|
اتـمـنـى مـن لاعـبـيـن الـهـلال تـقـديـر شـعـار نـادي الـهـلال السلام عليكم ورحمه الله وبركاته بصراحه ياشباب في نقطه اتمنى ازالتها من لاعبين نادي الهلال وكما معروف نادي الهلال نادي القرن وابرز نادي اسيوي ولنا حجمنا في القارة ومعروف عالمياً ولدينا لاعبين عالمين من السويد ورومانيا وكوريا والبرازيل وايضاً مدرب قدير وهو افضل مدرب في الدوري الفرنسي العام الماضي وهو البلجيكي جريتس لكن مع الاسف بعض الاعبين ياتي للنادي بقميص برشلونه او الانتر او ميلان او ارسنال ... بصراحها انا اتضايق من هذا الشعارات كيف انت لاعب في نادي كبير وتلبس قميص وعليه شعار نادي اخر وخاصه تشاهده وهو داخل النادي او خارج من النادي كما شاهدنا في الفترة الاخيرة ياسر لابس انتر وخيرات برشلونه والاخر تشلسي وميلان وريال مدريد وش بقى ؟؟ نادي الهلال كيان في اسيا ويجب على كل الاعبين لبس شعار نادي الهلال او اي قميص اخر اذا دخل النادي او خرج. اما خارج النادي بعيد عن الاضواء بكيفه يلبس على كيفه لكن داخل النادي بشعار اخر هذه مشكله . الان لاعبينا العالمين رادوي و ويلهمسون ونيفيز ولي يونج ما اعتقد شفت واحد منهم يلبش شعار نادي غير الهلال في داخل النادي لانه يحترم العقد بينه وبين النادي ويحترم الشعار واذا لابس واحد منهم اكيد تأثر عند مشاهده للاعبين لاحد يقول ليش انت حساس بس تخيل لاعب برشلونه يدخل النادي بشعار ريال مدريد تكون ضجه في اوربا صح بتقول فرق اسبانيا والسعودية اقولك صحيح لكن نادينا له حجم اسيوياً وحتى عالمياً ويوجد لدينا لاعبين عالميين ومدرب عالمي واخبارنا وصور لاعبينا وصلت رومانيا والسويد وشرق اسيا كوريا الجنوبية وجنوب اميركا الجنوبية البرازيل وكذا تعطي صورة للنادي اولاً وطريقة احترافهم في دورينا في بلدنا ونادينا موب نادي حواري الهلال ................................ نقطه من العام الماضي في احد منافسات الدوري يوم وصل باص الاهلي لملعب جده مع مباراته مع الاتحاد نزلوا الاعبين من الباص .. والمصيبه الكبرى اغلبية الاعبين لابسين قمصان اندية اخرى ومنها ارسنال وتشلسي وبرشلونه ويوفنتوس وريال مدريد حتى اذكر الاستاذ عادل البطي تحدث عنه هذه النقطه وهو في الاستوديو التحليلي للمباراة وقال من الافضل للاعبين ان يأتون للملعب باللباس الخاص للنادي وليس وكانو رايح لمبارة حواري . |
يعطيك العافية ما قصرت مشكوووووووووووور |
وانا معاك بكل كلمة قلتها الهلال نادي عالمي يعرفه كل الانديه العالميه وجماهيرها تعرفه ،،، والحين الانتر جاي بعد ويشوف جمهور الهلال شايل شعارات انديه اخرى |
يعطيك العافيه اخوي على ماتم طرحه |
صدقت يالغالي لكن ماهي بالحساسيه اللي انت تشوفها ، صحيح انا يغضيني يوم اشوف اللاعبين لابسين كذا لكن مانقدر نتحكم في ملابسهم وانا اشوف انه موضوع مو مهم كثير :) وجهة نظر اتمنى تتقبلها .. والف شكر يازعيم على طرحك |
، اي والله حزت بخاطري اغلب اللاعبين لابسين بدل الاندية الاوروبية في نادي الهلال ولا معبرين الجمهور..., والله الهلال ماهو قليل عشان يسووون كذا..., حسيت ان اللاعبين يحبون الاندية الاوروبية اكثر من الهلال..., على العموم مشكوور على طرحك..., , |
والله هذي ظاهرة نتمنى معالجتها بأسرع وقت ممكن جزاك الله خير |
موضوع مهم اخوي .. وصدقك في آخر جملة .. انا اتضايق اذا شفت بعضهم لابسين بدل غير شكل .. اعتقد انك شفت بدلة محمد نامي الرياضية من اديداس وهو داخل النادي .. صباح الثلثاء على ما اعتقد .. اتمنى من كل اللاعبين الدخول بهذا اللباس ( اللباس الرياضي ) .. بإستثناء الدعيع خله على راحته .. خخخخخ بعد حيي ربي يوفقكم ياارب وتآخدون الدوري بإذن الله .. |
والله فعــلاً شئ يحز بالخاطــر .. ويبيلهم قرصة آذن ههههههههههههههه لا صدق يعني أنت لاعب محترف منتب بحارة :)... |
قصم بالله انك كنق يا ليدر اوف اشيا ... فعلا انا تضايقت يوم اني اشوف شعارات الأندية المنافسة تدخل نادي القرن .. أوكية انا اشجع برشلونة .. مو اروح ادخل شعار نادي ثاني لنادي الهلال طيب .. لان برشلونة وريال والأندية الأخرى تعتبر أندية منافسة ... أنا أتمنى من سمو الأمير عبدالرحمن بن مساعد حفظه الله تنبيه اللاعبيين وتحذيرهم بأن لبس الأندية المنافسة ممنوع ... ثاني لماذا لا نكون مثل نادي برشلونة ... حيث يوفر لهم ألبسه بشعارات النادي حتى يفخر الأعب بأنه فعلا ينتمي لهذا الكيان العظيم أتمنى من سمو رئيس النادي الأنتباه ... وكما قلت يعتبر الأندية الأخرى وان كانت أوروبية أندية منافسة |
فعلا ياخوي صدقت مشكلة نجوم فريقنا ويلبسون شعارات غيرهم .. افضل واغلى واحلى الشعاآآآرات شعار نادي القرن (الهلال ) وياليت اللاعب الهلالي يقدر ويفخر بشعار نادية. |
إقتباس:
|
ان شاء الله نجومنا يكونون عند الثقه فيهم كما عودونا لا تنسوا اسامة هوساوي من تصويتكم له على الرابط http://www.mbc.net/portal/site/SadaAlMalaeb/ |
بيض الله وجهك كلمات ذهبيه واكيد الاعبين قد المسؤليه بأذن الله |
انااا اشوف ان الاعبين من حقهم لباااس ماايشااؤن لانهم بكل بسااطه بشر وعندهم ميول ومن حقهم بعبروون عن ميوولهم ويعطيكم اااالف عاافية وننتظر منك المزيد..... |
| الوقت المعتمد في المنتدى بتوقيت جرينتش +3.
الوقت الان » 09:08 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd