|
صدمة كبيرة بعد ماشفت الفرق بين الفريق الأول الهلالي ومابين الفريق الهلالي الأولمبي !!! مصيبة ستكلف الهلال الكثيرر وتستوجب تدخل سريع من الإدارة صباح الخير . كيف حالكم يازعماء عساكم طيبين . وأنا أتصفح جدول الفريق الهلال كان للفريق الأول أو الأولمبي لاحظت شي غريب ويستاهل التوقف عنده وهي الكروت الصفراء مابين الأول والأولمبي ولقيت المفاجأة الغريبة اللي حاصلة والفرق الكبير مابين الاعب السعودي المحترف والاعب الأولمبي الصغير . . لاحظت أن الفريق الأول بعد لعبه ثمان جولات في دوري زين للمحترفين تحصل الفريق على 14 كرت أصفر وهذا رقم كبير بالنسبة للاعبين محترفين . والمفاجئة اللي شفتها بالنسبه للاعبي الأولمبي أنهم لعبو ست جولات في كأس الأمير فيصل بن فهد ولا أي لاعب هلالي تحصل على كرت أصفر والشخص الوحيد اللي أخذ كرت هو عبدالعزيز الدوسري بتحصله على كرت أحمر وألغوه . . هذه فعلآ مصيبة أن الاعب الصغير الأولمبي عنده وعي أكبر من الاعب المحترف بخصوص الكروت وأنهم يلعبون بذكاء ويحاول قد ما يقدر ما يتحصل على كرت . بعكس الاعب الهلالي المحترف اللي بكل صراحة يتحصلون على كروت مالها أي فايدة وهذه تسبب مشكلة كبيرة بالفريق وهذا الموضوع لازم إدارة الهلال تشوف وضعه وتاخذ موقف قوي عشان الاعب المحترف يلعب بعقل أكثر بدون تحصله على كروت بسبب تهور ماله أي مبرر . بداية بنخسر خدمات أهم لاعب بالدفاع اللي هو أسامه هوساوي في المباراة القادمه أمام الإتفاق بسبب حصوله على ثلاث كروت , وماجد المرشدي مهدد بالإيقاف وعليه كرتين , ورادوي مهدد بالإيقاف بسبب كرتين , ووليهامسون مهدد بالإيقاف وعليه كرتين . . بصراحة صدمة كبيرة لما أشوف الاعبين المحترفين عندهم 14 كرت أصفر والاعبين الأولمبيين ماعندهم ولا أي كرت ولكم التعليق يازعماء . . . . |
شكرا للايضاح الدوري قوي وفيه تدخلات قويه اتمنى من سام 6 الانتباه لهذه النقطه |
لا ياخوي , فيه لعيبه مآخذين كروت من الأولمبي من مباراة الشعله : بطاقات صفراء للاعبي الهلال : محمد نامي - عبدالله الدوسري - حسن العتيبي من مباراة النصر : بطاقات صفراء للاعبي الهلال : شافي الدوسري - عبدالعزيز الدوسري بطاقتين من مباراة الرياض : بطاقات صفراء للاعب الهلال : سلمان الفرج من مباراة الشعله (ذهاب) : بطاقات صفراء للاعب الهلال : شافي الدوسري وباقي المباريات ما رجعت لها ....!!!!! ما ادري كلامك من وين جايبه ؟ |
خلصنا من كحيلان جينا لـ كروت لووول اللي بعدووو هع هع |
بالنسيه لهوساوي هو اخذ الكرت الثالث و كان متعمد و بعد اقناع المدرب قريتس و بيتوقف قدام الاتفاق عشان يلعب قدام الشباب و الاتحاد و ما تصير عنده كروت و انا من ناحيتي اوافق هوساوي على قراره لان مباراة الشباب و الاتحاد تعتبر هي الاهم في الدوري كله مع التحيه :) |
لابد من الكروت خاصة في دوري زين لقوة المنافسه على أصعدة المحترفين اما بالنسبه للأولمبين فأشكرهم جميعا على تطبيق الأحترافيه بحذفيرها حتى وان هم غبر محترفين شكرا لك و تقبل مروري |
يا غالي فيه كروت .. تكون احترافيه تستحق كرت اصفر خلال مجريات المباراة مثل الكرت الثالث لهوساوي هو متعمد حتى ما يكون اللاعب مهدد بالايقاف في اخر جولتين من الدور الاول ومبارياته مع المنافسين فعلا كروت رادوي دائماً هي احترافيه بمعنى اعاقة هجمة مرتدة في مناطق مبكرة بملعب الخصم وغالبا يكون فريقنا وقتها مندفع ويكون فيه مساحات كبيرة من ملعبنا فاضية ممكن يستغلها المنافس احيانا تكون الكروت ضرورية ان كانت تكتيكية بحتة ما تضر منافسك وتصبب له اصابة وتحرص على ان تمنعه من استثمار هجمة مرتدة قد تكون واعدة من غير اي ضرر بدني يلحق به .. وهذه يتقنها رادوي وتعتبر ميزة في اللاعب |
ماهي مشكلة الكروت الكل ياخذها لكن المشكلة لو لعب لاعب في مباراة وعليه ثلاثة كروت الله يستر لازم الاداراة تركز على هالشي |
ملاحظة في محلها مع اعتقادي ان دوري المحترفين أقوى وهذا يستوجب اللعب القوي |
حسن العتيبي اخذ كرت امام الشعله والكروت مشكلة هذا العام في الهلال !!!!!! الله يستر من حصول المرشدي ويلي ع كروت في المباريات القادمه نتمنى ان يحذروا |
مشكله كبيره بس الدوري وقوته هي ورآء الكروت |
يعطيك العافية على الحرص على مصلحة الهلال لاكن لاتبالغ بوصف الامر بالمصيبة فالكروت امر ضروري بكرة القدم ويحدث في كل الفرق وبيني وبينك من الاشياء الي تحلي الدوري انك في كل مباراة تنقص واحد وتجرب الصف الثاني لفريقك واكيد الفريق الخصم بيكون عنده لاعب موقف |
وازيد على كلامك .. ربما انهم لايعطون فرصه للخصم بماهاجمتهم ... فالذي لاحضتها ان الفريق الأولمبي اقوى اصرارعلى الفوز وشخصيةفي الملعب من الفريق الأول الذي توجد به طبيعة التردد .. وهذا طبعا بسبب دخلاء النادي ومن تأثير باكيتا عليهم لان من نشأ في المدرسة الهلاليية وترعرع فيها نجد فيه طبيعة الفريق الواثق المصر على الفوز ..المس واستشعر ذلك من لعب .. العابد ،، ومازن الفرج ،، ع الدوسري ،، راقي فلاته ،، قمه في الحماس والرغبه في الفوز .. فأنا لا اخالف ماقلته اخوي هلالي مرعب لكني ااكد على صحة اضافتي بنسبة جيده جدا ... |
معليش بس انا اقول ماعندك علم الفريق الاولمبي حاصل على مايقل عن 10 كروت واتحداك ,, بس تبغون تكتبون مواضيع بدون اي معلومه رسميه والله غريبه المشكله مدري كيف المشرف سمح يعني معقوله ماكان يشوف مباريات الاولمبي ولا يعرف ان فيه احد اخذ كروت ولا لا .. ؟ |
بينوا لك الشباب الكروت الصفراء في كاس فيصل .. ومباريات الدوري تختلف عن مباريات كاس |
| الوقت المعتمد في المنتدى بتوقيت جرينتش +3.
الوقت الان » 10:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd