الشلهوب اسر القلوب وقصته مع الهلال!!!!!
 

السلام عليكم ورحمة الله وبركاته

محمد الشلهوب الذي اعاد لنا موهبة يوسف الثنيان وصناعته للعب وتمريرات ذكيه ويمتلك ماشالله ذكاء هايل داخل الملعب
عندما تتكلم عن الشلهوب تقف احتراما لهذا النجم الذي صبر وتحمل الانتقادات ومرت عليه ظروف الكل يعلمها وتحمل كل شي فدوه لعيون الهلال والله لايحرمنا منك ياشلهوب
انا شخصيا كنت ارتاح اذا لعب محمد الشلهوب لانه باختصار يطربني ويوصل كور للمهاجمين يعني انت والحارس وضميرك ..
الكل او البعض من جماهير الهلال كانت قاسيه عليك ياشلهوب انتقدوك بشده لانهم يردون لك الافضل والبعض انتقدك لانه يعتقد انك خلاص انتهيت وسرعان مارديت عليهم ياشلهوب مع كوزمين لم يعطك الفرصه الكافيه ولكن مه غيرتس اعطاك الفرصه والثقه وكنت اهل الثقه فعدت الى شلهوب الامتاع والهداف فكم مشتاق جمهور الهلال الى محمد الشلهوب همسات الشلهوب اهداف الشلهوب وخاصه الفاولات والله زمان ياشلهوب مشفنا قول منك من فاول نبي قول من فاول مع الاتفاق باذن الله

جماهير الهلال الشلهوب هو الان بحاجتكم لاننا ظلمناه او البعض ظلم محمد وكان يعتقد ان محمد انتهى وعليه الان ان يعتذر للشلهوب فهو محتاجنا فتكفون الله بالحظور والتصيق لشلهوب لكي نعطيه حماس اكثر وتأليف اهزوجه خاصه للشلهوب فوالله اننا مشتاقين لك وانت مشتاق لنا فنريد منك الاستمرار على مستواك الجميل والمبهر والله يوفقك ياشلهوب انت وزملائك باذن الله ....
وفالكم البطولات ودعواتكم لهم بالتوفيق والبطولات ولاسويه خاصه

اسف على الاطاله وهذا قليل والشلهوب يحتاج الكثير وانتظروني سوف اكتب موضوع قادم كثير جدا عن الشلهوب فهذي مقدمه او على قولتهم مقبلات :s2::s2::s2:

الشلهوب ماشاء الله عليه الله لايضره لاعب يحترم شعار النادي اللي يردتديه
الله يكفيه شر الاصابات ويحافظ على مستواه بهذا الشكل الرائع

امين من جد الله يكفيه شر الاصابات
شاكر لمرورك

هلابك اخوي فعلا مانلومك لا احنى بعد حبيناه والي يحب الشلهوب صعب ينساه او يتركه لانه هو الش تعشقه عيوننا
شاكر لمرورك

الشلهوب لاعب كبير وانا متئكد ان سبب نزول مستواه هو كوزمين وطريقته الدفاعية

والله يوفق ابو حميد ويسهل امرة

وأنشاء الله ينفرد بصدارة الهدافين

لكي تكون اهانه للبقية

هههههههههههه

الشلهوب ماشاء الله عليه الله لايضره لاعب يحترم شعار النادي اللي يردتديه
الله يكفيه شر الاصابات ويحافظ على مستواه بهذا الشكل الرائع

هلابك اخوي وشاكر لمرورك وفعلا طريقة كوزمين هي الي قتلت الشلهوب
ولكن من تقصد ((بأهانة البقيه))

اي والله بس اهم شي رجع شلهوبنا لمستواه


لاتحرمنا من جديدك

نفس الشئ عطو فرصه لياسر وان شاء الله راح يرجع لمستواه وشكرا

هلابك اخوي وشاكر لمرورك وفعلا ياسر راجع لمستواه ويحتاج فقط للثقه من الجمهور ونيفيز ايضا وويلي وجميع الاعبين واهم الاعبين الي فعلا يحتاج دعمنا هو خالد عزيز نعم خالد اخطأ والانسان يخطي ولكن العيب الاستمرار بالخطأ وابو عزيز اعترف بخطأه وهو الان سيعود لتمثيل الزعيم ويحتاج منكم الوقفه
والله يوفق الزعيم ورجاله باذن الله

الشلهوب من يومه موهوب
ــــــــــــــــــــــــــــــــــــــ

مااقول ياالله تحمي الشلهوب وشكرن

ما اقول الا يالله توفق الشلهوب وتيسردربه