مرحبا دلع مرحبا ابوييه

إقتباس ايهم تفضل .. لبش الغترة والعقال .. وله السفرة .. وله انك اتحطها ع راسك بدون شي ..؟؟

وش دعوه نلبس سفرة ممكن توضحين لنا وش هي السفرة ؟

لأن السفرة عندنا يعني سفرة الأكل

ومثل ماقال اخونا الصخرة الثوووب السعودي مايجي مخصر إلا

اللي يروح للخياط ويقوول ابوييه خصر لي الثوب فـ يعني يجي

حسب طلب ورغبة الواحد.. بالنسبة لي فأنا أفضل الثوب الكويتي بالمقام الأول

يعجبني بساطته ومرييييح .. والثوب القطري مايعجبني أحسه يابس وقابل

للكسر والثوب الأماراتي والعماني متشابهه فمنتشر بشكل كبيييييير

بين الناس وخاصة فئات صغار السن والثوب البحريني اعتقد إنه قريب

للثوب السعووودي نوعاً ما .. لكن أولاً وأخيراً لاغنى لنا عن الثوب السعودي



دلع شكراً لك

تو مانور المنتدى برجعتك دلع


بالنسبه لـ موضوعك مفروض تقسمي الثوب السعودي لـ قسمين

الثوب السعودي العادي

والثوب الجداوي او الحجازي بشكل عام

صراحه انا تعجبني { بعض } الثياب الجداويه لان تكون فيها اشياء حلوه وتجذب

وفي { بعض } منها تحس انك مو لا بس ثوب لا بس قله ادب

والله يعافيك على هيك موضوع خفيف وحلو

.
.






احلى شي صورة هالأطخم اللي تحت

بصرآحه بغض النظر اذا كآن الثوب سعودي او ايمآراتي او قطري او غيره
حلو أن الثوب يكون وفق العآدآت والقآليد في كل بلد ونوعيه تقآليدهم
يعني اممم حتى لو انه يدخلون عليه اشيآء جمآليه مآكآنت موجوده اول
من لون القمآش او شكله , بدون تشبه بالنسآء
نشوف الحين الكندورات اللي مخصر واللي مدري كيف صآير
صآر فستان مو كندوره

يعني لو زوجي مآحبه يكون لآبس هالأشيآء

أمآ الشمآغ تعددت المآركآت لكن جفنشي ودنهل هم المفضلين لعيوني

يعطيك العآفيه دلع على هالموضوع الحلو

.
.

قالوا

مزمار الحي لايطرب

بالاناقه القطري ...

//

اخبر لبست فتره الثوب الاماراتي " الخشخاش "

بسبب عصا خيزران شريته من الجنادريه

ومن الحماس كملت جميلي ...

حتى تعلمت على طريقه لبس الشماغ بالطريقه الحمدانيه ..

وطريقه حلاقه الذقن برقم 1 ( ديرتي) لهم طريقه مميزه تكون

بطريقه مقوسه من اسفل الذقن مثل

مقدم شاعر المليون بالنسخه قبل الماضيه ...


’،

يعجبني سراحه باللبس الاماراتي انه وسييييييييع بزياده ..

وله حبل بالصدر "دلدوله " << مادري وش تسموها

حياكـ, شيخه نورتي الحته
دوختيني بالمقدمه ضحك2

إقتباس - شو أكشخ كندورة \ ثوب عندكم ..؟؟ ( طبعا من دول الخليج بس ) لحد يقولي الشال الموريتاني

أنا عاجبني السعودي بغض النظر عن إني سعودي ^_^

إقتباس - ايهم تفضل .. لبش الغترة والعقال .. وله السفرة .. وله انك اتحطها ع راسك بدون شي ..؟؟ >>>>>>> وصلت المعلومة ؟

إقتباس

أفضّل لبس الغترة والعقال ,

كالعادة مواضيع متميزهـ,

تقديري

^
^
ابو طلال اضحك الله سنك ياغلام

إقتباس الرسالة الأصلية كتبت بواسطة مواصل من عام 1413هـ ألحين الكندوره - هي الثوب وربي راح بالي ( للكندره ) يا دلع اللي يلبس ثيابكم ما يحتاج يشتري معاليق بالبيت الرجال يفصخ الثوب ويوقفه - أو يسنده على الجدار

هههههههههههههفقعت ضحك وربي انك صادق

وانا بعد احسب الكندوره الجزمه قلت مشاءالله يدلعونها اهل الامارات من عمرهم يقولون انهم اهل سنع


السراحه الثوب الاماراتي مايليق الا على اهل الامارات الحلوين بس

اما يجيك واحد ماخذ الجنسيه الاماراتيه قسم بالله يطله زباله


بس غير السعودي مانبي

هلا والله بالجميع .. حضوركم اسعدني ..

في البداية حبيت اوضح بعض الاشياء ..

الكندورة = الثوب ومب مثل ما قالو بعض الناس
السفرة = هي الغترة , الحمدانية
الطربوشه = مالت الكندورة الاماراتية .. اللي يدام ..

والمعلومة اللي عندنا .. يا صخره .. انه الثوب السعودي .. بشكل عام مخصر ..
ما عرفت انه عندكم نوعين ..

\


\

نرجع لردود الاعضاء ..


هلالي كايدهم
ها بك زوود يا هلالي

انا مثلك احب الثوب السعودي .. بشكل غير معقوووول

وش دعوة اخوية .. هههههههـ
الساعه اتضيق بك .. خخخخـ

حيك الله .. ومرحبااا بك زووود .. ^_^




::

BEST_01


نتريا ردك ..


::

متابعه بصمت

حياج الله ..

ردج اللي حركااات

انا احب الاماراتي .. بكل حالاته .. لكن السعودي يعجبني اكثثر ..
اتحسين اللي لابسنه واااحد مليونير قسم خخخخخخـ

مرحبا بج .. والله يعافيج


::


هتلــــ الزعيم ــــر


يا مرحبااا الساااع .. حياك الله قد ما رحت وييت ..
اسمها الكندورة عندنااا .. ما نسميها ثوب .. الثوب احنه انسميه مال الحريم .. اللي ينعشن في الحفلات
انا ما كتبت سوالفنا .. كتبت عشان بس ابداا في الموضوع اللي ما ادري شو يبي ..
كندورتنااا ما تييب الحكة .. لانها وسيعه شوي ..
هو يقصد انها مب خفيفة القطعه .. يعني الخامه قوية حتى لو فصخت الكندورة .. اتم واقفه خخخـ

اونه يا بو الماركااات .. حركااات ..

تعال شو معنى زبيريات ؟؟ دوختوووبي ما فهمتهااا ..

بعدين السفرة هي الحمدانية او العصمة .. نحنا انسميها السفرة الاماراتية ..

ههههههههههـ

العفوو يا يا هتلر .. واسعدني تواجدك .. ^_^


يتبع ..

إقتباس الرسالة الأصلية كتبت بواسطة مواصل من عام 1413هـ ألحين الكندوره - هي الثوب وربي راح بالي ( للكندره )

انا مثلك ياخي .. بس خل عنك المصطلح مبطي ما سمعته مع انه كان شائع بالذات عندنا .. شد حيلك يا عريس الليلة ليلتك

بالنسبة لي ثوب سعودي وان حصل كويتي بس .. الثوب الاماراتي بصراحة عندنا زي ثوب النوم .. يعني مو للكشخة .. استراحة .. طلعة بر صيفية .. طبعاً لانه مريح اكثر وفضفضاض

أهلين دلع ..

مع إن الموضوع رجالي 100% ,, لكن ودي أرد ..

رأيي إن اللبس السعودي و بعده الكويتي .. أفضل شي ..

و بس ,,