انا بالنسبه لي ما اقتنعت باي نقطة من النقاط المكتوبه

احس انه موضوع لمجرد كتابة موضوع

يختلف اللعب اذا لعبنا قدام الاتحاد و الشباب 4-5-1 واذا لعبنا قدام الاندية الباقية 4-4-2

اخوي العزيز اسمحلي اخالفك وجود الفريدي محور متقدم وانا ارى موقعه ممتاز وايضا يقوم بدور الهجومي والدفاعي بمساندة الوسط و اعطائه قوه ويقوم بمساندة الدفاع بقطع الكورات وهذا فكر مدرب موبسيط وداهيه
اما اعارة الغنام وجهة نظري خطأ بحكم ان الغنام قدم مستوى رائع اما البرقان اتفق معك والعنبر كذللك

صـعـب جدا تلعـب في محور واحـد ..

والـفـريدي مسانـد له ..

لأنه يضيع مجهوده كلاعب وسط .. وما يدري يدافع أو يهجم

على العموم نصبر ونشوف تشكيلة مباراة الشباب والاتحاد ..

لا هنت

السلام عليكم
اول شي قلنا من زمان


"دع التدريب لقريتس واستمتع بلعب الهلال"

المدرب فاز في 7 مباريات وتعادل في وحده من اصل 8 يعني ممتاز

ثانيا / السيد قريتس يلعب بتشكيلة 4-1-4-1 وهاذي التشكيلة مايلعب بها الا مدرب وااااااثق من نفسه واهم شي يكون المحور مثل زورو 8

اذا ضمن النتيجة دايم يحول اللعب الى 4-4-2

ولا تتفلسف لان ذا المدرب له باع طويل ودرب فرق اعرق واكبر وفي مسابقات اقوى

ثاني شي الفريدي نجم وتوه صغير عادي يتكي اذا طريقة قريتس ماتناسبه

عموما ما خليت لاعب الا وتقول اعيروه للفرق الثانية وشلون تبي بطولات وانت ماعندك لاعبين على الدكة

ياحبيبي ليش سموه بنك الاحتياط يعني لازم يكون فيه لاعبين ينزلون الملعب ويغيرون النتيجة

الحين مو قبل شوي تقول المفروض نيفيز يلعب خلف المهاجمين , وراك حطيته بالتشكيله محور هجومي مساند للأعبين الوسط ؟؟

التكتيك للمدرب ممتاز وهو يعرف كيف يسير الفريق وقد اجرى تجاربه على خطة 3-3-4 ولم تفلح لأن هذه الخطه بالذات تحتاج سرعة ومهارة اضافيه للاعبين وهذا مايفتقده اللاعب السعودي انا اشوف اننا نتخلص من المحترفين رادوي وولي ونجلب مهاجمين عشان نقدر نغير تكتيك المدرب

آقول الحمدلله انكـ انت مب المدرب..
ولا الهلآل بالدرجه الثانيه هع..
,,
والله كثرت المواضيع اللي تنتقد جيريتس..!!
ومع ذلك قدم نتآئج جداً رائعه مع الهلآل..
ولآ تنسى بعد..
(المدرب ادرى بشغله) وتقولي 451 نآكبتنا..
اقوولك ان الهلال له اكثر من 4 سنوآآت يلعب بهالطريقه..
ومنسجم معهآآ
وانت الحين تشووف الهلآل بالخمسآآت والرباعياات يدق مرمى الخصووم..!!
يعني لآ داعي للفلسفه الزآآئده..
,,
وتراك مابقيت لآعب الاوقلت اعيرووهـ..!!
,,
اخووي استمتع بالتشجيع..وخلك من التدخل بشؤوون المدرب..

انا اقول جريتس ابخص بكل شي

موضوع حشوو كلام للاسف وغير مقنع كثيراا سامحني يالحبيب منت ادرى من المدرب

بعودة عزيز يتبين لك كل شي .. ولعلمك ترا ويلي مهاجم ثاني لو تلاحظ ولي فقدناه بمركزه الأساسي الجناح الأيمن وسار يشارك كثير بالهجمات بعد ما كان يصنع اكثر من يحاول التسجيل صحيح مركز ويلي الأن تقريباً ما نستفيد منه مثر ما نستفيد منه بالجناح ..
لكن بعد عودة عزيز بتكون الخطة
الدعيع

الزوري مرشيد هوساوي لي يونغ

عزيز رادوي

الشلهوب نيفيز ولي

ياسر

ونيفيز يدخل كثير مع ياسر وتلاحظ نيفيز بأخر ثلاث مباريات اساسي كلها سجل

أجل الفريدي .. تكملـــــة عدد .. أقوول ماتعرف تسووق ..!!:ranting:
وش رآيك أكلم شبيــــه الريح أخلييــه يخليك بدآل جيرتس أغدينا نآخذ كأس العالم .. !!
إلا واللــه حلفت علييك .. !!:s2:


ياخوي .. الهلال .. دفـع مبالــغ طائلــه لمدرب عالمي .. لسناا بكفواا أن ننتقد عملـــه .. !!
لأنه أبخص بهذاا المجاال .. وأعرف مناا وأخبر .. !!


همســــــــــــــــه :

أرجواا من جميــع الأعضااء عدم التدخل في التشكيلــه وفي عمل المدرب .. !!
المدرب عالمي ودخل قائمــة أفضل 100 مدرب بالعالم .. يجي لي واحد .. من الأعضاء فاضي يدور الزلـــــــه ..
ويجي يكتب لي موضوع هذا كبرهـ وينتقد .. !
لا هذا الكلام مايصلــــــــــــــح .. أبد .. أبد .. ـأبد .. !!
شبيــه الريــح .. والذيب سامي .. وكل اللي لهم الحق أن يتدخلواا لم .. يتدخلواا بخصوص المدرب .. !!
ليشش نجي حناا كاأعضاء مانعرف أي شيء .. بالتدريب .. وننتقد مدرب عالمي .. !!

الله يخرجنااا ... بآلتووفيق للزعيييم بس !!

ننصح الأخ العزيز بعدم إبداء رأية وعليك فقط بأن تمدح أولا سامي الجابر إذا تبغى موضوعك يكون رائع و يتم تثبيته وبعدها تؤيد الإداره في كل ما تفعل وثالثا ما عليك إلا الذهاب للملعب للتشجيع فقط فانت مشجع لا تفهم شئ ومنهم حول الفريق هم من يفهم ويعرف.


لقد كتبنا كثيرا وأنتقدنا كثيرا بعض اللاعبين الأجانب والمحليين ولم يستمع لكلامنا بل حوربنا من أجل أننا إنتقدنا ثم بعد أن يتم إستبعاد هذا اللاعب أو ذاك تسمع نفس العذر الذي قد كتبناه من قبل بعدة أشهر إذا ما كان أكثر من ذلك ولنا في ا للاعب الكوري سول كم تحدثنا عنه بانه صفقه فاشله ولكن كانوا يطالبوننا بالصبر على اللاعب لأن الجو تغير عليه وبعدما إنكشف اللاعب في موسم كامل تم إستبعاده بعد خراب مالطه.


موضوعك عزيزي رائع ولو أخذ به المدرب لتغير شكل الهلال,.


نحن لا نشك في إمكانيات الفريدي ولكن الفريدي لاعب بطئ جدا ويرتكب أخطاء خطره أحيانا واقول يمكن الإستعانه به فقط في حالة ان الفريق متقدم ومستوى الفريق جيد حينها يتم الإستعانه به.


شكرا صاحب الموضوع