نادي الهلال السعودي - شبكة الزعيم - الموقع الرسمي - ليس لدي وطنيه والسبب لاني ... ؟؟؟؟

سلام ياحلوين ..

حاب اطرح لكم شغلات في خاطري حاب انكم تشاركوني فيها ..

- ليش دايم نخلط بين الوطنيه والميول ؟؟؟

ترددت في الايام الماضيه ان اللي ماشجع الاتحاد هو انسان مجرد من الوطنيه وهو انسان حقود والمفروض مايعيش في هذا البلد (عجيب والله)

من وجه نظري ان الوطنيه هي الولاء والبراء في الدين والدوله وعدم الطعن في ولاة الامر من ملوك ومشايخ

واما الميول هو مايستهويه القلب من حب او اعجاب او كره حميد لايصل لتجريح في الغير او المساس بالدوله والدين ..

.....................................

وهناك من يطالب الهلاليين ادارة وشعب بالوطنيه والرضوخ للاساءات والتحلي بالمثاليه ولنا في ذلك امثله ..
- عندما خرج الهلال من الاسيويه على يد ام صلال .. يالطيف استبشرو الناس وقامو يشجعون وغير رسايل الجوال واعتباره انه قد ظهر الحق وهذا نصر من السماء على الفئه الضاله والواحد صار وجه كله فم من كثر الشماته وبعد كل ذا تبون الوطنيه
- فريق يدفع بالملايين والغالي والنفيس عشان يجيب مدرب ممتاز وكالعاده يتسلط عليه الاتحاد السعودي بطلب مدربين الهلال لتدريب المنتخب الاخضر واذا حاول الهلال الرفض تنهال عليه الصحافه والجماهير بأنه غير وطني ويطلقون عليه لقب .. بخاين الوطن ؟؟؟ وهذا حصلت مع سمو الامير نواف بن سعد نائب رئيس الهلال ..
- طرد مدرب الهلال الداهيه كوزمين بحجه انه القى فلينه عليها صوره صاحب السمو الملكي ولي العهد سلطان الخير وقامت الدنيا وماقعدت ونسيو ان الدنمركيين بشعوا واستهزأو على خليل وكليم الرحمن افضل ماطلعت عليه الشمس محمد عليه افضل الصلوات واتم التسليم .. لا والمصيبه انهم لم يقاطعون ولازالت الدنمارك عايشه على خيرنا بترويج منتجاتها في بلدنا هذا .. وتناسوا ايضا ان اول فريق شن حمله على الدنمركيين هو نادي الهلال بارتداء قصمان تحمل الا رسول الله وكان كوزمين النصراني يرتدي الفالينه تأسيا بالفريق الهلالي ؟؟؟
- تدبير حادثة الاستراحه للكابتن ياسر القحطاني وسلخ جلده بكلام فاحش دون الاعتبار بانه مسلم سعودي استغلوها في مدرجاتهم واهازيجهم ياسر وينه في الاستراحه ؟؟ وايصالها للدول المجاوره كما حدث في الامارات!!
- الهلال المرتشي ونسيو مايفعلونه رؤسا انديتهم واعضاء شرفهم برصد مبالغ باهظه لايقاف الهلال عن الزحف للبطولات اما عن طريق ضعفاء النفوس في فريق الهلال نفسه او اعطائها كامكافات للفرق التي تقف للهلال ..
- الهلال والحكم نسيو الاخطاء التحكيميه الفادحه التي ضرت بالهلال منذو تاسيسه وضلو يطالبون بالحكام الاجانب حتى اكتشفوا ان الهلال لايهزم فحال تواجد الحكم الاجنبي ؟؟ والغريب ماحدث في هذا الموسم ان كابتن فريق الاصفر يامر الحكم بطرد لاعب هلالي خخخ
- الهلال ولجنه الانضباط .. نقل مباريات الهلال ومعاقبت لاعبينه في اي خطاء واجبارهم على الاعتذار كما حصل للفريدي الذي لُعنت والدته وعندما اشتكاء لجنة الانضباط قاموا بتغريمه واجباره على الاعتذار (ياعيني بس).. ومن الطامات التي حدثت هذا الموسم / سحب نقاط الهلال واعطائها لفريق الشعله وفوقها 3 اهداف ومعاقبة لاعب الهلال بايقاف شهرين والسبب لان الهلال لعب بسته لاعبين فوق 23 سنه ولائحة الاتحاد السعودي تنص على اشراك 5 لاعبين فوق 23 سنه دون حارس المرمى ؟؟ طيب وينكم عن النصر والاتحاد !!!
- رئيس نادي يشبهه الهلال باسرائيل وانه زعيق ويسخر من هرم الرياضه الامير سلطان بن فهد وفي الاخير يخرج لنا عبر الشاشات لكي يقولمو انا وبكل بساطه!! قال هذا واحد يقلد صوتي (ياقلبي بس مسكين والله) لا وبعد يرشحونه ليكون سفير النوايا الحسنه ( وربي مت ضحك )
- الطامه اللي جابت اجل الكثير!! الهلال السعودي هو نادي القرن الاسيوي.. يالله بغوا يموتون وقامو بشن الحرب والبحث عن تكذيب هذا الخبر لدرجه انهم ذهبوا الى بيت بلتر رئيس الفيفا يبغونه يقول ان الاتحاد الدولي للاحصاء غير معترف به لكن خيب املهم وارسال برقيه تهنأه لنادي الهلال
- هدف العابد اللي سجله في الثانيه (الثالثه) في مبارات الشعله ورفع الهلال لاتحاد الفيفا بأعتباره اسرع هدف في العالم لوضع العابد والهلال في موسوعة قنتس للارقام .. تدرون ان الالوان الصفراء مانامت الليل وسعت جاهده لالغاء
المباره وتحميل الهلال غرامات والغاء الهدف والمشكله ان الهلال في كاس فيصل الاول ومنافسه الشباب وهم بأصفرهم يقبعون في الترتيب الخامس بسته نقاط ؟؟
- الهلال سبب في مقاطعة الدوري السعودي لقناة ابو ظبي (ابو غبي) يعني جايبين اشخاص سعوديين متعصبين لانديتهم تعصب اعماء ويقولون لازم يشيلون رئيس الاتحاد السعودي يقصدون سلطان بن فهد طيب الاغبياء
هذول .. نسيوا انه تم تنصيبه رئيس رعاية الشباب بثقه ملكيه يعني مجلس الوزراء ..
وبعد كل ذا تطالبوننا بالوطنيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا عارف انكم مستغربين اول مره تشوفون الهلال يشتكي لانه في العاده الزعيم في العلالي لايلتفت للاقزام .. والحمد لله دايما متميزون في الحب والاخاء وترابطنا يدا بيدا وهذا يعود الى رجالات الهلال الاوفياء اللذين يعملون ولايمنون ويكافحون ويجتهدون وتركوا للغير انهم يحلمون!!!

وفي الختام . شكر خاص لموبايلي الشريك الرسمي لنادي القرن نادي الهلال السعودي:naughty:

دمتم جميعا بود