إقتباس الهدف كان من جهديّ ،، !

من جهدك اجل

ابوعزيز مبروك الفوز للمرة الخامسة

فيه نقطة حبيت اناقشك فيها ,,

اللي هي عن كاوت ,, انا تابعت مباراة امس

وركزت بالتحديد على كاوت ومدى فائدته وتحركاته ,,

اللي اشوف ان عنده لياقة بنت كلب ومايهدى الولد ابد ,,

لكن يبي له توظيف صح ,, يعني يوظف هالإمكانيات

والتحركات بشكل يفيد الفريق ,, امس اشوفه استنفذ

لياقته الا شوي ,, صحيح اثمر عن هدف لكن بإعتقادي

كان سوء تغطية من الإرتكاز وايضاً قلبي الدفاع ,,

بغض النظر عن الهدف , نرجع لـ كاوت وتوظيفه ,,

مدري هل هو سوء تقدير من بينيتز في توظيفه

او اجتهادات من كاوت بتحركاته ؟

ونقطة اخيرة ,, ماتشوف ان بابل

يستحق اللعب اكثر من وضعه الحالي ,,

واقصد في حال عودة توريس ماتشوف

ان بابل او نجوج في حال لعبهم يتيحون

لـ توريس التحرر ويفتحون له المساحات

بشكل اكبر ؟

لك المايك ولا يهونون حبايبي الليفربولية




.
.

عدد المتواجدون في هذا الموضوع » 5 , عدد الأعضاء » 2 , عدد الزوار » 3

‏فيلسوف, ‏أبــو غــامــد+

الحين رجعت رصاصي ماودك تتنزل طال عمرك وترد

هلا والله بأبوغامد منورنا يادب ,,




.
.

ما مثلوووووووووه

من جد يا جماعة ما مثله .. فيه كم لقطة يطربنا فيها دايم و يكون متمكن منها لكن امس سواها بطريقة مختلفة .. أقصد التحضين على الكرات العالية .. ذيبان سوا واحدة مجنونة أمس على تراوري بدور المباراة اعادة واشوف ان حصل اجيبها فيديو أو متحركة

يوه نسيت .. ألف مبروووك يا شباب الفوز

فيه كم ملحوظة بتكلم عنها في مباراة أمس لأن جهازي مهوب مضمون فما راح اطول ان شاءالله

* أنشيلوتي تعامل بشكل رائع جداً مع المباراة .. لكن .. لكن دخول جو كول في المباراة أمس كان ماله سنع .. تناقشت قبل فترة مع نواف نقاش عابر عن جوي يوم يلعب في احد المباريات خلف المهاجمين .. و تذكرته امس يوم شفته موجود في نفس المركز تقريباً ... جو كول يقدر يلعب في هالمركز هذي ما فيها كلام .. بس في حال ما كان فيه لاعب يشغل هالمركز و أقصد ديكو .. جوي فشل في هالمركز أمس من وجهة نظري رغم انه قادر على اللعب فيه لكن أتمنى ما اشوفه مرة ثانية في هالمركز الا اذا احتد انشيلوتي عليه

* أوبي ميكيل مع إيسيان كان حل مثالي و ما توقعته بصراحة من أنشيلوتي .. بين الشوطين حصل انتقاد من الشتالي لأنشيلوتي بخصوص اللعب بهاللاعبين .. و بصراحة أشوف العكس بسبب انهم قدروا يوقفون خطورة القنرز من العمق

* دروجبا اللحين وصل للهدف رقم عشرة في شباك القنرز .. و الهدف رقم 11 في الدوري الإنجليزي

* فيرمالين هاللاعب اقدره من قبل المباراة بس الرجال ما قصر معنا شي فيستاهل نقدره زود

* إيفانوفيتش قدم مباراة رائعة وتعتبر من أفضل مبارياته

* فيريرا نعنبوا ابليسك ذبحتني معك وش هالتمريرات اللي امس وش هاللعب الخورافي يا شيخ .. ما اقول الا الله يبعد هالاصابات عنك عشان اشوفك << شكله شايف مباراة ثانية

* إيسيان كان أفضل بعد ما طلع جوي .. أنيلكا كان بإمكانه تقديم الافضل .. آشلي يا لبييييييه يا شيخ 60 ألف يأوئوئووون عليك و تصنع هدفين في أقل من خمس دقايق يا حقير

* شوفوا عاد و بكل صراحة و مدري قلتها قبل أو لا .. تشيلسي اذا لعب على ملعب الامارات أتفائل كثير و قلتها لابوغامد قبل لا تبدأ المباراة أمس .. مهوب تقليل بالارسنال لا والله .. بس يجيني شيء غير طبيعي من التفائل عشان كذا من هنا و رايح لا تفكرون الا في 37 في الموسم لأن فيه واحدة بنكون خالصين منها كل سنة ان شاءالله



أحلى تحية


الله يبارك فيكم جميع .. عبود الله يبارك فيك و هاردلك

كل عام وانتم بخير..

يعطيكم الف عآفيه.. جهد تشكرون عليه ! بالتوفيق لكم ولناديكم

Yes we did't

يازين طعم الصدارة بسسس

بطب في المباراة مع ان التحليل حلاته عقب المباراة على طول عشان تمزمز صح

آنشي ياحبه للمحاور هالآدمي واحد من الربع ميلاني يقول والله يا آنشيلوتي

بتطقه الوناسة من المحاور اللي عندكم , من جد حتى أيامه مع الميلان أي لاعب

لازم يجربه في المحور , الزبدة ما علينا ,, التشكيل اللي دخل في آنشي ما اقول

عنه ممتاز ,, بشكل عام متحفظ بشكل كبير ,, ونقطة الوصل بين الوسط والهجوم كانت غائبة

وآنشي أخطا بإدخال جو كول , وتمنيت يلعب مكانه بالاك بحيث إيسيان يتفرغ لـ فابري ,

وميكيل يبقى ثابت في الارتكاز ,, وبالاك يميل للطرف ويمنع تراوري وآرشا من التقدم ,,

المباراة مشت مع آنشي ,, وإحقاقاً للحق القنرز كانوا ماسكين الكورة بشكل اكبر ,

لكن ناقصهم الـ Finishing , وهذي اللي حاستهم امس ,, وشفنا كذا كورة

خطرة لهم لكن الذيابة واولهم ابو بيتر ماقصروا , آشلي على

انه صنع كورة الهدفين إلا اني اشوف مستواه سيء ,, ممكن اعتماد القنرز

الجهة اليمنى في بناء الهجمات وممكن ايضاً بسبب هتافات الجمهور اووووه

لكن يحسب له صناعة الهدفين ومثل ماقلت التشكيلة اللي دخل فيها

آنشي متحفظة بشكل كبير , ولو قدر الله وسجل القنرز هدف اعتقد بيضيع

الفريق ,, وشفنا كيف الفريق ميت هجومياً خلال النصف ساعة الأولى ,

الحمدلله ربي وفقنا وجبنا هدفين لخبطت اوراق فينجر والقنرز بشكل كبير ,

تقييم اللاعبين ,,

تشيك .. عال العال يالبى قلبه ,, بالفعل الولد يقدم مستويات مذهلة ,,

ولا انسى انه وصل لـ 1100 دقيقة وشباكة نظيفة , وان شاء الله

يستمر على هالمنوال ,, امس يحسب له سرعة بديهته في كثير من الكرات ,,

لكن انا ملاحظ عليه من فترة مدري إذا احد لاحظها مثلي او لا , تشوف في

كثير من الأحيان آشلي او تيري او كارفا او إيفا إذا رجعوا له الكورة يستعجل

في تسديدها , وكثير من الأحيان تطلع الكورة آوت , مع ان بإمكانه يهدي

ويسدد على راحته ,, لكن يبقى أبو آديلا احد نجوم الفريق هالموسم ,,

بالنسبة لآشلي ,, تكلمت عنه فوق ,,

نجي لـ الليدر يالبى قلبه الموسم هذا تحس الرجال

ناوي يجيب الدوري والتشامبيونز بالطيب ولا بالغصب , والله من جد ,

مستوياته ثابته وندرة الأخطاء وزاد معدل القيادية عنده

بالنسبة لـ كارفا صليعان 2 , هو الثاني مقدم مستويات ممتازة ,,

يعيبه الفهاوة في بعض الكرات السهلة , تحس انه جديد على الفريق ,,

لكن يبقى كارفا محل ثقتي ويقدم مستويات رائعة ومتفاهم

بشكل كبير مع تيري خصوصاً وخط الدفاع بأكمله على وجه العموم ,

بالنسبة لإيفا ودي اشوف وجه ابو خالد بعد مباراة امس

مدري آرشافين لاعب امس ولا كان مرهق وما لعبه فينجر ؟

احلى شي يوم كان متقدم وكسب آوت , يوم التفت على الحكم لقاه

يأشر ان الآوت للقنرز , تشوف ردة فعله يالبى قلبه كنه يقول مالت عليك

نجي للسكير أوبي ,, والله يا عليه بنية ولد الايه , امس بهذل صناع

لعب القنرز , ونشب لـ نصري رغم انه مر كذا كورة لكن اوبي قدم مستوى ممتاز ,,

نجي للنحلة امس قطع الموية والكهرب والتلفون بين

لاعبي الوسط والهجوم ,, وكتم لك فابري ياحليله مثل ماقال النينو ناقص

مباراة امس بالاك , والله من جد دينيلسون ضايع وفابري متنرفز في احلى من كذا يابالاك ؟

إيسيان كان نجم المباراة بالإشتراك مع دروجبا ,, قدم ادوار دفاعية وهجومية

جداً رائعة ,, عندي ملاحظة على طريقة لعب إيسيان ,, تشوفه في كثير من الكرات

يتقدم ويبني الهجمة لكن مايلقى المُساند ويظطر يرجع الكورة ورى !

كأنك يابوزيد ماغزيت ! المفروض إيسيان لما ينطلق يطلب من أوبي او اي لاعب

قريب منه يفتح له ,, منها يلعب ون تو او حتى يستفيد الفريق من الهجمة

بدل ما يرجعها ورى , مدري إذا فيه احد لاحظ هالشي مثلي ؟

ممم نجي لـ فرانكي قدم مستوى ممتاز , وكانت ادواره

تقريباً دفاعية اكثر مما هي هجومية ,, او بمعنى اصح كان مشغول

بمراقبة سانيا وايضاً دينلسون وسونغ , ومنعهم من التقدم وهذا

اللي قلل من فاعليته الهجومية وبالتالي ظهرت العشوائية والإجتهادات

في بناء الهجمات ما بين إيفا و إيسيان و جو كول ايضاً الشيخ انيلكا ,

يبقى فرانكي احد العوامل المهمة في مثل هذه المباريات حتى ولو كان

بعيداً عن مستوياته , واعجبني في كذا كورة خلصها بشكل ممتاز من لاعبي القنرز ,

نجي لـ جو كول ,, هو تقريباً خطأ آنشي الوحيد في هالمباراة , وهو إشراكه

على حساب بالاك و أيضاً ديكو , جو كول ما دخل في جو المباريات (الكبيرة)

باقي له حبتين ونرجع لـ 4-2-1-1-2 المقصد قد وضحته قبل وهو

إشراكه كـ مهاجم ثالث + يساند فرانكي خلف المهاجمين ,,

نجي للشيخ اخالفك يا يزيد ,, صحيح اللاعب الفترة الماضية

بدا يسجل ويظبط اموره واشدت فيه قبل , لكن امس كنه بدا يرجع مثل اول ,

يقتل اللعب في كذا كورة ,, وكان الأولى انه يلعبها بشكل سريع لـ آشلي او فرانكي ,

اللاعب مستواه جيد , وإشراكه كـ أساسي مهم , لو ما يجي منه إلا فتح المساحات

لـ فرانكي وايضاً دروجبا فـ كثر خيره ,, وقهرني في الإنفرادة اللي تأخر فيها ,,



يالبى كووولش يالخال >> تستاهل قلب ابيض

اللي قاعد يسويه دروجبا شيء مو طبيعي , اللاعب في قمة عطاءاته ,,

وشهيته للتسجيل جداً عالية , ويستاهل يكون ضمن افضل 10 لاعبين في العالم ,,

بالتخصص لعب في حسبة القنرز امس ,, وكان بالإمكان زيادة الغلة لكن اكتفى بهدفين ,,

ان شاء الله من هالمستوى وافضل ,, وعقبال ان شاء الله مايتوج هداف للدوري بعد مانخطفه مع الجولة 30

نجي لـ فيريرا ,, تبديله كان مثالي وشيء يحسب لـ آنشي لعدة امور

اهمها آشلي يفتك من صياح الجمهور , وايضاً من الواضح ان آشلي استنفذ لياقته بحكم

انه راجع من إصابة وما استعاد لياقته بشكل كامل , وايضاً فيريرا يتفوق على آشلي دفاعياً

وبالتالي آنشي يبي يضمن الناحية الدفاعية ,, وبالفعل قدم مستوى ممتاز فيريرا لكن معليش

رغم المستوى الممتاز الا ان الدكة تنتظرك قدام

ممم قرعوط دخوله كان لإستنفاذ الوقت لا اكثر , وايضاً رغبة آنشي في امتلاك منتصف

الملعب حتى نهاية المباراة , وشفنا قرعوط متحرك بشكل كبير لكن ما اسعفه الوقت يجيب الرابع

ممممم نسيت الفلبيني يالبى قلبه عليه لمسات يذكرني بـ بيرلو

لمساته رايقه هالولد ,, ووقت دخوله كان جداً مناسب , يعجبني فيه لعبه الجماعي وعدم انانيته



نسيت اقولكم ,, التصاميم اللي في الرد إهداء لكم جميعاً

ومبروك الفوز وياااارب تممها على خير ونخطف الثلاثية >> قنوع

وهاردلك للقنرزاوية

فمان الله




.
.

تشيلسي 2 - 0 ليفربول

تشيلسي 1 - 0 مانشستر يونايتد

آرسنال 0 - 3 تشيلسي

تشيلسي 3 - 0 توتنهام [ مباراة صعبة بعد اسبوع المنتخبات ]

7 مباريات خارج الارض كان منها خسارتين و 5 فوز .. صدارة محلية بفارق 5 نقاط .. صدارة أوروبية .. أقوى هجوم في الدوري .. أقوى دفاع في الدوري .. ما شاءالله تبارك الله

تشيلسي مع انشيلوتي هالموسم إن شاءالله ناوين يقشون أي بطولة على الطريق

مباراة تشيلسي الاسبوع الجاي مع السيتيزن .. المفارقة العجيبة ان مانشستر سيتي اخر 7 مباريات له كانت تعادل .. و تشيلسي في الدوري إلى الآن ما تعادل ولا مباراة .. بنشوف وش يصير و إن شاءالله تكون المباراة بنقاطها الثلاث للبلوز

رااااااااااايق يا خبل

ايوب فيريرا و ايفانوفيتش يتصالحون بينهم بس انت اطلع منها و خذ معك بوسينجوا .. بس وش سالفة الـ 1100 دقيقة ؟! خابرها خمس مباريات محلية محافظ على شباكه والا تقصد القديمة ؟!