعيدك سعيد


ثاني طاري قبله على جبينك لاني متابعك وهذا اول ردلي واتشرف

ثالث طاري

موضوعك اليوم توحفه

شف وانا اخوك الفزعات راح وقته يعني هالوقت ماتلقالك قبيل
فمن الأساس ابعد عن الشر وطبله
لكن اذا قلنا ان سالفة اوليفر وصنهات البنهات هذي سالفه عويصه ويبيله وقت
وسالفة الخس فهذا طال عمرك يوم سمعت سالفة شيبان قعدت احاول اتذكرليه مع الغداء دايم خس

مع انه غالي والشيبان يحبونه وعرفت السبب من خلال مفاصل الموضوع

على طاري الفول ماتبي خليع يحبه فمك والبك

مودتي



اخر تعديل كان بواسطة » هلالي بحتي في يوم » 29/11/2009 عند الساعة » 01:52 AM
اضافة رد مع اقتباس
  #14  
قديم 29/11/2009, 01:38 AM
تقنـي ممُيـز
مراسل الـ NBA
تاريخ التسجيل: 09/12/2008
المكان: مدينة سيد الخلق / Berlin
مشاركات: 2,106
أحلى ما في الموضوع هذه الكلمة بعد كل ميونيخ وأوليفر وقصص بوليسية يجيك صنهات

كل عام وأنت بأجمل حال عزيزنا الصخرة ..

إقتباس
... الشرهة على اللي جابك بفيزة طالب مبتعث






شكراً ،،

اخر تعديل كان بواسطة » GoldenEngineer في يوم » 29/11/2009 عند الساعة » 04:35 AM
اضافة رد مع اقتباس
  #15  
قديم 29/11/2009, 01:42 AM
زعيــم فعــال
تاريخ التسجيل: 04/06/2009
مشاركات: 295
اللــــــــــــــــــــــــــــــــــه يحيـــــــــــــــــتك ويبقـــــــــــــــــــــكـ
غريــــــــــــــــــــــــــــــــــــــــبه ماقلت
إقتباس
أنا جيــــــــــــــــــت:

شكلــه سقطت سهوا
إقتباس
( أوليفر ) : انا بالبيت مصخّن شوي...

اشـــــــــــــــــــــــوى ماهو متليش


إقتباس
ثم ارتدى كنزة صوفية

امـــــــــــــــــــــــــــــــــــــــــــــــــــتتش يالكنزة
وبعدينا الام بي سي بكل مكان وين مارحنا
إقتباس
كانت العجوز الشمطاء لوجين عمران تتميلح جنب اللبناني

ويـــــــــــــــــه واتسبدي الله يكرم النعمة
إقتباس
فقام النادل بتحويل الموجة الى اذاعة mbc.. ليزداد الوضع سوءاً بسماعه لصوت رنا القاسم

ياخي رنا أرحم مليـــــــون مررره من لوجين ورنا صوت فقط اما هذيك صوت وصورة وكل صباح ناطة لنا..
إقتباس
فخر المغدور صريعاً وفاضت روحه الطاهرة الى بارئها

يــــــــــــــــوه قهـــر مـــــــــــــات كان غيرت القصة مع الحبكة اللس مسويها وخلتة يعيش ويتزوج ويجيب احفاد
ويعجز بعد مايشوف جميع احفاد ثم يلبس قميــــــــــــتص أبيــــــــــض وينام بالسرير ويمـــــــــــــــــــــــوت
مثـــــــــــــــل روز العجوز
لا لا بصـــــــــــــــــــــــــراحة اسمحلي معليـــــــــــــــــــــش ماتعرف تضبط الحبكة كان خليته لي>>>أمــــزح

إقتباس
الحين وش اكثر الكائنات الحية تفريخاً وفحولة ؟؟؟

كنت اعتقد انة الذبانة هي اكثر وحدة تتكاثر

وبعدين ياخوي ليش تعلم بالخس مو كافي البزارين اللي مالين السعودية
خلهم يجيبون ولد وبنت وبالكثر اربع ويربونهم صح أووما تسع وعشر بزارين وشياطين بعدمايصلحش

إقتباس
قبل اشوفك.. كنت احسب ان القمر كويس مـرّه

وبعد ماشفتك.. عرفت انه ماعنده سالفه هالنصاب

من يومها وانا اطالع فيه واضحك واقول له : حَـرّه

وهو يطالعني بحقد ويقول : قلّت الخاتمة يبو الشباب

من كثر شوقي قمت اخربط بين القلابه وفول جـرّه

سقطت ورقة التوت في شباط وسوف تعود في آب

الخاطرة هي أجمل مافي الموضوع بعد العنوان
ياليت قلت بالأخير{سقطت ورقة التوت في الغرا وسوف تعود بالأتوام}كان طلعت أجمل >>اسألوا قرقاص عن الغرا والأتوام للي مش عارف

صــخ صـــخ أبـــــــــــــــدعت وأمتـــعتنا...
نسيــــــــــــت أقول كل عيــــــــد وأنت بخيــــــــــــر ومن عوادة...
اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:02 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube