18/11/2009, 08:31 AM
|
 | مصور فوتوغرافي | | تاريخ التسجيل: 24/12/2008 المكان: الرياض
مشاركات: 651
| |
إحساس خالد / أهلاً وسهلاُ بك ,, شكراً لإضافتك وشرفني مرورك   .................................................................................................
Qnas Sudeer 20 / هلا والله بقناص سدير ,, لبى قلبك بسس . وش مغامرهـ أنت  <<< مجرد إستكشاف بسيط  والله لو إني داري إنك بتجي معي لو بقول لك كان قلت لك وبعدين معك رقمي دق وارسل وسلم  ويمكن فيه امور ثانية نسويها  . ههههههه حسيت إني زورو اي كتاب أنت بعد خلني أكتب مواضيع وبعدين نفكر نطلع كتاب <<< طار في العجة الولد .................................................................................................
الغدير الأزرق / هلا وسهلا , والله حنا دخلنا داخل المبنى لكن ماوصلنا الأدوار اللي في فوق , الدور الثامن مظلم وايضا السابع الصراحة ولدعمتي كان مستعجل وناس واجد تحلف إن في الأدوار المذكورة جن , لا شكراً معروفه الزويليات , بس الواحد اذا كان قاري المعوذات ومتوكل على الله ونيته مهوب تفزيع الناس يبي يعلمهم الحقيقة ماراح يجيه شيء إن شاء الله أما اللي رايح يغامر ولا رايح يضايق الجن هذا الله يعينه . شكرا لزيارتك .................................................................................................
marjo0o0ojh / أهلين وسهلين بمرجوجة ,, والله أنا رايح اشوف الصدق من الكذب وما أظلم احد والله لكن يمكن موسوس ويمكن ماقرأ المعوذات ويمكن ازعج إخوانا في الله الجن , الله يعافيك يارب . .................................................................................................
هلالي معالي / هلا والله وسهلا , وينك يادب !! وراك ماتدخل الإيميل ولا مسوي زين علينا يوم إني مشغول ذيك الأيام وانت ماغير تجي تسولف والحين ماعاد نشوفك <<< فاقدك ! ولا تبالغ في السوالف ثاني مرهـ ,, الله يوفقك ويرزقك السيارة اللي تبيها وتجي تمرني عشان أصورها لك  <<< لاتصدق هاه ماني رايق تصوير <<< من هناك بسسس لا حنا في الأدوار الأولى وكثير ناس ماوصلت للأدوار المذكورة اللي هي الثامن والسابع والسادس ,, مايقدرون موسوسين وهم مابعد دخلوا عاد كيف اذا وصلوا للدور الخامس بينهبلون . والله إني جايب الكاميرا معي بس خايف عليها قلت يمكن فيه شيء يروع وتطيح مني وتتكسر على الفاضي مالها داعي ,, أخوياي راحوا مصورين كبااار ماشاء الله عليهم صوروا صور بنت لذين والله أعجبني المستشفى ديكورهـ حلو طبعا هم مصورينه مهوب تغطية صور رومانسية على قولتك . وهذي بعض صور من تصويرهم /    هذي قاعة إستلام الجثث , اللي دخلناها , طبعا من تصويري أخوياي .  طعباً , فيه أماكن نظيفه وجديده وفيه أماكن مكسره وحوسه ودوسه ,, طبعا متروك من حرب الخليج .  شكرا لمرورك ياهلالي ومشتاقين لخشتك ووساويسك . .................................................................................................
ذآيب / هلا والله بذآيب ياللي قلبي فيك ذاب ,, ياشييخ !!! وش معنى كلامك مافهمت ترا , شباب أنا ماصورت ولا صورهـ خايف ع الكام حقتي ماتستاهل كسرتها  . شكرا لزيارتك لبى قلبك  .................................................................................................
بنت فله ومعاها دله / حياك الله ,, لا ابد حافظوا على الأذكار ووسعوا صدوركم ,, أنا بغيت أجيب فرشة واتكي هناك واجيب عشاي واجلس ع الجو الرومانسي والله جو كان حلو . صحيح كلامك مهوب كل مرة سلامة . .................................................................................................
المشــاغـب / أهلاً وسهلاً بالمبدع والكاتب الذهبي ,, وصحيح كلامك إن الجن ماينشافون ,, لكن يمكن تسمع أصواتهم أو يمكن يتمثلون بأشكال مختلفه , وغالبا بشكل الكلب أو القطة الله يكرمكم ,, الجرايد يبن الحلال سواليف <<< يعني الناس جايبينها معهم او الحراس اللي فيه ,, واما عن أصوات الأجهزه صحيح كلامك بعض الناس موسوس وخواف يفكر كل شيء من الجن , حياك ربي وشرفني مرورك العطر . .................................................................................................
Mr.RęLǻҗ / أهلا مستر ريلاكس ,, طيب دام الموضوع مافيه فايدهـ ليه ترد الا لازم ترز ردك في كل موضوع ,لا والله ما أبي أصير خويك لا مزح ولا جد  , والله أنا بدخل في كل مجال يعجبني والتصميم والتصوير بستمر فيها من دون شوركم بإذن الله . لاشكر على واجب . .................................................................................................
أم متعب التميمي / أهلاً وسهلا بك ,, الحمدلله نريد من الناس أن تعيش بسلام <<< متعوب عليها . هههههههههه لا وسعي صدرك قل لن يصيبنا الا ماكتب الله لنا . حياك الله وشرفتني زيارتك .................................................................................................
the king yasser / هلا بالمغامر عنترة ,, صحيح كلامك والله , وماكذبتك أنا بس يمكن كان فيه مبالغة من الناس واللي انتشر بينهم ,, وانا عارف ان الأدوار الباقية فيها بلاوي والله العالم لكن كنا مستعجلين وما كملنا الرحلة , حبيب ألبي انت , الجن يجون المغرب ووقت تجمعهم هذا الى الليل , حتى إنه مكروه اللعب في المغرب عشان الجن تتجمع , وهل أنت قريت المعوذات قبل ماتدخل وتوكلت على الله ولا متحمس داخل ونسيت كل شيء , والله ماودي أقول اني بروح له عشان ما أسوي دعاية . ع العموم صديقي العزيز ما أكذبك ولا أقول شيء لكني اتكلم عن زيارتي .................................................................................................
. . . وباقي الأعضاء اشكركم على إضافتكم ومروركم الرائع , لا يمكني إني أعلق على كل رد , وحبيت أرد على الردود البارزة . شكرا لكم أحبابي , أخوكم / مالك العنقري
اخر تعديل كان بواسطة » MaLik74 في يوم » 18/11/2009 عند الساعة » 08:56 AM
السبب: لإضافة الصور
|
الوضع الشجري
