نادي الهلال السعودي - شبكة الزعيم - الموقع الرسمي - استاد الملك فهد مغطى باللون الاحمر ادخل وشوب واكتب رايك..

- منتدى الرياضة السعودية (http://vb.alhilal.com/forumdisplay.php?f=86)

من خلال الصورة انا اتوقع انه افتتاح لاحدى دورات الخليج
والله اعلم

هذي ايام المرجله واهـ ياهي ايام كان اولواحد يستحي يجي ببنطلون رياضه والحين شوووفوآ بعض الجماهير ,.
والف شكر لكـ

العفو
يالغالي

صورة روعة ومشعلله الاستاد باللون الاحمر

مشكور

انا اتفق مع خوياى ، أن البطولة هى بطولة خليجى 9 فى الرياض ، واللى حصل المنتخب العربى على البطولة

والله صورة رائعه ... الله يعين على الكدش هالايام

السالفه ومافيه انها نهائي الدوري بين الرائد والهلال

وهاذا حضور جمهور رائد التحدي

حلووه الصوره بس لوهي بالازرق كآن طلعت شي
اتوقع انه تصمصم لدعايه او شي زي كذآآ
تسلم .,

واااو تخيلو لون المدرجات احمر وااو تحسس انه ملعب المان يونايتد او ملعب عالمي ،، بالتوفيق يا زعماء القرن

الشماغ لها دور كبير ههههههههههههههه ،،

اكييد معزومين على عشاء داخل الملعب

إقتباس:

الرسالة الأصلية كتبت بواسطة آسر ياقلبي (مشاركة 13602518)

لابسين شماغات

رجااااال عن جد

مهوب ذحين

هالقصيدة رد عليك وع اللي يفكرون مثلك ^^ :

إقتباس:

إذا المراجل لبسة شماغ وعقال .......... قل للعذارى يلبسنّ العمايم

ما عاد يفرق زول حرمه ورجال ..... دام الفعايل تشبه البعض دايم

المرجله ما هيب كلمه وتنقال ...... وتروح ما راحت هبوب النسايم

وإلا خشونة صوت أو رفع الأثقال ........ أو رزة صدور وفعل الزلايم

ولا هي بعد مفتاح موتر وجوال .......... وإلا ردي لسان(ن) حديثه شتايم

المرجله شيمه عن القيل والقال .......... رفيع نفس (ن ) حر بالجو حايم

المرجله عقلٍ وزن وزنه جبال .......... ودون العقل وش فرقنا والبهايم

يا مسندي لو مايل الوقت بي مال .......... يا ولد أبوي يا عظيم العزايم

يا معرب الجدين من العم والخال .......... يا نخوة المفزوع وقت الهزايم

المرجله يا خوي هي طولة البال .......... هي العزم هي الصبر فالظلايم

فيها الكرم عزه دله وفنجال .......... فيها الكرامه عن ردى الطبع شايم

والدين لامنه خذا القلب منزال .......... مشى طريق الحق وابليس نايم

ومن لا عرف ربه في طيب الحال .......... لابد وقت الضيق بالهم هايم

حتى صلاتك مع جماعات ورجال .......... في خيرها يا خوي نعم الغنايم

ولامن نصف ليلك قم صفي البال .......... يا عظم أجرك بين ساجد وقايم

ولا من رفع ربي له كل الأعمال .......... حسن الذكر لا قالو فلان صايم

وخلك شريف القصد يا طيب الفال .......... سوء المقاصد فالبيوت الهدايم

واحذر تبيع النفس في درب الأنذال .......... وتتبع خوي إبليس راع النمايم

النفس خيل لك إذا كنت خيّال .......... ومن لا قوى نفسه قوته الهزايم

ولا صرت ما تدري لو يش أنت رجال .......... والله خسارة فيك ذبح التمايم

الف شكر ع الصور
وشكله افتتاح استاد الملك فهد

إقتباس:

الرسالة الأصلية كتبت بواسطة آسر ياقلبي (مشاركة 13602518)

لابسين شماغات

رجااااال عن جد

مهوب ذحين

اذا المراجل عندك (لبست شماغات)

خل المراجل لأهلهـا