|
تصحيح بسيط ما لقيت أحد ذكره من الأخوان .. إبراهيم المفرج كان يلعب للرياض وكان بينتقل للهلال لكن فشلت الصفقة .. وأظنه أخو فهد أو ولد عمه ! أما عبدالعزيز المفرج فهو لاعب في شباب الهلال .. والحين اختفى وأظنه تنسق .. أيضاً سعيد العويران مو أخو مشاري ولا خميس .. هو ولد عمهم ..! مشكور أبو طلال :smilie47: |
إقتباس:
فيه..وهذا الرابط يرد عليك:s4s: http://www.alhilal.com/ar/player684.html <<سلطان الدعيع مدافع والطول 169 ولي عوده باك... وهذا حارس اسمه مشعل الدعيع <<في ناشئي الهلال.. http://www.alhilal.com/ar/player685.html <<كلامي مدعوم بروابط من نفس الموقع |
إقتباس:
اخوي .. أقرا الموضوع مهوب تناظر الصور وبس .. حتى الصور فيها نواف التمياط وصفوق .. بس مدري وراك قاري الموضوع وانت مستعجل !! معقولة أنسى نواف وصفوق ومحمد التمياط .. شفهم بعد الدعيع مباشرة s13s حياك |
إقتباس:
الله يذكرك بالشهادة ... هذا هو اللى اقصدة كان بالرياض يلعب وكان مثل ماقلت يبي ينقل وجته إصابه .. إسمه إبراهيم .. ومشاري كنت أحسبه اخو خميس .. وسعيد .,. طلع ولد عمهم .. وافونا بآخر الأخبار .. وصصحوا معلوماتنا .. ترى كل ها إجتهادات ======== إقتباس:
شكراً للتوضيح .. بس الرابط مافيه إثبات إنه ولد عبدالله او حتى يقربله .. إلا يمكن الشبه .. هل سلطان ولده .. او يقربلهم .. نبي إثبات .!! انا اول مره أسمع عنه ترى حتى مشعل بعد إسمه مشعل الدعيع ومن نفس الرابط .. بس يقرب لهم .. مايقربلهم .. مادري ؟؟؟؟ الرابط http://www.alhilal.com/ar/player685.html :yes: |
^^^^^^^^^^^^^^^^^^^^^ بهاذي صادق .... ماندري هل يقربون له ولا بس تشابه عائله....خخخخخخخخخخخخخخخخخخخ عالعموم..استمتعت بموضوعك وكذالك في البحث لاثبات صحة معلوماتي الف شكر لك مرة اخرى... اختكم..ميمي |
سلطان عبدالله الدعيع ابن ال 14 ربيعا" ليكون ثاني ابناء الكابتن عبدالله بعد حارس فريق الهلال الاولمبي حاليا المبدع بدر الدعيع . ^^^^^^^ اكيد ولده .... تأكدت ,,وما اقدر اسدح الرابط لانه ل موقع اخر...... |
إقتباس:
هلا والله .. حيالله ريحة المجلس سعيد بحضورك .. إلا ورى كل واحد يوزره كان مرتبط بالتايب غيرة !! هذي ظريبة اللى يستعجل بالإختيار .. لوك مختار ليوسف الثنيان كان ماغيرته .. وإلا حطه ( عاشق ابو طلال ) تراني أفت كورة .. أزين من هاليوزر تقوم متسبح ونايم عند مكيف :razz: حيااااك |
ايضا أعتقد عبدالوهاب الفريدي أخو أحمد << صححوا لي ان كانه مو اخوه يلعب في شباب الهلال |
انا ودي أضيف معلومة .. تخص رؤساء أندية .. وهم أخوان الامير الراحل عبدالله بن سعد رئيس نادي الهلال السابق والامير خالد بن سعد .. رئيس نادي الشباب السابق ==== والمعلقين ... الأب وإبنه ( صدقه ) إخوان غازي صدقة ومحمد غازي صدقة ==== وعبدالمجيد الشتالي وعلى المدفع ^^^^ أتسذب ... أتسذب هع هع هذا ماجادت به الذاكرة حالياً .. للحديث بقية .. ولنا لقاء مع أسماء جديدة |
هلا بك... هلا وغلا :rose: إقتباس:
فيه بعد ( زيد التمياط ) اصغرهم... ماطوّل بالهلال.. لعب مع الناشئين إقتباس:
عبدالرحمن النعيمة إقتباس:
ابراهيم لاعب الرياض السابق... جته عين قوية بعد انتقاله للهلال ومن بعدها راح فيها :cry: اضافة لعبدالعزيز لاعب الرائد حالياً إقتباس:
هاني انور.. انتقل من الهلال للطائي ولعب فيه فتره ثم اعتزل . . اضافات : بسام الجابر... شقيق الاسطورة سامي.. لعب فترة في شباب الهلال لكنه ماكمل عبدالله الشريدة نجم الهلال والهلال والقادسية السابق... شقيقه وجدي مبارك كان لاعب القادسية سعد الشهري لاعب الاتفاق والقادسية والنصر السابق.. شقيقه علي الشهري لاعب الاتفاق والاتحاد سابقاً والقادسية حالياً سراج فريج ومحمد فريج... اشقاء كانوا يلعبون بالاتحاد محمد نور كان له اخ اسمه آدم نور حارس مرمى الاتحاد عبدالله الجمعان لاعب الهلال السابق اخوه فيصل الجمعان لاعب الهلال السابق والفتح حالياً منصور الموينع لاعب الهلال السابق شقيق يوسف الموينع لاعب النصر حسين عبدالغني اخوه المطرب عبدالله رشاد الفريق أسعد عبدالكريم حق الجوازات وعضو شرف الاتحاد اخوه المطرب علي عبدالكريم ( مابعنا بالكوم الا اليوم :d ) |
مشكور اخوي ابو طلال ع الموضوع الجميل والله حاولت ادور بس مالقيت |
إقتباس:
إقتباس:
والله معلوماتك جميلة .. وتعليقك ممتاز .. بس كنك بديت تخوره بالأخير .. من بعد عبدالله رشاد وأسعد عبدالكريم ! مدري ماارتحت لك حسيت إنك شطحت .. آآآآ ويلاااا ؟؟ يعني وإلا لا بالأردني ؟ حياك يالذيب ... لاخلى ولاعدم [/CENTER] |
ابو طلال تصدق حسبت موضوعك اختبار املاء من كثر الفراغات موضوع حلو وخفيف سبقني عمنا الصخرة كنت مسرعه ومطفيه النور وماشيه 160 السرعة بس خسارة سقط علي سيارتي صخور :to:كنت بقول نسيت بسام وسامي الجابر بس باقي واحد خالد الجابر الي خخخ طردوه من النصر عشان اخذنا سامي :s3s: وبعدابراهيم هزازي اخو نايف ومروان بصاص للاتحاد ومازن بصاص الاهلي :naughty:ابراهيم ومحمد وسالم السويد لعيبة الاهلي والاتحاد وعيال عبدالرحمن بن سعود فيصل ودكتور عماد قصدي ممدوح :dمدري يوسف الموينع اخو منصور الموينع والله مدري ويحي الشهري بعد من شباب الاتفاق اخو علي الشهري ورائد الصويلح اخو احمد الصويلح واخو عبدالرحمن البيشي هلالي بس مدري وش اسمه نيت :d وبس نسيت الباقين :wub:بس مدري ابو طلال شويش الثنيان هو اخو يوسف الثنيان :smilie47:ولا لا ؟ |
^^^ وبعد اخوهم ( البثر ) المعلق إبراهيم الجابر بس سؤالي ... وأتحداك تجاوبين .. ليه المسرع يطفي النور ؟!! مثل ماقلتي !؟ هع هع |
اول شيء ترى ماكملت ارجع لردي عدلت عليه بس حطيت الرد عشان مايسبقني احد مثل الشيبه الصخرة s121sاعلمك شباب بس اتذكر:naughty:وادم نور اتذكره لاني اول مره اسمع باسمه في السعودية اما سوالك اعرف بس ماني مجاوبه :s3s:خلك باختبار الاملاء طيب وانا اتحدااك تقولي ليه الي يدور بالسوق يطق القفل ؟:naughty:اذا جاوبت بجاوب :s4s: |
| الوقت المعتمد في المنتدى بتوقيت جرينتش +3.
الوقت الان » 10:47 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd