27/11/2009, 04:36 PM
|
 | عضو سابق بلجنة الفيديو والصوتيات | | تاريخ التسجيل: 03/06/2004 المكان: السعودية فديت ترابها !!
مشاركات: 2,982
| |
|| المعنى الحقيقي لتصريح البلطان الأخير - بخصوص طارق التائب وصافرات الاستهجان - جمهور الزعيم في الرياض مهمة خاصة جدا ||
بسم الله الرحمن الرحيم السلام عليكم ورحمة الله وبركاته كيفكم حبايبي ,, كل عام وانتم بخير وينعاد علينا وعليكم بصحة وسلامة باذن الله ومن العايدين والفائزين , وباذن الله تكتمل الفرحة بفوز الزعيم على الشباب والاتحاد باذن الله وتصدر الدوري اللي ارى بأنه هالموسم باذن الله بيكون هلالي وبفارق نقطي كبير  المهم نخش بالموضوع علا طول شباب بخصوص تصريح البلطان الاخير اللي بصراحة لقى المراد منه وهو ماتحقق له من انتشار اعلامي وجماهيري واسع والبلطان لعبها صح لما اخرج النصر والاهلي من التصنيف ياشباب البلطان بالتصريح اللي صرحه بعد فوزه على الاتحاد بالضبط ماهو الا لكسب ود جماهير الهلال والوقوف معاه ايضا جمهور الاتحاد وانا اشوف ان الكل مهتم في كلامه والكل يثني عليه وهذا اللي كان يبيه البلطان من ورى هالتصريح وصدقوني لو حصل لاسمح الله وفاز الشباب على الهلال بيطلع بتصريح اقوى منه ومااستعبد يقول ان الشباب الافضل في السعودية لوحده والدليل فوزه على الاتحاد والهلال خلال اسبوعين من جد لاتستغربون هالشي الوارد , البلطان شخص يحب الظهور اعلاميا هو ماصرح هالتصريح الا عشان العالم تلتفت للشباب لان الشباب مثل منتم عارفين لاجمهور لا اعلام عشان كذا قال مالي الا هالشغله وبالفعل تحقق مايريده  بخصوص اللاعب طارق التائب بصراحة مااحب اتكلم فيه كثير لان الشباب ماقصروا وكفو ووفو بالمواضيع عنه لكن الكل يعرف ان طارق التائب قدم الكثير والكثير للهلال انا قريت كثير من المواضيع تطالب بصافرات استهجان للاعب وبصراحة هالشي ماضايقني ولا ضايق احد لاننا عارفين ان التائب لاعب كبير وبأي لحظة ممكن يحسم المباراة وايضا كلنا عارفين ان التائب يتنرفز بسرعه عشان كذا امثل طريقة لايقافه هي صافرات الاستهجان ضده وهذا شي صعب على جمهور الزعيم لكن اتمنى من الكل يفكر في مصلحة الزعيم فقط لاغير والزعيم فوق كل شي لاطارق ولا غيره يعني لو خسر الهلال من الشباب بهدف من التائب وش بيكون موقفكم ياجمهور طارق  اتمنى من الكل يفكر لحظة وحدة بعقلانية بالمباراة بالدوري وخصوصا بالبلطان اللي متوقع صدور تصريح اخر منه اذا لاسمح الله فاز على الهلال جمهور الزعيم في الرياض تحديدا الدور الاهم لكم حاليا فالكورة في مرماكم
والهلال حاليا مو محتاج الا لوقفة صادقة من الجمهور خصوصا انه
تبقى للهلال 13 مباراة في الدوري 9 مباريات في الرياض بأستثناء مباراة
( الاتحاد في جدة ,, الحزم في الرس ,, الفتح في الاحساء ,,نجران في نجران )
الاهم المباراتين القادمتين اتمنى يكون فيه حضور جماهيري كبير لمؤازرة الزعيم
لان مباريات الاتحاد والشباب تعتبر نصف نهائي ونهائي للزعيم
فاذا استطاع الفوز فيهن نقدر نقول انه قطع شوطا كبير في لقب الدوري السعودي باذن الله
.
.
.
.
في الختام
كل عام وانتم بخير مرة اخرى وباذن الله بصدارة هلالية وفوز هلالي على الشباب والاتحاد نلقتي مجددا الى اللقاء  ملاحظة بعد قراءة الردود من بعض الاعضاء شرفتوا المواضيع بردودكم وارائكم
لكن بصراحة في بعض الاعضاء فهموا موضوعي غلط واني ادخل في نوايا ومانوايا
انا ياشباب قلة وجهة نظر خاصة فيني وحبيت اظهرها لكم فقط هذا اللي كنت ابحث عنه
لاكان تفكيري في نواياه ولا شي البلطان معروف في هالشي
,,
بالنسبة للتائب انا اشوف هالشي هو الحل الوحيد لايقافه الكل عارف التائب وكلنا عارفين انه لاعب \مؤثر جدا وبأي لحظة يحسم المباراة
عشان كذا الحل الامثل لايقافه صافرات الاستهجان , ياشباب اغلب الفرق الاوروبية سوو كذا بلاعبين لهم كانوا بالنسبة لهم اعز من التائب بالنسبة لنا
الكل يهتم في مصلحة فريقه فقط ولايفكر في اي لاعب او فريق اخر.
لاهنتم حبايبي
اخر تعديل كان بواسطة » اسير الشمال في يوم » 28/11/2009 عند الساعة » 09:37 AM |
![الهلال و الشباب وكل ما يتعلق بـ (طارق التائب) (جب معك،كوت ،فروه)[الزعيم فايز إن شاء الله] [مشاركات مكررة مدموجة!!]](iconimages/t837670_rtl.gif)
الوضع المتطور
