|
مـبـاراة بـعد الـتوقف.. الله يـعـدّيـها على خيـر.. واحـذروا من المـفـاطيـح حيـــــــاكم بسم الله ... والحمدلله الله اكبر الله اكبر... لا اله الا الله الله اكبر الله اكبر... ولله الحمد مساكم الله بالخير... مساء البيتيفور على قلوبكم :wub: زمان والله عن السوالف والمواضيع الهلالية :d وبكل صراحة مافيه شي جديد يستاهل اني أضغط على أيقونة موضوع جديد علشانه كل المواضيع الساخنة والمطروحة على السطح أشبعت نقاشاً وطرحاً موضوع خالد عزيز.. وفضيحة مرتفع البالتوك :d.. وهدف نواف العابد هذا هو تقريباً كل شي كنا نسولف فيه في الفترة الماضية حتى جت معركة مصر والجزائر اللي اكلت الجو واستحوذت على الاهتمام والحين الكل بانتظار الماتش الـ قامد أوي مع الاتفاق وبانتظار نتيجة ساخنة تحسسنا بالدفء في هالاجواء الباردة هاليومين :d عن المباراة المباراة تأتي بعد توقف طويل نسبياً... مما يجعل الاحتمالات واردة بشكل كبير بعدم ظهورها بالمستوى المطلوب :yes: استبعد تماماً ان يظهر الفريق بذات الصورة المبهرة التي استمتعنا بها في لقاءاته الاخيرة لأن اللاعبين بحاجة الى مباراتين او ثلاث على اقل تقدير ليستعيدوا حساسية المباريات إضافة الى أن المباراة في ملعب الاتفاق... ولايسبقها أي اثارة اعلامية أبرز مافي هالمباراة في رأيي هو مشاركة خيرات بديلاً عن ابوكلبشة :ba: وعودة عزيز المتوقعة.. رغم اني لا اعتقد انه سيلعب وسيبقى احتياطياً والأهم من كل ذلك هو فوز الهلال بأي طريقة كانت وبأي اسماء تلعب لأن التعثر لاسمح الله سيمهد الطريق للاتحاد المتحفز للانطلاق بعد التفرغ التام للدوري اذا أردت ان تفوز بمسابقة مثل الدوري ( تعتمد على النفس الطويل ) فيجب عليك ان تحافظ على رتم متناسق دون أي تفريط أي تفريط مهما كان وامام أي فريق سيكلف الفريق خسارة الدوري بأكمله وانا بصراحة دائماً اكون على اعصابي في اول مباراة بعد توقف ذبحتنا هالتوقفات :ranting: كل ماتزين الامور وندخل جو مع المباريات ونستمتع بالنتايج الحلوة جانا توقف وعفسنا فوق تحت ورجّعنا لنقطة الصفر :to: ماودي اتكلم كثير عن هالجزئية لأنني ماقصرت فيها قبل لكن الله يوفق نجومنا ويرجعون لنا من الشاطيء الشرقي بـ الهوى الشرقي . . ابوعبدالله يا اسطورتنا الحيّه.. لاتغفل عن هالامر قرب عيد الاضحى... الله يعيده علينا وعليكم بالخير والبركة :rose: وعلى قولة اخواننا المصريين ( عيد اللحمه ) :d والكثير من اللاعبين يرجع بعد العيد وهو ( مخربها ) وتشوف كرشته ناطّه مترين باتجاه الـ قدّام :s5s: وطبعاً ما اعتقد ان هالموضوع يغيب عن حنكة اسطورتنا ومعشوقنا ابوعبدالله :smilie47: لاتنسى ياسامي... توصياتك انت والكوتش جيريتس للشباب لايكثرون الاكل :d وياحبذا بعد لو كل لاعب يوزن قبل العيد... ثم يوزن بعده واللي تلقونه زايد شبّوا عليه بالتمارين الصباحية الانفرادية وبالذات الفريدي :smilie47:... هالذيب انتبهوا له بزيادة وركزوا عليه :d |
ان شاء الله لعيبتنـأ عند الموعد و رح يكونوا قـدهـا و قدوود عواافي صخ صخ ع الموضوع دوك --> :rose: |
|
موضوع رائع وان شاء الله الفوز للهلال وهذي مشكله التوقفات اللى ما تخدم الرياضه لان اذا كان عندك انديه قويه ودوري قوي راح ينعكس على المنتخب ويصبح اقوى اما توقفات اللى ما منها فايده ياليت يتركونها على جنب افضل |
والله اكثر مايخوفني هالتوقفات الي مالها داعي كل شوي ناط المنتخب يعسكر لاوبعد مدة المعسكر اسبوعين والمشكله ماحولك بطولات الابعد سنه وبطوله خليجيه العالم تلعب تصفيات كأس عالم تلعب دوري وتقف 3 ايام ويلعب المنتحب وهي تصفيات كأس عالم الله يعين بس وبالنسبه لبكره والله اني متخوف بس على الفتره الي توقف فيها الدوري غير كذا الحمد لله الامور تمام هوساوي وبديله خيرات مافي مشكله ولاتنسون ان هوساوي يمتاز بظربات الرأس في الركنيات |
الله يعطيك العافية ويوفق الزعيم بالمباراة يارب |
\\ مبـدع كـ عادتـك يالصخـرة .. وبأذن اللـه نجـوم الزعيـم قـادر بـ حصـد النقـاط الثـلاث كمـا عودونـا .. وأتمنـى عـدم الأستهانـه بالخصـم لأن الأنديـه لاتظهـر قوتهـا الا أمـام الهـلال .. واللـه يوفـق الزعيـم غـداً يـارب ..! |
الله يستر بعدالاضاحي نشوف زيادة وزن |
تسلم يمينك على هالموضوع وبالتوفيق للهلال يارب بمباراته امام الاتفاق |
ثأنكس صخرتنا على هيك موضوع ،،،وينك يالدبي من زمان ما شفنى مواضيع لكــ :s2: نرجع لمحور حديثنا من جد لازم ابو عبدالله يشيك على اللاعبين قبل وبعد ،،، وان شاء الله النئاط التلاته بيدينا يا قدعأأأن :naughty: |
مشكووووووور والمفطحات خلوها للجمهور |
إقتباس:
|
الله يعين ... مباراة قوية والاتفاق متحفز بالتوفيق للزعيم في حصد النقاط الثلاث سبحان الله وبحمده ... سبحان الله العظيم |
ههههههههههههههههههههههههههه لا لعيبتنا مايحبون يخربون الرجيم حقهم وخصوصاً وقت الأضاحي تلقاهم يأكلون اللحم الأبيض << كثر منها مشكووور أخوي ... تحياتي لك... |
صراحه موضوعك مهم للجماهير 1- ان من الممكن الفريق مايظهر بالمستوى المطلوب ..واتمنى من الجماهير يستوعبون الكلام " ان التوقف" ممكن يأثر على مستوى الفريق ولايطلعون وينتقدون بعد المباره .. 2- وجود حسن خيرات في التشكيله وهذا متوقع بعد غياب هوساوي 3- عزيز بيكون إحتياطي ولن يشارك اساسي من اول المبارة .. شكراً أوي .. صخره .. |
| الوقت المعتمد في المنتدى بتوقيت جرينتش +3.
الوقت الان » 12:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd