مصر vs الجزائر .. المباراة الفاصلة .. التقديم والنقاش في الرد [ 731 ] .. شارك .. هايط .. ناقش .. واللي مايشتري يتفرج - صفحة رقم 76 - نادي الهلال السعودي - شبكة الزعيم

ابودحه الهلالي · #1126 19/11/2009, 02:17 AM

دامك مو قد التحدي .. قولّي طيب ليه تتحدى ؟!
يا رباااااااااااااه يا رجاااااااال ..
فعلوها الرجااااااااااااااال ..
ولا عزاء للأقباط ..
وقت الشدة مصر تختفي ..
وقت الشدة الجزائر تظهر ..
وينكم يا مصاريا ؟
ايوب .. ابو عزيز ..
حذرتكم والله حذرتكم ..
اجل لعيون فهد يبو عزيز ..
خل فهد يفييييييييدك ..
وين هياطك يا فهد

؟
وين بتشوف في السودان حقتك ؟
وين مصر المهارات ؟
وين مصر الي يجاري المنتخبات الاوربية ؟
يا ربااه ..
كنت اتمنى انكم معي في المقهى ..
تشوفون المصاريا وهم يخرجون ذليلين ..
تشوفونهم وهم الدموع في عيونهم ..
الجزائر تبكّي والله تبكّي ..
يا عيني عليك يا فوزي يا شاوشي ..
يا كبير ..
رب ضارة نافعه ..
كبييير يا حليش والله كبير ..
وين المصاريا وينهم ؟
وين الهياط وينه

؟

مدريدي - لا ماجيكو -مستر بدر - MHM - اليوفي وبس -
otaibi10 - Bed_live - BENZEMA10 - Black N White -
محب الذئب9 - hala madrid - انتعاش - القادم 14 -
ميلانيلو2099- زعـ(الجبيل)ـيم

والبقية والجميع ..
الف الف الف الف الف مليون مبروك ..
سعدان ( قلووووووووووب ) !

لي عوده للهياط للتحليل .. للتسكيت ..
لكن اول بشوف المباراة على رواقة ..
عشان نشوف المسخرة مره ثانية ..
عيب والله عيب ..
اجل مصر ما تقدر تمسك اللعب الا بليالله ..
اجل الجزائر اذا هاجمت مسكت اللعب واذا دافعت ما نشوف هجمات ..

لي عووودات كثيييرة عوافي عيال ..

Miho · #1127 19/11/2009, 02:23 AM

مبروووووووووووووك للجزائريين اللي هنا بس

قبل شوي باخبار الجزيرة مصري يقول الجزائريين يضربون المصريين الان في الخرطوم فسكته المقدم

خبر عاااااااجل

حافلة المنتخب المصري تتعرض لحادث سير بسيط قرب المطار

GLADIATOR__mx · #1128 19/11/2009, 02:25 AM

ههههههههههههههه الأهبل عمر أديب والتنح اللي جنبه ،، يقولون من يعرف يمكن ربنا اختار الهزيمة علشان ينجو 30 إلى 40 واحد من الموت ،، وين ياخوي عايشين في أسرائيل مهوب بلد عربي ،، ياخي تخلف مازالوا يعتبرون أنفسهم مهددين بالقتل والضرب والسلخ والتفجير والإرهاب ،، تراها جلده منفوخة ،، الجزائريين لم يملكوا الإعلام مثل المصريين لكن فرضوا أنفسهم في الساحة وهنا يبرز الكبار.

سلملي على بلد زيزو وبنزيمه

FLETCHER · #1129 19/11/2009, 02:39 AM

ٍسلااام

ازٌيكوو يا رقااله(قلب)

مبرووكــ للجزائر وياا لبى الجزائر شجٌعتهم اليوم

يا عيال اللي عندهـ اي مقطع من حلقة عمرو اديب حقت اليوميوتيوب اوغيرهـ
لا يبخل علينا فيها

أمـيـر · #1130 19/11/2009, 02:50 AM

مبروووووووووووووووووووك للجزائر .. والله يستاهلون..

...
ومصّر خله ينفعهم هـآيطهم..

...

ابودحه الهلالي · #1131 19/11/2009, 02:53 AM

فهد
ههههههههههههههههههههه ..
شفت ناس يصرفون كثييير ..
بس مثل هالتصريفة ما شفت ..
اجل متى الكورة تنصف الأفضل ؟!
بالله في كامل قواك العقلية يوم تقول هالكلام ..؟!
بالله شايف مصر الشوط الأول يوم تقول ذا الكلام ؟!
تحجير مٌتعة طقطقة لين جابوا القول ..
بعدين هدوا ولعبوها صح ..
سكروا المناطق الدفاعية واللعب ع الهجمة المرتدة ..
وذبحونا لعيبه مصر بالتكسير !!
فهد وين الي في السودان الي بيفوز الأقوى ؟!
وين الي ما يبي تصريف بعد المباراة !
ببساطة مصر بلا تحكيم لا تستطيع مجاراة الجزائر !
على حد قولك يا فهد ان هذا الجيل الذهبي لـ مصر

..
وان لاعبين الجزائر عاديين بالنسبة لـ مصر !
اهاااا يعني اللاعبين العاديين تغلبوا على الجيل الذهبي ..
اجل لو جا الجيل الذهبي للجزائر وش بيسوي

معليش فهد روح دوّر تصريفه غييير ..
يمكن نمشيها لك ولا شي ..
اما بذي التصريفة والله محد يسلك لك ابدد ..
اجل متى يفوز الاقوى ؟!

اذا صار اقوى برأي الناس الي ما اعماها التعصب مثلك

..
سعدان تغلب على شحاته بـ فلفسفة شحاته اصغر من انه يفهمها ..
ومشربتش من نيلها ..
ههههههههههههههههههههههه !
قايلك في المسنجر ان المنتخب الجزائري اقوى عناصرياً ..
قايلين لك ان مصر تغلبت بالخبرة والجماهير في استاد القاهرة ..
صرّف يا مصرّف بس

..
انا قايلك انك انت وماجد عبدالله آرآئكم وحده بس ما صدقتني

..

مشربتش من شلفتها ..
طيب جربت تتمشى في بليدتها ..
هههههههههههههههههههههههههه

..

وين المصريين الي طلعوا لنا 3 دقايق بعد مباراة استاد القاهرة ثم اختفوا ..

..
الحفلة اليوم على حسابي يا عيال ..
متكفل اجيب لكم ذيك المشجعة الجزائرية طيبة الذكر

..
مع تشكيلة من بعض الي جابوهم اليوم

..
سهرتنا الليلة صبّااااااااااااحي يا عيال

..

الوعد ساوث أفريكااااااااااا ..

وينهم ما شفناهم يسجدون اليوم ..
اخبرها شكر الله على كل حال ..
ولا الدعوه استعطاف واسترحام من الاقباط ..

ومشربتششش من شلفتهااااااااااااا هههههههههه

Madridi · #1132 19/11/2009, 02:56 AM

إقتباس


	حبايبي سليم وماجد اعلمكم ليه هجمات الجزائر رغم قلتها تكون خطيره ..؟ لان المنتخب المصري كله مندفع قدام طبيعي المرتدة بتكون خطيره خصوصا ان غزال يتمركز صح ورفيق صايفي يقطع المسافة في وقت سريع وزياني يمرر الكورة في المكان الصح هذي تحسب للجزائر انه يطبق المرتدة بشكل حلو لاكن ماذا لو جاب مصر التعادل هل الجزائريين بيعتمدون على المرتدة ولا بيقفلون لين تجي البلنتيات ..؟ انا ابي الجزائر يفرد لي عضلاته ابي اشوف تكتيكه الهجومي البحت ابيه يفوز 2-0 او 3-0 اما اني اسجل هدف وادافع طول المباراة واحتمال القم هدف ويحوس ام الدفاع وارجع اهاجم وينفتح الملعب ويمكن القم هدف ثاني وتطير مني المباراة .. مصر لو عندها لاعب مخلص اليوم كان هدفين قليلة بالشوط الثاني هجمة متعب اللي مررها له زيدان في بداية الشوط الثاني لو استغلها متعب صح بنشوف المباراة مفتوحة وزيدان ومتعب وابو تريكة يبون المباراة مفتوحة وبنشوف استهبال هجومي من ناحية المنتخب المصري . انا ماقول ان مصر قدم مباراة حلوه .. مصر رفع ظغطي في المباراة لاركنيات استغليناها صح ولا تسديدات من خارج 18 واللي قهرني زيادة ان المنتخب المصري يبي يخترق من النص غصب ياخي وش لون باخترق وقدامي 6 لاعبين مقفلين المنطقة صح يعني المصاريه لو عرفوا لها صاح كان اشتغلوا تسديدات وعرفوا كيف يتعاملون مع الركنيات . --- مبروك للجزائرين .. وان شاء الله فرنسا تتأهل عشان نشوف فرنسا A وفرنسا B

طيب انا كلامي واضح وصريح جدا وكعادتك تتهرب بنقاط بعيدة عن ما نتكلم عنه

ردي انك تقول الجزائر ما سوت شي سجلت وقفلت ومصر الأفضل طول اللقاء

مدري يا فهد انت تشوف مباراة احنا ما نشوفها والا ايش

الجزائر ماسكة الشوط الاول طول بعرض ما عدى فرصة ابو تريكة ومناوشات تنقطع من النص بواسطة منصوري و حسان يبدى ..

بمعنى ان الشوط الأول تقريبا بسيطرة جزائرة محكمة ، وكذلك بداية الشوط الثاني ، بعدها استلمت مصر زمام الامور وما صنعت خطورة الا في كورة متعب ، وكورة ثانية لما طلعها المدافع تعتبر هي الأبرز .

انت تقول مصر تسيدت [المباراة ]

هنا الكلمة اللي وقفنا عليها ، على فكرة لما كانت مصر مسيطرة ما كانت بنفس قوة الجزائر ، ابو تريكة اللي صجونا فيه طلع رمة مقابل كريم زياني

، ويالبى غزال يا ناس

اما نقطتك الاخيرة يوم تقول نمدح الحارس ، بصراحة دفاع الجزائر رمم كم من كورة يتفرجون فيها وهو يفك ازمة قبل تبدأ وكورة متعب بصراحة يستاهل الحارس المدح فيها .

ياحبيلك يازعيم · #1133 19/11/2009, 02:58 AM

مصــر مدري وين مشكلتها بعدم التأهل لكاس العالم !!!!!

يعني بطولات افريقا وتقريبا جميع البطولات شبه مستحوذه عليها الاكاس العالم مايتأهلون له وش القصصصه !!

شــي يقهر

ان شاء الله الوعــد بعد 4 سنين

David Naif · #1134 19/11/2009, 03:02 AM

..
....
..

هآردلك للمصرين

ومبروك للجزائرين

مع احترامي للجزائر بس مصر كانت افضل منهآ بكثير وهي اللي داخله من اول المباراة
تبي تفوز , وناويه على كأس عالم ,!!
مصر كانت الاقوى والافضل في المباراة في جميع اشوآطهآ مع تكتل دفآآعي للجزائريين
وتسكير المناطق , وهذا مع كل تقديري للجزائر ما تسويهآ الا فرق ضعيفة جدآآ

منتخب الجزائر خواف حييل حيييل , قدام منتخب مصر يلعب دفاعيــآآآ وشلون يبي
يلعب بكآس عالم

وغير كذآآ مع احترامي بعد للي يمدحون سعيدان

انه كويس ما اشوف انه كويس اليوم
ابدآ ما شفنا بالمباراة لا تكتيك ولا اي شي , بس العبوآ كلكم دفآآع وبس

اعتقد شحاته اخطآ خطآ كبير يوم اخرج عمرو زكي لان هو لعبه على الاطراف ويعتمد
على الاوفرات ومافي احد من مهاجمين مصر يقاتل الجزائريين بالكرات العرضية الا
عمرو وجسمه ينفعه حييل , ومتعب ما يقدر ينفعه بالكرات العرضية

مصر كانت الافضل وعلى قولة فهد متي يفوز الافضل

الفريان هذا يا خبة للكاميرآآآ , ووهالادمي ما يتعب من كثر السفريات

لو انا بداله افتح قنآآة وارزرز وجهي بهآآ 24 ساعه وارتاح من العذاب

Valdano · #1135 19/11/2009, 03:07 AM

^

انا ماقللت من مستوى الجزائر على فكرة قلت لعبوا على حسب امكانياتهم المحدوده وحصلوا على مبتغاهم لاكن المفترض في مباراة مثل هذي انهم يجارون مصر وتكون هجمه هنا وهجمه هنا موب مصر تكون لها الغلبه من ناحية امتلاك الكورة يعني مصر فارض تكتيكه على الجزائر اللي مسلم نصف الملعب لـ مصر اللي لو فيه حسن استغلال من المهاجمين كان انفتحت المباراة . لازلت عن رأيي الجزائر ماكان ذاك المنتخب القوي اللي قدم مباراة روعة . قدم مباراة جيدة وطلع بهدف وحيد وهذا هو المطلوب واللي أهلهم لاكن شف بختصرها لك انت وابو دحة

المباراة سيئه من الجانبين كان فيه امتلاك كورة من غير فايدة لـ مصر .. وكان فيه تخوف وتقفيل منطقة من الجزائر .. ولو كل منتخب لعب بـ اوراقة كان شفنا مباراة حلوه ..

قفلة لمشجعين منتخب مصر معي هنا :-

يارخوم ماغير انا لحالي وقدامي سليم وابو دحة وماجد وياعالم من بينقز لي بعد شوي

بليز هيلب { يعني ساعدوني عليهم

}

Q.Abdullah · #1136 19/11/2009, 03:10 AM

الف الف مبرووك لـ
منتخب الجزائر يستاهلون
خير من يمثل العرب في جنوب افريقيا

تحياتي

Madridi · #1137 19/11/2009, 03:14 AM

إقتباس


	انا ماقللت من مستوى الجزائر على فكرة قلت لعبوا على حسب امكانياتهم المحدوده وحصلوا على مبتغاهم لاكن المفترض في مباراة مثل هذي انهم يجارون مصر وتكون هجمه هنا وهجمه هنا موب مصر تكون لها الغلبه من ناحية امتلاك الكورة يعني مصر فارض تكتيكه على الجزائر اللي مسلم نصف الملعب لـ مصر اللي لو فيه حسن استغلال من المهاجمين كان انفتحت المباراة .

ولا زال فهد يثبت انه يشوف مباراة غير اللي شفناها

انت تقول مصر فرضت سيطرتها على ( المباراة ) ان كنت تؤمن بهالمقولة وليست رأي قابل للتغير مع الحقيقة علمني اكمل نقاش اما غيره علمني اوقف

لأنه اما انك تشوف مباراة غير اللي نشوفها

او انك متعصب اعمى يبي يفرض رايه غصب

هلالـ9ـي · #1138 19/11/2009, 03:15 AM

آلف آلف آلف مبروك للجزآئريين آلفوز المستحق من جد صقووور خضرر قول وفعل هذي الخطط المدروسه ولآ بلآش يآسلطآن الرياضه ..

لآعب الجزآئر آلصايفي بعد المبارات قآل كلمه حلووه للقنآه الجزيرة الرياضية حنآ مسلمين مو منآفقين << دقه قويه بـ آلمصاريآ ,,

وبعدين آلله يلعن ابليس العدو وش يحس فيه آلفريآن مرتز بالملعب يلآحق الكآميرآ .. << يآ وآد يآ صايع

الأمبراطور · #1139 19/11/2009, 03:16 AM

يالبييييييييييييييييييييييييييييه يالجزائر

يستآهلون تمثلـنآ في كأس العآلم

ومبروك للجزآئريين وأولهم حفيظ درررّآجي

مبروك الجزائر

هارد لك مصر اخويانا

ҜђâŁЗđ 88 · #1140 19/11/2009, 03:16 AM

..
.
.

السلام عليكم

..
مبروك للجزائر وهآردلك لـ مصر !!
مباراه ماكانت بـ المستوى { الفني } المطلوب , لكن كانت تكتيكيه بحته وامتعتني صراحه ..
فريقين كبار كلهم جاهزين والدليل { المباراه الفاصله } !!
مافي شي اسمه مباراه فاصله الا لما يكون الفريقين متعادلين بـ كل شي !!

بـ إعتقادي ان الفائز في المباراه الفاصله مهما كان الاسم هو الي يستحق استحقاق كااامل انه يتواجد في كاس العالم ..
بغض النظر عن الفريق الثاني والله لعيّب ولا ادى مستوى او يستاهل !
كلهم يستاهلون لكن المشكله ان لآبد يتأهل فريق { واحد } !

/

كل واحد له رأيه الحر فيه مهما كان خاطئ او متعصب مدامه بعيد عن الاطار الديني !
بس اشوف بعض الشباب تنهي عن شي وهي تسويه

..
لا تتعصب وهو اكبر واحد متعصب

..

\

نقطه اخيره اتمنى توضحولي اياها كـ { تاريخ } !
المصريين { الاقباط } !!
فسرولي اياها او وضحولي اياها وهل هي صحيحه ولا لا ؟!

احتفظ بـ رأي في هـ الموضوع البعيد جداً عن محور المباراه !
لكن اتمنى الرد ولو كـ جزئيه بسيطه عن اي رد !

/

تعديل على الرد

:

إقتباس


	يارخوم ماغير انا لحالي وقدامي سليم وابو دحة وماجد وياعالم من بينقز لي بعد شوي بليز هيلب { يعني ساعدوني عليهم }

بنقز معك مع اني ماني مشجع مصري

, بس حنيت عليك

..
واسمحلي اوضح وجهة نظرك الي اشوفها سليمه للأخ سليم على ما اعتقد الي هو Madridi :

بـ النسبه لي انا اشوفه شاف المباراه الي انتوا شفتوها

, وانك انت الي تفرض رأيك ولا الرجال ماقال شي

..
يعني الا تبي تفهمه وتقنعه بـ الي تقوله

..

بـ نسبه لكلام الاخ انا اشوفه سليم إلا في نقطه وحده الا هي ان الجزائرين لعبوا وفق امكانياتهم المحدوده والمفروض يجارون مصر !!
هذي النقطه الوحيده الي اشوفها خاطئه لأن في هـ المباريات ينطبق عليها المقوله الي تقول { الي تكسبوا العبوا

} ..
بـ العكس الجزائر لعبت مباراه بـ تركيززز عااالي ومميزز , ونظام ياتفوز بـ جداره واستحقاق وبـ الثلاثه هذي ما اشوفها الا ببرشلونه

<_ بما انكم مدريدين على ما اعتقد

..
لكن التكتيك الدفاعي مطلب مهم ومهم جداً , واذا كنت تتقنه الا والله العب فيه وافوز !

اما بـ النسبه لـ تسيد مصر للمباراه انا اشوفها كذلك , الاستحواذ والسيطره مصريه { بعد الهدف الجزائري } , والجزائر نامت على الهدف ولا جارت مصر السرعه بـ العكس موتت العب بشكل عجيييب !
لكن الكلام هل السيطره المصريه فادت ؟ لأ ما فادتهم بـ شي !
هل تهدئه رتم المباراه وامتصاص حماس المصرين فاد الجزائرين ؟ نعم , و بـ قووه !

فقط

..

.
.
..