|
الصحف الكويتية تحتفل بلقب القرن وتنشر قصيدة لشاعرنا الشدوي الصحف الكويتيه تحتفل بنادي القرن (الهلال السعودي ) كما نشرة السياسية الكويتية قصيدة لشاعرنا الكبير سليمان الشدوي وهو من شعراء الزعيم اللي كان له كثير من القصائد من خلال مسيرة الهلال في البطولات وكان حاضر في كل مناسبة للهلال بقصيدة واليوم تنشر السياسة الكويتية قصيدة بعوان ( معك ياهلال المجد صوت الشباب ) http://up.damasgate.com/files/p3k5bqqev52pkro3rnr8.jpg معك ياهلال المجد صوت الشباب هذي مية عام مرت بالعدد والحساب وكل موسم للازرق يعتبر موسمه من يوم خط المؤسس صفحتين الكتاب وحروفه المبدعه تتوشح الاوسمه هذا خطابه وفعله في ثنايا الخطاب سطر اضاءات للتاريخ في معجمه من سيرة ابو مساعد بان وجه العقاب وفي نظرة ابن مساعد زانت الخاتمه ابيض يطرز امانينا بلون السحاب وازرق بلون البحر وامواج متلاطمه هلالنا مجدنا ولايجيه ارتياب واللي تكاثر علينا مجدنا يحلمه مثل الملك فعله مقدر وقوله مهاب له كلمةً واضحه ماهيب متلعثمه ابلغ من السيف واسرع من لعوج الشهاب واشد من غيرة الفارس على محزمه نادي يجيب البطوله في ذهاب واياب اصبح هو العاصمه في داخل العاصمه صناعةالمجد ماهي نزوةً وارتكاب صناعة المجد في صدر الزمن ملحمه لولا المطر مارتوى قلب العطش من سراب ولاتحوّم على وادي الظما حايمه ولولا الهلال السعودي والرجال الصلاب مافاخرت اسيا بدروبها المعتمه معك معك ياهلال المجد صوت الشباب يامنبع الفن والابداع ياملهمه وان كان راحت بطوله هي زكاة النصاب واللايمه ماعلى روادنا لايمه يانادي القرن والقرن انتهى بالحساب وانت ابتدا لك شعاع الماس من منجمه هذي تحياتنا لك ياعزيز الجناب لك ياشبيه الوفا والريح والمكرمه انثر تحايا تحاياها على كل باب ابواب تاريخنا اللي بالذهب محكمه لمؤسس الصرح في وقت الحجر والتراب ولاسم عبدالله رحام البشر يرحمه ولبندر اللي معه فال المحبين طاب بندر محمد كبير وحجته مفحمه ولسعود وسعود بن تركي يهد الصعاب راعي مبادي وطبع الطيب عنده سمه ومحمد اللي يوفي للسؤال الجواب اذا وقف للشدايد موقفه يحسمه وليوسف المبدع اللي بعده الفن شاب في سيرته كل فن بريشته يرسمه ولسامي اللي ولاعمره عن النورغاب سامي وسامي زبون اللحظه الحاسمه وصالح ومنصور والفارس ابد مايهاب وفيصل ونواف للتدريس والترجمه وللدعيع وخالد والنعم بالذياب وللشريده على جهده وماقدمه ولرموزنا الحاضرين ومثلها للغياب كلٍ باسمه وكلٍ ينحسب مقسمه ولكل مخلص كتب حرفه بكل انسياب ولكل عاشق بكى بالليله المظلمه وجوه واحداث دارت في صميم الكتاب والقائمه لو حكينا طالت القائمه صوب المنصات سيري ياخفاف الركاب لوزادت الانظمه لو جارت المحكمه والجاهل اللي تعداه الفكر والصواب شخبط بمرسم ولخبط وانكسر مرسمه ماضاقت الواسعه / من قول شر الدواب اخبارهم كاذبه / وافكارهم عايمه صاروا مثل من في الصحرا يلم السراب مايحسب الحق لاصحابه وهو يعلمه يانادي القرن جمهورك رقى بالسحاب من شجع الموج الازرق ترتفع اسهمه واللي سال عن مأثرنا فهذا الجواب هلالنا القرن كله يعتبر موسمه نشرة هذا اليوم الجمعة الموافق 25-11-1430 هـ بالسياسية الكويتية ويمكن مشاهدتها بقسم صدى القوافي |
لله درك ياهلال كل الالقاب يستاهل شاعرنا سليمان الشدوي يعطيك العافية ياغالي ع النقل |
كبير يالزعيم ومشكوووورين |
كفو ويستاهل الزعيم والشاعر المبدع سليمان الشدوي .. لا جديد سوا ان الزعيم ثابت والبقية متحركون .. لا هنت يا زعيم نقل اكثر من رااااااااااائع .. تحياتي |
لو بس يجيبووون بدر صفوووق يعلق عليها خخ |
لله درك ياهلال كل الالقاب يستاهل شاعرنا سليمان الشدوي يعطيك العافية ياغالي ع النقل |
لله درك ياهلال كل الالقاب يستاهل شاعرنا سليمان الشدوي يعطيك العافية ياغالي ع النقل |
شكرا للكويتين ويعطيهم العااااااافيه لاتعدمنا من جديدك |
\\ ليـس مستغـرب علـى نـادي القـرن هـذه الأشـادات فقبلهـم صحـف عالميـه .. ويستـاهل الزعيـم وشاعرنـا الشـدوي .. واللـه يوفـق الزعيــم ..! |
كبير يازعيم الانديه كبير ________________ |
يعطيك العاااااافيه اكثر من نـص الشعب الكويتي يشجع الهلاااااال معلوومه متأكد منها بحكم اني عشت في الكوويــت سنين |
كبير يالزعيييييييييييييمـــ عوآآآآفي |
مشكور لاهل الكويت ومشكور لشاعرنا البدع سليمان الشداوي ومشكور للي نزل الموضوع ولسامي اللي ولاعمره عن النورغاب سامي وسامي زبون اللحظه الحاسمه |
مشكور أخوي؛؛؛ ويستاهل شاعرنا؛؛؛ دمتم... |
صح لسان شاعرنا ولاهنت اخوي على النقل المميز وتحياتنا لشعب الكويت كامل |
| الوقت المعتمد في المنتدى بتوقيت جرينتش +3.
الوقت الان » 03:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd