|
بصراحه موضوعي هذا شامل نبي نتكلم من جد الحين وقت الجد !! بسم الله الرحمن الرحيم اول شي نبارك لعشاق نادي القرن فوزنا على الاتفاق وفوز مستحق ولكن فيه اخطاء بسيطه إنشاء الله نعالجها وخااصه ( ياسر القحطاني _ ويلي _ أحمد الفريدي _ تياقو نيفيز ) ياسر اضاع فرص لاتضيع ابد ولابد أن لايستعجل ابد في التسديد على المرمى { ولابد من عشاق الزعيم وياسر ان يخفوفن عليه شوي من الضغط وفداك مليار هجمه ياياسر ويلي { اناني } كم فرصه قدام المرمى وده يجيب هدف لازم بصراحه ومستواه منخفض بعد ماأخذ جائزه دوري زين لماذااا ؟ أحمد الفريدي لاعب لايختلف عليه اثنين ولكن عليه اللعب السريع أكثر والتركيز وعدم النرفزه وبعد مباراة النصر انخفض مستواه لماذااا ؟ تياقو نيفيز بصراحه بدا يتاقلم مع الفريق اكثر من اول وهو يمتلك قدم قويه ولكن عشوائيه يجب الدقه والتركيز اكثر وان يلعب الكوره بسرعه للمهاجمين بدقه عاليه جدا. ملاحظه هامه لجميع لاعبين الهلال : الدقه والتركيز واللعب السريع يرهق الخصم |
وين الردود ..............................................! اختلاف الراي لايفسد للود قضيه |
وفداك مليار هجمه ياياسر والله صدقت ياسر يبي يتحرر من الضغط الجماهيري يكفي ياسر انه مجندل لك لاعبين على الاقل |
يعطيك العافية عطنا دوري ومسابقة لاتتوقف 00اضمن لك فريق ثابت مستواه تحياتي لك |
الجهاز الاداري والفني وجميع البيت الهلالي ابخص :) تحياتي |
اعتقد افضل لآعب في المبآرآهـ هو ..( نيفيــز ) واسوئ لآعبين في المبآرآهـ هم ..( ويلي و الزوري و الفريدي) وبالتــوفيق للزعيـــــم |
شكر خاااص لكل واحد منكم على الردود اختلاف الراي لايفسد للود قضيه |
أهم شي الثلاث نقاط ونجوم الزعيم ماقصروفي اقل مستواهم هم أحسن من غيرهم |
إقتباس:
طيب بررضه تفداه ولي 3 مليار هجمه :d والا بس ياسر والباقي ما ينفعون ؟؟ وبعدين ولي الى الحين اهداف اكثر من ياسر s13s وصانع لعب الافضل هذا الموسم ان شاء الله تتعوض الهجمات اللي راحت في الاتفاق تتعوض في الشباب والاتحاد |
إقتباس:
<<< تقدير الاستحقاق من الله يالغالي وبصرااحة لاعبينا ماقصروا وحتى ويلي ماقصر وزي ماقلت ياسر تفداه مليار هجمة تقبل:rose:s13s |
يعطيك العافية على هذه الجهود المتميزة وعساك على القوة اولان انا معك صراحه في تضيع الفرص مو ياسر لوحدة كل الفريق المفروض نطلع بخمسة اقل شي الفريدي انا اشوفه ممتاز نيفيز بعد لعبة يتحسن مرة ولي مشكلته قدام الباب هو في نص الملعب ممتاز بس مشكلتة اذا انفرد او فرصه هدف صراحة تصرفه مو كل هذا ياسر صراحه مدري ايش اقول عنة هو صراحه يضيع بس ينفعك بشي كثير اقل شي معه اثنين او ثلاث من المدافعين هذا يكفي الشلهوب ترى مشكلتة في المباراه الماضية احس انه مايدري وين مركزة بالتوفيق للزعيم الاسيوي .. تحياتي واشواقي |
الفريدي ثقييييييييييييييييييل نيفيز سيكون علامة فارقة الشلهوب اخاف ان بروز نيفيز يخليه ما يبين |
لا تنسى التوقف له دور كبير جدا والله يستر من المباريات الي بعد العيد كلها قويه وفيها 6 نقاط ولا تدقق على الفرص الضايعه اذا ما تضيع ماراح تجيب |
إقتباس:
اما ويلي عادي هو صانع العاب وليس مهاجم يعني فيه اكثر من كورة قدام المرمى وياسر بجانيبه يروح يسدد على المرمى |
ياشباب هدو شوي الاعبين مش مكينه علشان يبدع بكل مباراه وانا اتفق معك بأنـ( ياسر _ تياقو نيفيز ) مستوياتهم غير مطمأنه أتوقع أن السبب ( ياسر : التركيز "" يفكر الف مره قبل مايشوت"" اللياقه ) ( تياقو نيفيز: الثقل"" الأنانيه"" ذباته أو رفعاته غير مركزه"" عدم تأقلمه حتى الان ) :::::: ياليت يتم تصليح الأخطاء أو ايتاء بي البديل شكرا....... |
نظرتي للمبارات بالصراحه الشباب ماقصرو لكن يعيب ياسر التسرع - ولي مشكلته كبيره والافضل الاستغناء عنه الانه لايصنع الا السهل وليس بالمهاجم الي يفيدك قدام الباب والدليل هجمه امس قدام الباب ويضعهااا في وسط الحارس - تياقو لاعب كبير ويفيد الفريق خاصتاا بالكرات الثابته و التسديدات خارج منطقت الجزاء - والزوري مافيه روح وحماس - الفريدي يقوم بدور جيد الى حد ماء في وجوده في المركز الغير متعود عليه- الشلهوب جيد الى حد ماء ليس مستواه في الجولات الماضيه - رادوي ملك - لي يونق ياخر الكوره ثم يزنق عمره ويرجعهااا لدفاع - خيرات مشاء الله عليه - المرشدي مستواه جيد - الدعيع ماقصر والله مبدع- |
والله الهلال قاعد يلعب لاعب سريع وفيه تركيز الهلال الموسم هذا غييييييير وان شاء الله نجيب مهاجم اجنبي بجنب ياااسر بالتوفيق للزعيم |
ولا زال التطبيل لـ ياسر من الجمهور تخيل أن نامي هو المهاجم ويضيع فرص بالكوم ومستواه نازل وش يكون ردك بكل صراحه ؟؟؟ |
يعطيك العافيه بس فيه لاعبين اسوء من السيئ مثل المرشدي والله لو ان العب قدام الاتي او الشباب لاكان امور ثانيه |
لا تنسى التوقف له دور كبير جدا والله يستر من المباريات الي بعد العيد كلها قويه وفيها 6 نقاط ولا تدقق على الفرص الضايعه اذا ما تضيع ماراح تجيب |
إقتباس:
|
إقتباس:
ليه حلال على ياسر وحرام على اللاعبين الآخرين المفروووض تكون مع الهلال وليس مع اللاعب الواحد انا ما راح اكون ضد اي لاعب كان ياسر او غيره بس نعطي كل لاعب حقه من دعم على اللي مسوية في الملعب الا اذا انت تشجع ياسر فقط !! وبعدين بررضه سنحت لياسر كذا كورة بامكانه يمرر بس شاتها والتوفيق بيد الله بس ادعم اللاعبين كلهم ولا تكون متحيز للاعب واحد |
اولا شاكر لموضوعك الجميل وفعلا ياسر يفتقد التركيز امام المرمى لانه يريد ان يفرح جمهور الهلال ويقول لهم انا موجود وكلنا نعرف الظغط الي يواجه ياسر سواء من اعلام او جماهير اما بنسبه لويلي فعلا ويلي اكثر من مباراه كان يحاول ان يسجل ويثبت نفسه ولكن لانقول اناني وتوفيق من الله قدر الله وماشاء فعل اما بنسبه للي يقولون المفروض نشجع الاعبين كلهم وش معنى ياسر ولا حلال على ياسر مو حلال على غيره والي يقول تخيل نامي هجوم وضيع فرص وش تسون انا ارد عليهم واقول لهم السبب ...... لان ياسر هو الاعب الجماهيري رقم 1 في الهلال ابئ من ابئ ورضئ من رضئ عشان كذا الجمهور يحب ياسر ويريد منه الافضل واحنى لمى نقول وقفوا مع ياسر او شجعوا ياسر ليس معناه التقليل من النجوم الاخيرين لان ياسر فعلا محتاج وقفه صادقه ولانه اخطر لاعب في الهلال واعتقد رد ياسر كافي على صدى الملاعب عندما قال في ناقد محارب وناقد يبي مصلحتي ولهلال عشان كذا مو اي واحد ينتقد نروح وراه او اي واحد يمدح نروح وراه يجب علينا ان نقول راينا فقط ولا نتبع اراء الاخرين وهذي وجهة نظري ولااختلاف في الراءي لايفسد للود قضيه |
| الوقت المعتمد في المنتدى بتوقيت جرينتش +3.
الوقت الان » 10:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd