|
غلطتين كبيرة في النشيد الهلالي يجب تصليحها قبل اعتماده رسميا بسم الله الرحمن الرحيم... السلام عليكم ورحمة الله وبركاته اول شي احب ابارك للجمهور الهلالي على اصدار النشيد الهلالي الي انتظرناه من زمان.. وبصراحة النشيد جميل جدا واللحن رائع ولو طبق في المدرج بيكون احلى واحلى بكثير... لكن فيه غلط في بعض الابيات وعشان ما اطول عليكم اترككم مع الابيات الي اشوف ان فيها اغلاط.. البيت الاول هو بيت جميل جدا ولا يوجد فيه اخطاء: زعيم عشقناه منذ القدم......شعار وعلم يا هلال البيت الثاني فيه غلطة بسيطة في الشطر الاول: وفخر حصدناه منذ القدم.... المعروف ان الفخر لا يحصد ولكن العكس فانت تفخر بما حصدت من انجاز وبطولات..وانا شوف هالخطا بسيط ويمكن تعديله بسهوله. البيت الثالث جميل في الشطر الاول ولكن الشطر الثاني ضعيف في المعنى: هذا الهلال زعيم الامم.....محبوب البشر ياهلال الشطر الثاني ضعيف في معناه لان عشاق الهلال هم جماهيره الكبيرة, لكن خطأ كبير ان يقول : محبوب البشر لان الشاعر هنا عمم عالبشر كلهم البيت الرابع جميل في الشطر الاول بس فيه تكرار بدون فايده في الشطر الثاني: ونادي القرن هلال اشم.....زعيم الامم يا هلال المفروض ان الشطر الثاني يكون افضل ويكون شي جديد.. البيت الخامس رااائع واعجز عن وصفه.. ومجد بنيناه فوق القمم....بعالي الهمم ياهلال البيت الاخير باين ان الشاعر كتبه بدون نفس(مع احترامي الشديد) لكن ايش السبب الي يخلي الشاعر يغير القافية في الشطر الاول ويكون فيه غلط لفظي كبير في الشطر الثاني: هلال هلال هلال بطل....ونادي القرن يا هلال والله هذا البيت يقهر لان الشطر الاول محشي بكلمة واحدة وهي (هلال) والقافية تغيرت بدون اي داعي,,والشطر الثاني بالله اسمعوه زين وشوفوا الغلطة الكبيرة في لفظ كلمة (القرن) لدرجة ان معنى الكلمة تغير كليًا..فيا انه يتم تعديل هذا البيت او حذفه لاني اشوف ان البيت الخامس افضل ان يكون هو بيت الختاام,,,,, اتوقع ان اخطاء كبيرة (كبيرة لكن سهلة التعديل) مثل هذي مفروض ما تكون في النشيد الرسمي لاننا ما نبي مجال للحساد انهم يلقون مثل هذي الاخطاء... وان شاء الله ان الاخطاء هي ما تستعصي وتتعدل بسرعة قبل تطبيقها في الملعب... واهم شي يكون فيه تفاعل كبير من الجماهير في المدرج ما نبي احد ساكت,,,,,,,,, والسلااااام:alzaeem::alzaeem: |
الله يعطيك العافية على التنبيه مع ان بعض شرحك ما فهمته مشكور مرة اخرى |
بصراحه تامه النشيد اجمالا ضعيف .. نتمنى يكون فيه مسابقه تطرح في المنتدى لتقديم أفضل نشيد ليليق بأفضل فرق القارة . مع الشكر لمن اجتهد .. تحياتي |
ولله انا افضل أغنية عبدالمجيد عبدالله او راشد الفارس ويرددونها الجماهير وخلاص .. :D |
يعطيك العافية النشيد ماأيد يكون كذا لازم يكون من شاعر كبييير تحياتي واشواقي |
هـم قــآلــوآ بالأمــكــآن تـغ‘ــيـيــرهـ فــي اي وقــت يـع‘ــني مـو مـعـتـمـد اعـتـمـاد كـلـي وبـآلأمـكـآآن تـغ‘ـيـيـرهـ ... |
روعه كلامك سليم مشكور |
البيت الثالث جميل في الشطر الاول ولكن الشطر الثاني ضعيف في المعنى: هذا الهلال زعيم الامم.....محبوب البشر ياهلال الشطر الثاني ضعيف في معناه لان عشاق الهلال هم جماهيره الكبيرة, لكن خطأ كبير ان يقول : محبوب البشر لان الشاعر هنا عمم عالبشر كلهم ليش وش جمهور الهلال ماهم بشر برضه :naughty: |
اجل وش رايك تصير شاعر بداله :D أمزح معك طيب يا جمهور الهلال جيبوا لكم شاعر من البطحاء ويقول لكم نشيد كل ما ترضون فيه |
اشكرك اخي الغالي على توضيحك على النشيد الذي يسمى بنشيد الهلال حقيقة النشيد لايرتقي لمستوى الهلال لاكلمة ولا لحنا الهلال لديه من عشاقه فطاحلة الشعر ويكفي ان من كتب النشيد الوطني السعودي (سارعي للمجد ) هو الشاعر الكبير الهلالي ابراهيم خفاجي وصاحب البيت الشعري الشهير ( اذا لعب الهلال فخبروني ،، فان الفن منبعه الهلال) الهلال رئيسه من فطاحلة الشعر ولديه الكثير من اعضاء شرفه شعراء كبار من امثال الامير سعود العبدالله والامير خالد بن يزيد وغيره من الشعراء الهلاليون كناصر الفراعنه وفيصل اليامي وخالد العتيبي ومحمد السهلي وغيرهم الكثير والكثير من الشعرء وكل واحد فيهم سيكتب قصيدة تليق بالهلال |
كلمكم صحيح بالنسبة لاختيـآر الابيـآت لكن هذآ النشيد لنــآدي القرن يعني مو النشيد الرسمي آقرآء الموضوع زين على هذآ الرآآبط ودقق بالمكتوب بالموضوع http://vb.alhilal.com/showthread.php?t=835662 إقتباس:
|
يعطيك العافيه اخوي .. والقافيه في الشطر الاول .. في البيت الاول و الثاني مكرره وتعتبر ضعف في نظم القصيده الا اذا كان طرق ما اعرفه هذا شيء ثاني ولكن بشكل عام اي قصيدة المفترض ما تتكرر الكلمة في اكثر من بيت حتى ما تضعفه وبالامكان استخدام كلمات مرادفه تفيد للوصول الى المعنى دون الاخلال بوزن القصيدة |
الله يعطيك العافية على التنبيه وباين عليك شاعر مخضرم |
الف شكر لك على التنبيه ...........بس من جد مثل ماقال احد الاخوان اغنية راشد الفارس اوعبد المجيد لوتردد افضل وخاصة راشد الفارس |
يا شباب الله لا يهينكم على الردود وان ما ابي امدح نفسي واقول اني شاعر حتى اني عدلت فالاخطاء الي ذكرتها بس ما حبيت اذكر التعديل عشان ما يفهم الموضوع بطريقة خاطئة,,,,,,,,و |
| الوقت المعتمد في المنتدى بتوقيت جرينتش +3.
الوقت الان » 02:54 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd