|
لماذا لا نعتبر (نيفز) احد عوامل الابداع الهلالي؟! على خلاف (التايب)!! بسم الله الرحمن الرحيم لا اخفيكم سرا بأنني كنت احد القلقين من عدم انسجام (نيفز) مع بقية الكوكبه الزرقاء! بل كتبت عن ذلك القلق. وذلك لعدة عوامل، اهمها صغر سن اللاعب. وثانيها، تجربته التي لم يكتب لها النجاح في المانيا! ولكن مع مرور الوقت يتضح ان اللاعب صاحب عقليه احترافيه بحته وناضجه رغم صغر سنه، وذلك من خلال ما نلحظه من تطور في الآداء من مباراة لاخرى. الملاحظ ان انطلاقات وتحركات (نيفز) احترافيه بكل ما تحمله الكلمه من معنى، وكذلك التحرك بدون كره الذي يساهم في خلخلة دفاعات الخصم وارباكه. يكفي انه يحمل فكر (لاعبي منتخب السامبا). لكن يلاحظ انه كلما سجل (التايب) هدف او صنعه تبدأ الآهات!! في السابق (كماتشو) والآن (التايب)!! انا شخصيا من المعجبين بفن التايب، ولكن (ما عمره حسم مباراة هامه إللا ما ندر) خلال ثلاث مواسم!! لذا اطالب الجميع بالكف عن (المقارنات والآهات!) ونسيان (التايب) ودعم (نيفز)، الذي ارى انه احد اهم العوامل في ظهور (نادي القرن) بهذا المستوى مع بقية الكوكبه الزرقاء وعلى رأسهم (الموهوب). فقط تخيلوا... (لو ان ياسر في مستواه المعهود)!! ماذا سيحدث للخصوم؟؟!! ما ورد اعلاه لا يعني تجاهل ما فعله العبقري ( جيريتس) وبقية النجوم (الافذاذ). وكذلك قائد الكتيبه الزرقاء،، القائد العظيم (شبيه الريح).. حفظه الله وابقاه. |
مشكور اخوي تابط سرا انا شخصيا كنت مراهن على هالاعب انه بيكون من افضل الاعبين الأجانب في الدوري وفي اسيا والحين نشوف مستواه جالس يتطور من مباراة لأخرى ياخي ويليهامسون اول ما جاء مع الهلال كان مستواه يفرق 180 درجه عن مستواه احالي عامل الجو والأنسجام مع الاعبين يبيله وقت واذا قلنا اصبرو قالو نصبر الا متى الحين الهلال ماشاء الله متصدر ليش تقولون الى متى نصبر على نيفيزوالله لو ان الهلال في مركز متأخر نقول للأداره تستعجل في تغيير الاعب اعتذر عن الأطاله تحياتي لكـ... |
نيفيز لو لعب معنا وراح وهو قدم بس خمسين بالمية من مستواة المعروف حنا المستفدين لانة لاعب كبير وحتى الان ماقدم المعروف منة ونحن بأنتظارة |
مشكوووور يعطيك العافيه وبصراحه كلامك عين العقل واصل أبداعاتك |
أهليـــن أخووي الصراحة كلنا معجبين بالتايب وبفن التايب ولكن الحين بما إنه ذهب الى نادي منافس للهلال لايعني إننا خلاص نسيناه ونسينا وقفاته معانا هذا لايعني إننا لن نحيي التايب في مبارات الشباب اذا رفع يده قبل المبارات لتحيتنا لن نفعل مثل ما فعلوا جماهير الأهلي مع حسين فنحن جماهير ليست ناكره للجميل وأنا معك أخوي إننا لازم نوقف مع نيفيز قلباً وقالباً ومانسوي معه مثل ماسوينا مع سوول وصافرات الإستهجان الي تحطم اللاعب بعد كل لعبه خطأ |
انت اللي فتحت باب المقارنات بموضوعك هذا.. ياحبيبي انا مايقهرني الا اللي يهضم حق التايب ويقول ماحسم مباريات.. لو ترجع للمباريات تلقىا كلها التايب واضع له بصمه واخرها مباراة باختكور اعتقد..اللي اهلنا طارق الىا مباراة ام صلآل بهدفه من فاول ياحبيبي نيفيز مبدع مع الهلال وراح ندعمه..... لكن انك تفتح موضوع وتمدح نيفيز على حساب طارق لا نيفيزززززززز راح ندعمه وفنااان وهو اللي راح يجلب البطولات ان شاء الله |
أتمنى أن يتأقلم المــحترف البرازيلي ( نـــيفيز ) بــســـرعة... حتى يــصل لمـــســتوى الشلــهوب و الفــريــدي ويلي وغيرهم... لا ننــسى أننا في منتصف الدوري!!!!! قليلا من التركيــز يا ( نــيفــز ) و الانســجام مع المــجموعة ... بــعدها ســنراك على حقــيقتك في البرازيل (الإبــداع) |
كلام صحيح وبالتوفيق للزعيم |
نفز مبدع ولاعب يحرك الكوره مو مثل الي قبله اهم شي سحب ولا يهم الفريق .. |
مشكور أخوي على هالموضوع .... وبالنسبة لتياقو نيفيز بدأ يتأقلم مع الفريق بالتدريج وراح يقدم أفضل مستوياتــه مع الزعيـــــم ,,,,, :alzaeem: |
إقتباس:
|
صدقني نيفيز الان بدا يتجانس مع الدوري الان صار لنيفيز تسديدات خطره + تحركات فعاله انتظروه عندما يستمر الدوري دون توقف |
كلامك في محله اخوي واتفق معك .. يجب علينا دعم نيفيز لانه يعتبر لاعب هلالي الان عكس التايب اللي بعد كم يوم راح يلعب ضد فريقنا ولايحسب حساب اللي متعلقين فيه الى الان من جمهور الهلال ! بالتوفيق لنيفز مع نادي القرن . |
فيه ناس اهم شي عندهم الكباري والكعوب وعادي لو ينهزمون وهذولا هم اللي يبون التايب! لكن اللي يبي الفوز والمتعه والتمريرات الحاسمه والتسديدات القويه اكيد بتكون عند نيفيز لبى قلبه ,, وانتظروووووهـ وبإذن الله بيكون افضل محترف في هالدوري ,, |
صحيح كلامك اخوي ومن الصعب عمل المقارنات بين لاعب واخر وإن عملنا ذالك .. حتى يرتاح الاخرين اجد ان إحصائيات نيفيز ويلي أفضل بكثير من إحصائيات طارق التائب الآن مع الشباب .. لاعبينا الاجانب يقدمون مستويات جيده جداً ويقابل ذالك إجحاف بحق الاعبين من قبل الجماهير !! عموماً علينا دعم جميع الاعبين ونثق فيهم وفي إمكانياتهم .. ولنكن خير داعم لهم .. فهم يستحقون منا التشجيع والمؤازرهـ .. شكراً لكـ اخوي وبالتوفيق للهلال .. |
| الوقت المعتمد في المنتدى بتوقيت جرينتش +3.
الوقت الان » 07:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd