مصر vs الجزائر .. المباراة الفاصلة .. التقديم والنقاش في الرد [ 731 ] .. شارك .. هايط .. ناقش .. واللي مايشتري يتفرج - نادي الهلال السعودي - شبكة الزعيم

R D H · #11 15/11/2009, 01:55 AM

تدرون وش اللي يخلي الواحد يتعاطف مع منتخب مصر ؟!

لأنه يشوف ( المشجع المصري ) رغم الظروف اللي يعانيها .. ورغم صعوبات الحياه اللي يواجهها .. يروح ويشجع منتخب بلده مهما كان..

كلنا نعرف الحكومة المصريه .. وكيف لاعبه بأم الشعب لعب ..ومع ذلك .. يبقى حب المواطن لبلده فوق كل شي ..

لأنه لما يشجع المنتخب . يكون شجع بلده .. بعيداً عن الحكومه ..

مب مثلك يا أبو دحه ..

بسبب حقدك على سلطان بن فهد .. صرت ( إماراتي ) و ( إبراني ) و (كوري شمالي ) ثم ( بحريني ) في غضون أشهر !

كل هذا ضد بلدك السعوديه .. ماتبيها تتأهل ..

والسبب هو حقدك على سلطان بن فهد ..

وكأن منتخب السعوديه لما يتأهل رح يمثل سلطان بن فهد ..

غلط . .المنتخب يمثل السعوديه كلها ..

تعلم من المواطن المصري .. رغم كل البهدله اللي متبهدلينها .. حياة صعبه ورواتب ( أبو كلب

) .. وكره للحكومة .. ومع ذلك يعشقون المنتخب ..

لأن المنتخب يمثل وطنه .. قبل لا يمثل الحكومه ..

وما قال :ابي المنتخب ينهزم علشان حسني مبارك ينقهر ..

هي البلد . حقت حسني مبارك بحاله ؟

البلد بلدهم كلهم .. تمثلهم كلهم ..

الفرق بين المواطن المصري . وبينك أنت يا عبدالرحمن !

أن المواطن المصري . يحب منتخب بلده ..

أما أنت .. تشجع منتخب بلدك فقط ..

بدليل أول ما حقدت أنت على سلطان بن فهد . ماعدت تشجع منتخب بلدك وقلبت عليه.

عرفت الفرق الحين يابو الشباب..

هذه نقطه ..

النقطه الثانيه أن المنتخب يمتلك روووح مرعبه .. بغض النظر عن المستوى .. لكن فيه روح .. ومثل هالمباريات يبيلها روح والله .

المنتخب المصري .. أسلوب لعبه ماعجبني كثير .. طريقته عجيبه .. كراتهم العاليه .. طوليه وليست عرضيه .. وبكذا سهله على الدفاع الجزائري انه يغطيها .

أكثر ماقهرني أن المنتخب المصري اسلوب لعبه واحد .. مافكر يسدد من خارج المنطقه ..

لكن أعذرهم لأن حسني عبدربه مش موجود ..

إن شاء الله المتش الجاي يحاولوا يجربوا التسديد .. خاصة حسني .

أكثر لاعب عجبني بصراحه .. المحمدي .. يهاجم ويدافع ويسحب .. بصراحه رجل المتش ..

أنا ثقتي أكبر بمنتخب مصر .. عالأقل بعد الشكل اللي ظهرت به قدام البرازيل وايطاليا بالقارات .. عندي أمل أنها بتتأهل وبتقدم شي كبير ..

كل الشكر للمتفاعلين مع الموضوع .. موضوع ممتع حقيقه وتعليقات حلوه ..

وأخص بالشكر هنا أبو داحم القائم على الموضوع .. والله يهديه بس ويصير مصري

عبدالرحمن اهدي لك أغنية : أصلووو ما عداااش على مصر

دمتم بأجمل حال

ابراهيم