نزولــــــــــــ طقم الهلالــــــ الجديد في الرياض ولكن السعر !!! - نادي الهلال السعودي - شبكة الزعيم

BLACK KNIGHT · #1 24/10/2009, 12:14 AM

الســـــــــــلامــ عليكمـــ ورحمهـــ اللهــــ ..

بشرى سارهـــ يا شبابــ طقم الهلالــــــــ الجديد نزلــ ..

الاثنين الازرق والسماوي ..

بس بصراحه السعر اغلى من تي شيرت الميلان والليفر والريالــ !!

تحسها مالها داعي !!

طبعا نزلها الفالح الي اصلا يعتبر من اغلى المحلاتـــ .. الفرع حق شارع العليا ..

295 ريالــ .. الانديه الاوروبيهــ 270 ..

فيه سوال. . . الحين طقم الهلال السماوي الاشرطه الي على الجنب ماهي لماعه .. ؟

وبعدين المشكله نفسها الشعار كانه ملصق اي كلام ما تحس انها تستاهلــ السعر ابدا !!

والطقم حق الموسم الماضي بــ 79 ريالــ بس !!

وسلامتكمــ ..

BLACK KNIGHT · #2 24/10/2009, 03:00 AM

يا شبابــ ابي صوره لاعبين الهلالـ وهم بالطقم السماوي ..

لاني كاني لاحظت الشعار في المحل يمين وفي الصورة يسار ..؟؟ كيفـــ .. ؟

HOME SICK · #3 24/10/2009, 03:07 AM

غرييييب

الطقم الاصلي نازل في ابها بـ 200 ريال

BLACK KNIGHT · #4 24/10/2009, 03:13 AM

إقتباس

الرسالة الأصلية كتبت بواسطة HOME SICK


	غرييييب الطقم الاصلي نازل في ابها بـ 200 ريال

اوفـــــــــــــــــ ...؟؟

بالله كيف كذا يصير ..؟

وشذا الاستهبال ..؟

اكيد السماوي ؟؟

الزعيم( سعد ) · #5 24/10/2009, 03:14 AM

مو كل الجمهور يقدر يشتري بهذا السعر

خاصه اللي عنده اولاد يعشقون الزعيم

BLACK KNIGHT · #6 24/10/2009, 03:23 AM

إقتباس

الرسالة الأصلية كتبت بواسطة الزعيم( سعد )


	مو كل الجمهور يقدر يشتري بهذا السعر خاصه اللي عنده اولاد يعشقون الزعيم

هلابك اخوي ..

طبعا انا اتكلم عن الطقم الاصلي ..

طبعا فيه التقليد في العويس وغيره ..

بس الي يبغى يشخص به

وده بالاصلي بس السعر يظل مبالغ فيه مرره ..

شكرا لك ..

Rey Xavi.6 · #7 24/10/2009, 03:16 AM

أكيد بيكون فيه تلاعب في السعر من بعض المحلات لا تنسى إنه نادي جماهيري وجماهيره في ازدياد....

BLACK KNIGHT · #8 24/10/2009, 03:25 AM

إقتباس

الرسالة الأصلية كتبت بواسطة meed666


	أكيد بيكون فيه تلاعب في السعر من بعض المحلات لا تنسى إنه نادي جماهيري وجماهيره في ازدياد....

امنيه ان يكون فيه محل يبيع الاشياء الخاصه بالنادي في وسط النادي ..

اقلها ان الواحد يعرف وش هو عليه ..

يحس انه يدعم وبيحصل الغرض الاصلي ..

H M R · #9 25/10/2009, 12:32 AM

إقتباس

الرسالة الأصلية كتبت بواسطة BLACK KNIGHT


	امنيه ان يكون فيه محل يبيع الاشياء الخاصه بالنادي في وسط النادي .. اقلها ان الواحد يعرف وش هو عليه .. يحس انه يدعم وبيحصل الغرض الاصلي ..

لو يخلوني استأجر في ساحات النادي وابيع منتجات النادي كان كسرت سعر السوق
واهل المنتدي الهم خصومات خاصه <<< يحلمووووون

ليش مايكون في متجر في النادي الاحد اعضاء الشرف يقوم بستأجر المكان ويسويه محل الكل ما يخص النادي فقط
منها يستفيد ويفيد
اهم شي السعر لا يكون مثل الفلاح وما جاورها
واذا ما كان في وسط النادي المحلات المقابله للنادي ياخذ محل ويكون خاص النادي الهلال
اقتراح فقط

BLACK KNIGHT · #10 25/10/2009, 12:59 AM

إقتباس

الرسالة الأصلية كتبت بواسطة H M R


	لو يخلوني استأجر في ساحات النادي وابيع منتجات النادي كان كسرت سعر السوق واهل المنتدي الهم خصومات خاصه <<< يحلمووووون ليش مايكون في متجر في النادي الاحد اعضاء الشرف يقوم بستأجر المكان ويسويه محل الكل ما يخص النادي فقط منها يستفيد ويفيد اهم شي السعر لا يكون مثل الفلاح وما جاورها واذا ما كان في وسط النادي المحلات المقابله للنادي ياخذ محل ويكون خاص النادي الهلال اقتراح فقط

ههههههههههههههههههههههههههه

والله ياولد مهيب شينه .. قدام انا وانت ونبيع اصلي وتقليد وكل شي عن الهلال ...

ونسوي تخفيض 10% اتوقع كافيه

عــشــق الــكــتــابـه · #11 24/10/2009, 03:24 AM

والله الاسعاار مبالغ فيها

طقم بـ290 ؟

بصراحه ما الوم اغلب الجماهير لما تشتري اطقم الهلال الغير اصليه .

ياليت ابو فيصل يشوف لنا هالموضوع .. يعني لو بـ 100 ممكن نبلعها . مو كل الناس عندها الامكانيه تشتري بهالسعر

يعني اذا انا اقدر وفلان يقدر . فيه اللاف اللي مايقدرون يشترون

والهلال للجميع مو لفئه معينه من الناس

الله يعينك يالغالي

BLACK KNIGHT · #12 24/10/2009, 03:30 AM

إقتباس

الرسالة الأصلية كتبت بواسطة عــشــق الــكــتــابـه


	والله الاسعاار مبالغ فيها طقم بـ290 ؟ بصراحه ما الوم اغلب الجماهير لما تشتري اطقم الهلال الغير اصليه . ياليت ابو فيصل يشوف لنا هالموضوع .. يعني لو بـ 100 ممكن نبلعها . مو كل الناس عندها الامكانيه تشتري بهالسعر يعني اذا انا اقدر وفلان يقدر . فيه اللاف اللي مايقدرون يشترون والهلال للجميع مو لفئه معينه من الناس الله يعينك يالغالي

والله لو يرفع الموضوع لاداراه الهلال للنظر في الموضوع والتلاعبــ بالاسعار ..

&.. زعامة الزعـيم..& · #13 24/10/2009, 03:36 AM

وانت مصدق تشتري من الفالح ؟
ياخوي اكبر من يفقش على الناس الفالح
انصحك رح لغرناطه تلقاه اصلي وسعره زين
وانا من ناحيتي شريته الطقم الاصلي
وسعره تمام التمام ولو اني والله ما اذكر كم بالضبط
ولكن انصحك بغرناطه .. لان الفالح حتى الشرابات ام خمسه
تلقاها بخمسين
ووللمعلوميه
تراهم يدرون ان نادي الهلال
نادي جماهيري
وكلن يبي يشتريه فنايله والملحقات حقته
فهمت .؟
يعني لو تروح تشوف سعر طقم الجار الاصلي
يجيك ارخص من ذا بكثير

عموما بالتوفيق لك ..
وبالتوفيق للازرق

BLACK KNIGHT · #14 24/10/2009, 03:44 AM

والله ليش لا نروح لغرناطه بكرهــ ..

بس سوال الشعار وين يمين او يسار ؟؟

يسلموو اخوي ..

خالد الحويماني · #15 24/10/2009, 03:49 AM

الغش التجاري له دور ماعندهم لاحسيب ولارقيب وهذي هي المشكلة

ياليت الأدارة تنظر في هذا الموضوع

شكر لك أخوي على موضوعك الحساس