فــــــــكـــــمـــــــــا تــــــــــــعــــــــــــــــلــــــــــــــــــمـــــــــــــــــــــون
مباراتنا مع الاتفاق يوم السبت القادم انشاء الله ســـــــــتــــــكـــــــــــــون!!
فياترى ؟؟ من المنتصر قولولي من تـــــــــــتــــــــــوقــــــــــــــــعـــــــــــون
اكيد ان شاء الله وباذن الله الزعيم بس لازم يشدون الهمة و العزيمة وعلى الله يتوكلون

انا عندي خاطرة خطرتلي يوم كنت اهوجس في الزعيم
صراحة جتني وساوس مخيفة و جاني من انواع الرعب اكستريم ( كلمة إنجليزية معناها شديد جدا )



بس قلت في نفسي شكلك نسيتي من تشجعين
وجتني عدة خواطر (من باب الرفق )

فكنت افكر بالمفرج تكفون ارفقوا فيه تكفون !!
تراه جابلنا اخر بطولة..

وتعرفون انه طيب ..

عشان كذا تكفون لا تسحبون فيه ..

يا ياسر و يا عيسى ما ودي اذكركم ( يمكن عيسى ما يذكر ) لولا راس المفرج بعد الله ماكنتو ذيك المرة تفوزون<<اقصد اخر بطوله للهلال


يا خالد عزيز الحمدلله على رجعتك و ما اوصيك فيهم نبيك تعزز لاخوياك تعزيز(مع اني عارفة انك انت تبي من يعززلك )

مصطلح يستخدمه التماسيح للتعبير عن من يساعد المفحط ..
يقال عزز له اي مشى وراه او امامه ..

^^^^^^^^^^^^^^^^^^^^^^^^^^^^^^^^^^^^
مصطلحات تعبت في الحصول عليها من اخي



ولا جينا للجد الي انا خايفه منه !!!!!

كابوس يحيى الشهري و عبد الرحمن القحطاني نبيكم قبل ما تنامون تستعيذون منه
لانهم والله ناوينا أشر نية ..

بس حنا الي دايم مخلصين النية ..


على شان كذا ربي موفقنا ..وباذن الله الفوز من حليفنا ..

ترى الاتفاق موضوعه سهل بس لازم تاخذون الامر بجدية ..




و مازالت كوابيس القلق مسيطرة من بعد غيابك يابو كلبشة علي..

انا ماادري وش بيصير حال الدفاع ..
هل بيكون منظم ؟؟
ولا كل الاشارات حتكون برتقالية(تطفي وتولع عندما تكون الاشارة متعطلة )<<ظابطة مرور ماشاء الله علي ..


الله يستر من بلنتيات المرشدي<<متعقدة من البلنتي الي تسببه امام النصراوية ..
لولا ثم هالبلنتي كان ماتعادلنا مع فريق زي النصر ..



وشلهوب يااخي لا تنسانا من اقوالك ..
واحد ما يكفي نبي ثنين وحتى ثلاثة ..
هذا انت الي عودتنا عليه يا مبدع في افعالك ..
ولا تنسى ان مرمى الاتفاق كله حلالك ..



اعضاء منتدانا العزيز

اوصيكم بالدعاء على كوابيسي انها ما تحقق ..
وفي النهاية من خاف سلم !!!


ولا تنسون المفرج تراه كان لاعبنا المخلص ..



الخلاصة
..
ـ يجب على لاعبينا الانتباه والحذر كل الحذر من يحيى الشهري وعبدالرحمن القحطاني..
ـ عزيز يجب ان تعوض في عودتك كامل عطاءك الذي غيبه المدرب بسبب عدم انتظامك ..

ـ اتمنى ان يكون خيرات والمرشدي متفاهمين والا تكون بينهما اتكالية ..

ـ يجب ان نخفف من الفرص الضائعة لاننا سندفع الثمن غاليا في نهاية الدوري ..

-سوف تكون خارج ارضنا وهي مواجهة قد تكون من صالح الفريق المقابل <<انتبهوا..
-

-الحضور المبكر ثم الحضور ياجمهور الهلال..
حتى لو كنتو صايمين جيبو معكم فطور..<<<يعني مافيه تقول انا صايم وماني حاظر..

-لاتنسوا التكبير ..وبعد كل قول ..قولو مع بعض الله اكبر الله اكبر الله اكبر لااله الا الله الله اكبر الله اكبر ولله الحمد..





-المباراه منقوله عالرياضيه والعارتي 8 والزعيم..













من تدريب الاربعاء ..

آول مرررة في حياتي ارد آوول وآآحد >> قل قسم

يعطيك آلف عافية آختي على الموضوع المرتب وآحلى شي الأبتسامات ماشاء الله عليك مابقى آبتسامه في المنتددى إلا حطيتيها

ابدا بنهاية ما كتبت ,, الله يجزاك بالخير

اما عن موضوعك فجميل جدا امتزج بالمرح والجدية<< متعوب ع امتزج

اتكلم عن المباراة ,, صحيح الاتفاق متذيل الترتيب لكن

نعلم ان كل فريق قدام الهلال يصير غير وانتم عارفين اللي صار العام الماضي

لكن بنفس الوقت انتي تتكلمي عن الهلال يعني تتكلمي عن الذهب

ما توقع بيخلون الاتفاق ياخذون اول 3 نقاط ع حسابهم

والدفاع فيه الخير والبركة بنفقد ابو كلبشة بس خيرات مو بسيط

يعطيك العافية ,, اسف ع الاطالة

دمتي بخير

ههههههههههههههههه

ميمي دااايما مواضيعك فلللله

وتغير جو بشكل سلس >>> متعوب عليها هع

بالتوفيق يارب للزعيم

والاتفاق يخوف

بس رجال الزعيم قدها وقدود

يعطيكي العافية ميمي بانتضااار جديدك يالغلا

يا أخوان ..

ترى الاتفاق فريق صعب جداً خصوصاً على ارضه ..

يعطيك العافية على الموضوع الصراحه شيء جميل انه يتنوع الموضوع بالطرافة والجديه والنصيحه بيض الله وجهك يااختي والف شكر >>اعجبت جدا بالموضوع سلمت اناملك

مشكوره اختي ميمي ع الموضوع الجميل الخفيف

ان شاء الله لاعبينا وجمهورنا يكونون متواجدين يوم المباراه بكامل جاهزيتهم

وفالنا الدوري ان شاء الله

موضوع راااااااائع

بالتوفيق للهلال
...................زز

يعطيك العافية اختي ميمي وشاكر لك الموضوع المميز دمتي في رعاية الله وحفظه ,,,,,,,,,ـ’أ