لعيـــون شبيــه الريح حاضرين ,, ومن الرياض قادمين وكلنا متحمسين ^__^ .. - نادي الهلال السعودي - شبكة الزعيم

استثنائي · #1 20/11/2009, 12:56 AM

السلام عليكم ورحمة الله وبركاته ..

يالله حي الزعمـــاء ومرحبــا مليووووون ..

لحد يدقق على العنوان

أحس أني مسوي سجع وأنا من جمبهـــا

كلنا ندري أن فيه مباراة مهمة ومصيرية للزعيم الهلال ونادي القرن في دوري زين للمحترفين ..
مباراة مفصيلة في أمسية كروية من أحلى مايكون

يوم السبت الملحمة الكروية في مدينة الدمام على آستاد الأمير محمد بن فهد مع شقيقنا نادي الإتفاق .

هي مباراة على المدرج قبل الملعب ماعليكم هذولي الإتفاقية للحين راقدين ,, بالدوري شغلنا والحماس بالمدرج

<< أستهبل لحد يصدق أن الإتفاق فريق مش حالــك ,, بالعكس الإتفاق فريق قوي وقوي جدا من يقول هــاه

..

المهم لازم نحضر ونؤازر الزعمــاء لتحقيق الــ3 نقاط الذهبيــة..

وبإذن الله في ظهر السبــت راح نحرك في موكب من مدينة الرياض إلى مدينة الدمام ..
سيارة تنطح سيارة

وكل سيارة فيها 3-4

غير الشباب الي بالدمام شارين التذاكر ومرتبين الوضع ,,
غير ربعي الزعمــاء الي بيجون من جدة على الدمام دايركت

يعني خلوها تبحر يوم السبت

...

تعرفون الآجواء خيـــال والدنيا إجازة وفلـــــة ..

وكل الحوسة ذي والسفريات والمصاريف لسبب واحد فقط :
تقديراً لجهود

الأمير الشاعــر: عبدالرحمن بن مساعد

وشقيقه الأمير : عبدالله بن مساعد ..

وبالتأكيد لتعزيز موقفنا أمام لاعبين فريقنا وتأكيد أننا النادي الأول فنياً وجماهيرياً على مستوى القارة ^____@ ..

إلى أهالي الشرقية : أتمنى وآرجوا منكم الحضور شوفوا الجمهور جاي من الرياض وجدة عشان الزعيم قدروا الفرصة الذهبية لكون الزعيم عندكم

...

همســة : الحمد لله آفتكينا من جمهور الرياض النايم

كلنا تحمسنا وشجعنا يجيك واحد : آجلس آجلس

جمهور الشرقية نبيها حمـــــاس وهذا المعروف عنكم

نبي نرقص الحكم بالملعب من الحمـــاس

كلنا نذكر مباراة الكويت الكويتي والكرامة السوري على نهائي كأس الإتحاد الآسيوي
وشفنا كيف الطرب والحماس حتى واحد من الجمهور آستنزل عليهم

والحكم شوي ويهز بالملعب

بس فعلاً تشجيع خليجي راقي وحماس ^__^ ..

جمهور الرياض ترى أمزح معكم على العين والرأس وأكيد أنتم الداعم الرئيسي لنادي القرن ^___# ..

توقعاتي للمباراة 3-1 للهلال ..
وحضور جماهيري خيالـــي

آخيرا : الله يرضى عليكم آحضروا بدري وخذوا أماكن زينة موب زي مباراة الرائد الرائداوية خذوا مكان أكثر من عددهم

...
نبي الواجهة كلها هلاليية

الحمد لله على سلامة صاحب السمو الملكي الأمير :\ مساعد بن عبدالعزيز حفظه الله ..
ومايرى بأس إن شاء الله ..
((( ننتظر طلتك ياشبيه الريح في يوم السبت )))

وسلامتكـــــــم ..