08/11/2009, 05:52 PM
|
| زعيــم مميــز | | تاريخ التسجيل: 30/09/2005 المكان: أمريكا_ ولاية بقالة شكور ض1
مشاركات: 20,922
| |
في طريق العليا لقيت ( ... ) وتواجهنا مع جيريتس في بيته وقال ( ..... )
السلام عليكم
البارحة كنت في طريق العليا وكانت الساعة تقريباً 11 في الليل او 6 الصباح مادري بالضبط بس كانت قواي العقلية سليمة والله يشهد على كلامي .. المهم اني اتمشى في طريق العليا ومير الله يسلمكم ويخليكم لعييلكم واللي ماعنده عييلكم الله يرزقه بعيال ( طبعاً من فئة العضماء ) ومير القى رجالن طويلن وسريعن وكل شين فيه زين اي بالله قلت له ياوجه الخير وش رايك انت تعرف تلعب كورة قال اي يالله ياولد الاجواد وانا من عرب الشيخ عدنان ومعروف عنا الحركات الزينة قلت وش مركزك عشان نوديك للنادي قال مهاجم ومير انا اجي واخمه واحطه في الموتر واطلع فيه لبيت المدرب جريتس ,, قلت ياجيرتس علي الطلاق ان تلعبه مهاجم مكان اي واحد المهم ابيه يلعب لاني شفته بطريق العليا واكيد انه يعرف يلعب مادامه يمشي بطريق العليا .!! قال يابن الحلال انت غالي وماودي ارد لك طلب قلت له ياجيرتس حطه اساسي وقل تم طالعني ونزل راسه وقال تم تم تم .. وبأول مباراة راح تشوفنه اساسي مكان اي واحد لو الدعيع المهم انه يلعب وطقاق بالتنظيم والف طقاق بالتجانس ومليون ابو الف طقاق برأي مدرب 16 الف قرن يدرب بأوربا وثمنطعش مليون طقاق برأي المدرب له خبرته و90 طقاق بشي اسمه معدل تهديفي ممتاز المهم انا مشجع للهلال واحط واشيل اللي ابي صحيح انا ماأحضر مبارياته لكن لي حرية الرأي وصحيح اني مادافع عن الهلال لكن انا لي حرية رأي وصحيح اني اغيب وقت البطولات ووقت الشدايد اذا احتاجني الهلال لكن انا لي حرية الرأي ومو مشكلة اذا الهلال يمشي بطريق صحيح والكل يشيد فيه المهم انا اقول رأيي وانا حر فيه وماهو مهم ان الفريق بوسط الموسم وممكن رأيي يسبب مشاكل لكن المهم اني اقوله بوسط موسم بآخره بأوله مايهمني وحتى لو مافيه فترة تسجيل ابي اطالب بمهاجم دام لي حرية رأي واهم شي اهم شي اني اختار مراكز اللاعبين لان المدرب جبناه بفلوسنا ونقدر نغيره اذا ماسمعنا وطاوعنا ومو مهم استقرار فني وانظباط تكتيكي ومومهم بطولات وفوز واهداف وآداء هجومي المهم رأيي كمشجع .!!!!!!!!!
نقاطي برعايـة موبايلي
انا متأكد ان الأمير عبدالرحمن بن مساعد واللي دفع مالايقل عن 300 مليون عنده ملاحظات على بعض الأمور لكنه يؤمن بإختراع اسمه ( مدير فني ) واللي بعض الجمهور للأسف للحين يطالب بلاعب على حساب لاعب .!!
المشكلة ليست في قول رأي ( فالحرية للجميع ) لكن الاصرار عليه ونقاشه في كل وقت وقبل المباريات المهمة وبعد الفوز وفي حال الخسارة يخرج ويقول انا قلت بل ان البعض يتصيد الأخطاء اللي لاترا بالعين المجردة ليقول قلت لكم .!!
مدرب مانشستر كمل 23 سنه ومدرب الارسنال 10 سنوات وليفربول له سنوات يقود الليفر ونرا النتائج والآداء والبطولات ( معقوله هم غلط وحنا ) وحنا على صح ( على فكرة مدرب مانشستر جلس 4 سنوات ماحقق بطولة وصبرو عليه وشوفو وش النتيجة .. على فكرة المان يونايتد فريق بطولات وعدم تحقيقها يعرضه لخسائر مادية كبيرة ولكنه الاختراع المسمى بالعقلية الاحترافية )
مدرب النصر شارك امام الوطني بشيبان الفريق وفاز 9 وطارو بالعجة وتهزأ قدام الهلال بنفس الشيبان قامت القيامة وطالبو باللعب بشباب النادي وخرج احمق النادي وقال مباريات الفريق القادمة في كأس فيصل باللاعبين الشباب ( وش دخلك هذا شغل المدرب )وفعلاً شاركو بالشباب امام الوطني وترقعو 3 امام ( شباب الوطني ) وهنا المشكلة ,, الاعلام يتدخل والجماهير تختار اللاعبين والإدارة تفرض على المدرب والمدرب يستجيب وهذا يسبب النكسة للفريق ( دعو جيريتس يعمل فهو مدرب عالمي وليس حالمي ).
البعض يعتقد ان المطالبة بمهاجم اجني هو الحل .. الغريب انه لاتوجد مشكلة ليخرجو لنا بالحلول ولكن البعض يحب فرد العضلات ولو على حساب مستوى الفريق واستقراره .
لست ضد نقاش اي فكرة او ضد قول أي رأي ولكن لكل فكرة ورأي وقت معين .. فهل هناك فائدة في نقاش الاستغناء عن نيفيز وهو يرتدي الشعار ويقدم مستويات جيدة وهل هناك فائدة في نقاش امر لايقدم ولايؤخر في ظل تولي جيريتس المسؤولية كاملة .
الأيام القادمة ستشهد تفرّغ كامل مع اعلام الأصفرين ضد الهلال وسكوتهم كان لانشغالهم باللقب الآسيوي والآن ستتجدد الاشاعات والبلبلة وتهويل الأمور فهل يقف في وجههم جمهور الهلال ويثقون في ادارة الفريق ومدربه ولاعبيه ام ان البعض الى الآن لم يستوعب طريقة ايقاف الهلال الموسمية من قبل اعلامهم الوقح .
منتدى الجمهور الهلالي هو أقوى من بعض صحفهم لذلك على بعض الاعضاء اختيار الوقت المناسب لنقاش بعض المواضيع ونوعيتها ( ياليت نترك نقاش قضية ناقشها حتى الأصم والأعمى ) |
الوضع المتطور
