السلام عليكم ورحمة الله وبركاته

كل عام وانتم بخير اولا

والف مبروك الفوز والثلاث نقاط على الاتفاق

امس بعد مباراة الشباب والاتحاد وانا جالس مع خويي قالي امش خلنا نطلع نتمشى قلت براسك

المهم طلعنا وحنا نفرفر قالي اشطف التحليه مبطي عنه قلت بس ماطلبت شي لو تبي اشطف برلين ياشيخ

المهم شطفنا التحليه طبعا ان اللي اسوق وبينما خويي كان يتلفت ويتفرج الا ويصرخ ذيك الصرخه يقول نيفيييييييييييييز شفه المهم انا قلت نصاب احسبه يستهبل علي هذي حركاته

قالي قسم بالله انه نيفيز

عاد يوم حلف صدقته واسفط على جنب والحقه كان بيقطع شارع التحليه وبيروح للوكا لايزر اللي يعرفه سوق بالتحليه المهم

ولحقته عند السوق وقلت له نيفييييييييييز اشر بيده (سلم)

قلت له انا

excuseme i wante take the picture with you

قالي ولكم عاد انا احتري خويي الدب اللي يجي عشان يصورني معه قلت له اني من جمهور الهلال واني شايف لعبك مع منتخب البرازيل وانك فنان ومن هالكلام المهم قلت له نطمح للمزيد قال لي اصبروا وراح تشوفون مستواي يتطور

عاد جا خويي وصورني معه

وهذي الصوره كانت معه المدام بس واضح انها مهجدته

بس هو كان ناوي مطعم فابينو اللي في السوق نفسه

عاد انا من هنا اقولكم اصبروا عليه ياجماهير الزعيم وراح تشوفون مستواه يتطور ويصير من افضل المحترفين باسيا