جريتس لقيت لك مهاجم على تقاطع شارع العليا بالتحلية بس مهاجم آر بي جي
 

بسم الله الرحمن الرحيم

السلآلآم عليكم ورحمة الله وبركاته

في يوم كنت اتمشى في أرجاء الرياض وامشي بطريق التحلية وانا باشارة التحلية الي بتقاطع العليا

لقيت لكم واحد خال :s2: طوييييل لازم تجيب لك دربيل عشان تشوفه :s2: رجله آر بي جي صناعة آيرانية تجميع روسي :s2:

سحبته وركبته بالسيارة آسولف معه

آثره ما يتكلم عربي تورط معه

وديته لواحد من أخويايي يعرف انجليزي وعرف منه ان جنسيته كاميروني

وسأله انت تعرف تلعب كورة ترجملي يقول افا عليك
وديناه واحد من الملاعب ابو عشرين ريال نجربه

حرست وشات علي انتظر دقيقة دقيقتين استناه يشوت اثره ذالخال شايت الكورة وجايه هدف

ومن قوتها وسرعتها ما شفتها

قلت لا يابوي وديناه لخويينا جريتس دخلنا النادي لقيت جريتس حاط رجل على رجل ويتفنجل قهوة

قلت يا جريتس طول الله عمرك جرب هالمهاجم واتحدى ما يعجبك :s2: اول ما شافه خاف من شكله

قال جريتس بسس هذا الي نبيه

يلا طردنا واحد من اجانبنا ووقعنا معه قمت وحبيت راسه :yes: قلت يا سلام عليك يا جريتس

بينخفض مستوى الفريق بس عادي

اهم شيء ترضي الجمهور الي يبون هالخال

قال جريتس ايه والله جنوني بهالخال

والمشكلة ان الفريق جاب 26 هدف من 9مباريات قليل مرة قلت ايه وانت صادز
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــ

وطبعًا كلكم تبغون هالشيء يصير وعلى ايش حساب مستوى الفريق

فيه ناس ما تبغى ويلهامسون وليه لأنه يراكض بالملعب

وناس ما تبي نيفيز وليه لأنه ما عجبهم

وناس ما تبي رادوي وليه مزاج

الا يبون هالخال

الفريق جالس يقدم أداء ولا أروع مع بداية ارتفاع مستوى أبو سعيد على شوي شوي

وتعاقدنا مع عيسى وعندنا الصويلح والعنبر

والله ننحسد على المهاجمين الي عندنا وتبغون مهاجم اجنبي

مادري كيف يفكرون بعض الناس

حتى اني ما عاد صرت اعلق بالمنتدى كثير

لأن كل المواضيع جاي واحد لا يفوتكم لقيت لكم خال مهاجم هذا الي بيشق الشباك :ranting:

مساكين ارحمهم التفكير الفقراوي

اتمنى من كل قلبي ما عاد اشوف مواضيع تطالب بمهاجم اجنبي

وصدقوني اذا الفريق كان محتاج مهاجم جريتس ما راح يرده الا لسانه

وشبيه الريح ما راح يرده الا قلمه ويوقع

اتركوا الادارة والمدرب يشتغلون

والله راح تشوفون فريق واصل للعالمية باذن الله

عندنا مدرب ألف فريق يتمناه

عندنا ادارة حكيمة ومن أفضل الاداراة

اصبروا فان الصبر مفتاح الفرج

وسوف يكمل الهلال مسلسل الابداع الي بدأ فيه

واتمنى اني أكون قدرت أوصل المعلومة الي ابي اوصلها للأفكار المدري وين تودي

واتمنى وفقت بهالموضوع

ودمتم بخير :rose:

محبكم : ..(العاشق الولهان).. :wub:

أشكر المشرفين على قبول الموضوع واتمنى اشوف الردود :)

موضوع بمقدمة رائعة جدا...

هذا حال بعض جمهورنا يطالبون في مهاجمين والوضع الحالي جدا مطمئن...

مع كل أسسف صار تفكير جمهورنا كذا :cry:

الحمد لله ان عندنا ادارة واعية وتفهم وتفكر

مو زي ادارة بعض الناس :D

يسنتر 24 ساعة بالبالتوك

وش اللاعب اللي تبونه

وبكم سعره

~~> رايح يشتري سيارة الاخ ههههههههههههههه

والله انكـ صادق

عندنا اللي يبيضون الوجه وماراح يقصرون

أين الردود .؟! انتظرها :(

يعطيك العافيهه
............
.....
..

تراه موضوع واتوقع يتعلق عليه :d

والله انك صادق يا اخوي الحين الفريق ميه الميه
واهداف كثار ما شاء الله

لييش مهاجم اجنبي وعلى حساب ميين

تخبر التفكير المعوق عند بعض الناس

الله يحمينا منهم بس :alzaeem:

هههههههههههههههههههههههههههههههههههههه

والله انك صادق ازعجو امنا بالمهاجم وهم ماعندهم سالفه

الاداره تسير في الطريق السليم والدليل ان المدرب هو الي بيده كل الامور الفنيه والاداره ماعليها سوى تنفيذ مايطلب منها من قبل الجهاز الفني للفريق وايضا تقوم بواجبها الاداري تكافئ المنضبط وتعاقب المقصر

اخوي عاشق اذا لعبت مع الاتحاد والشباب العب راح يكون بحذر وكل واحد ماسك مكانة عكس الفرق الصغيرة الي هوساوي عند منطقتهم مسنتر الزبدة لابد من مهاجم اجنبي مشاكس يصنع الفارق في الفريق وتقبل مروري

وانت حاط موضوع عشان الردود ولا عشان توصل رساله ..:d
+ زائد كلامك فيه من الصح ومن الخطاء
وهذا ردي ..

ياسر على العين والراس ولكنه يحتاج لمهاجم داعم هداف مهاجم منطقة

وهذه المواصفات في عيسى المحياني ولم يتم إعطاؤه الفرصة الكاملة

عموماً

الهلال ياعزيزي بحاجة لمهاجم أجنبي قناص من الدرجة الأولى

بلا صويلح (100كم) بلا عنبر (بطيء جداً)

-____-

مانبي مهاجم على حساب ويلي ولا رادوي ولا لي يونج ولا حتى نيفيز !

مع جيريتس حنا مانعتمد على مهاجمين حنا أكثر شي صناع ألعااب :smilie47: !

ايهـ والله انكـ صادقـ كلـ يومـ طالعـ لنا واحد يقولـ هذا مهاجم عالميـ والله اشغلونا ذوليـ

نريد مهاجم أجنبي يصنع الفارق وراح تشوف قدام الشباب والاتحاد
سبحان الله وبحمده ... سبحان الله العظيم

اماا عاد والله لو انه الكبتن ماجد هههههههههههه

مقدمة جميلة موضوعك في واقع الصميم << *:

وش نسوي بعقول بعض الناس ما يفهمون الا كذا

وحتى جايتني ردود يقول موضوعك خطأ ونبي مهاجم

والله فكر استغرب منه

خلو الشغل على الادارة والمدرب وهم أفهم منا

ومشكور على ردك العطر

مشكورين على ردودكم العطرة والقآدم آحلى بإذن الله

فعــــــــــــلاً

عندنا اداره واعيه

تعرف الوقت المناسب الي يحتاج الى مناسب

اســـــف
 

مع احترامي الشديــــــد لك .... اي شخص يقول الهلال ماينقصه مهاجم (مايفهم كورة) صحيح الهلال يسجل بكثرة ومستواها معجبنا .. بس لاحظ من الي يسجل لاعبين الوسط لانك جالس تلعب بدون مهاجم ياسر لاعب كبير ونحترمه وماننسى الايام الي فرحنا فيها وكان مهاجم عن 3 مهاجمين ومستعدين نتحمل هبوط مستواه لكن احنا بحاجة لمهاجم هداف بجانب ياسر وكذا لاعبين الوسط راح يقومون بدورهم المعروف وهو صناعة الاهداف الان للاسف جالسين يقومون بدورين الصناعة والتسجيل وهذا كثير عليهم مهاجم اجنبي محلي مافيه مشكلة المهم يدل الباب
شوف وليد الجيزاني على سبيل المثال لاعب في فريق ضعيف وماعنده لاعبين وسط ممتازين مع ذلك يسجل ويسجل في الكبار هذا لو عنده وسط الهلال وش يسوي والله ان يسجل في كل مباراة هذا لو يلعب الدور الثاني بس خذ هداف الوري....

ههههه
والله ما بعد كلامك كلام

لو الإداره بتسمع لكلآم الجمهور كان كل لاعب يتكي ثلاث أيام ويمشي ويجي غيره ..
وفي خلال سنه لعب معك نص اللعيبه المحترفين في العالم ..

والله انك صادق بكل كلمة قلتها

يعني لازم يجيب ياسر عشان مانجيب مهاجم

او تبون خمسين هدف بالمبارة الوحدة عشان مانجيب مهاجم

للاسف هذا تتفكير جمهور الهلال
تلقاه يكتب الموضوع هو قاعد يتابع المباراة ومتحمس تلقاه يسب الاعبين كلها حتى الدعيع ماسلم منهم
تقبل مروري

وش فيه الهلال الحين مستوى روووووعه

شكراً أخوي على موضوعك الرائع ...................

اشكركم على ردودكم العطرة ودمتم بخير

الــــــــــــفـــــــــــريق الان ممتااااااااااااااااز

ومين قال انه سيء

اتمنى تقرأ الموضوع كويس

مشكور ع الموضوع اخوي ومشكورين اللي ردوا ع الموضوع

موضوع حلو وفكرتةحلوة

بس ماعجبتني المقدمة

على العموم انا معاك الهلال مايحتاج مهاجم

يكفية انه افضل فريق في الهجوم

يعطيك الف عافيه على موضوعك
ولآخوف على الفريق بقياده ابو مسسآعد

هلا أخوي ..

أعتذر منكـ ..

لكن الموضوع وفكرته مأخوذه من موضوع سابق للأخ حمد الهلالي مع تغير بعض النقاط والأفكار ..


ع العموم شكراً لكـ لتجديد الموضوع ..

لانه مهم جداً


وأنا أتفق معكـ بكل كلمه ..

شكراً لك وتقبل مروري

مشكور اخوي على ردك العطر ودمتم بخير :rose:

تقريبا هذه نهاية الموضوع بـ منتدى الجمهور الهلالي واتمنى اكون قد وفقت في موضوعي ونقله بصورة جيدة
للقراء

واتمنى قدرت اغير بعض أفكار الناس الي مدري وين تودي ووين تجيب

ودمتم بخير محبكم : ..(العاشق الولهان)..

والله المهاجمين تمام عندنا بس اهم من المهاجمين نبي الروح

الله يعين بس خلونا بيناير

بلا شك الروح أهم :rose:

لكن لابد تعالج بعض العقول :ranting:

تسلم وبردت قلبي
..................................

تسسلم ويارب عساه دوم :rose: