|
بصراحه موضوعك رائع بس انا الحين ماراح احكم علا ياسر انتظره حتى الإنتقالات الشتويه انا متأكد المدرب مايجامل ياسر وخليه يخبص في الفريق((لو مارجع مستواه)) بعد حضور المهاجم الأجنبي .. لو ياسر رجع مستواه خير وبركه لو مارجع مقعد الإحتياطي ينتظر ياسر ويلعب عيسى المحياني اساسي بدلا من ياسر. |
يارجال موضوعك ذا لازم يتثبت والله .. لكن من يوم ماشفت النقد الصريح وخاصه على ياسر .. عرفت انه استحاله يتثبت لان هذي سياسه المنتدى للاسف.. امدح وحط اشعار يتثبت موضوعك .. تنتقد يجيك واحد مستشار مثل الي تحت ويقعد يطير فيك إقتباس:
جا عيسى .. ولا شفنا منه الي يرضينا ونتيجه ذلك حوله المدرب للأولمبي.. قلي مين باقي ؟ ياسر والصويلح ؟ الصويلح اذا انصاب .. مين باقي ؟؟ ياسر بس ؟ او تقول.. شبح ياسر.. ياسر الي لمن يعدي في واحد ويصيحوله الجمهور .. يبغا يعدي في الـثاني والثالث .. ياسر الي فقد الكنترول على الكوره لاتقعد تطبل لياسر.. لاعبك ما سار زي ماكان ايام 2007 و 2006 .. الرجال طاح مستواه ليش ماتقتنعو بالشي ذا ؟ حمد الهلالي في اكثر من موضوع لك ماتبغا احد يتكلم عليه وعلى افكارك .. وفي نفس الوقت ردودك كلها محطمه للجماهير وكأنك انك الي دايماً تفهم والجماهير كلها ماتفهم |
أخوي تحدث عن هلال قريتس فقط لا تجيب نائج كوزمين و مساعده والمدرب لكينز و الحسيني ياخي أنتم مدري كيف تفكرون لأن بدايتنا هالسنة والمعدل التهديفي لم يسبق أن بدينا به منذ زمن أعيدها مرة آخرى لا تخلط الأوراق النتائج حقت نهاية الموسم السابق مع بداية هالموسم لتبين صحة وجهة نظرك وهذي إحصائيات هذا الموسم http://www.alhilal.com/ar/statistics.html ناقشنا فيها فقط رستووك |
اخوي العزيز .. اسمح لي يا عزيزي بالمداخلة واتمنى انك تتقبلها من اخ لك .. لا يمكن ان يوجد في الهلال من يسلبك حقك في الانتقاد .. كائنا من كان .. لك الحق في الانتقاد .. وازيدك بعد لك الحق ان تكون وجهة نظرك خاطئة بعد ... لان مو شرط ان كل وجهة نظر تصير في الهلال صح ؟؟ فالمشجع الهلالي له الحق في الانتقاد وابداء وجهة النظر .. وحتى لو أخطا في وجهة النظر .. بشرط عدم الاصرار على الخطأ .. هذا اولا ... اما ثانيا .. انا لم اعترض على انتقادك في السابق لياسر .. ولا اذكر الموضوع حقيقة .. لكن ما يكره الناس في الانتقاد ... كثرة التكرار والالحاح في اعادة الانتقاد مثل ما تفضلت انت بنفسك وقلت .. : "لاحظت ولاحظ الكثيـر مثلـي ان جميع رواد المنتدى أصابهـم الملل من كثـر المواضيـع التى تتحدث عن مستوى ياسر" فاحيانا تكرار المواضيع نفسها لا يكون في الصالح العام .. المهم ان نوصل وجهة نظرنا .. ونتمسك بها .. او نتوقف ونعتذر عن تراجعنا عن وجهة نظرنا ... ونحن لسنا في موقع تنفيذي او موقع مسئولية .. كل ما علينا هو ايصال الفكرة ... طالما ان الفكرة وصلت .. سواء عن طريقي او طريق غيري .. الافضل ان ندع الامور تسير كما تريد الادارة والتي اجمعنا كلنا على ثقتنا بها .. حتى لا نسبب زعزة للفريق خصوصا واننا في فترة تغيير الفكر الاداري لكرة القدم في النادي .. بوجود المدير الفني ...... هل تعلم ان في مانشتر يونايتد .. اليكس فيرجسون هو من يختار اللاعبين الجدد وينسق اللاعبين .. ويحدد اسعار اللاعبين .. وهو من يضع استراتيجيات الفريق لخمس سنوات قادمة ؟؟ يعني هو الكل في الكل في كل ما يتعلق بفريق كرة القدم !! هل يعني هذا ان جمهور المان .. لا ينتقد او ما يفهم كورة ... لماذا لا تكون وجهة نظرك خاطئة ... هل هناك سبب يمنع بان تكون وجهة نظرك خاطئة ؟؟ انا اعطيك سبب اثبت لك ان وحهة نظرك خاطئة .. الخطأ هو في ان احصائياتك استندت على بداية العام 2009 ؟؟ وهذا فيه من الاخطاء الكثير .. فبعض اللاعبين خلال هذه الفترة دخل معسكرين مع النادي .. "نهاية العام الماضي وبداية الموسم الجديد" بعض اللاعبين تدرب مع 3 مدربين ...؟؟ وبعضهم مدرب واحد ؟؟؟ التقييم يا عزيزي يجب ان يكون من خلال موسم رياضي كامل ... وليس على حسب السنة الميلادية .. وهذا لا يعني ان ياسر كان كويس في الموسم الماضي ... لكن الخطا في استنادك على حكمك على اللاعب .. خطأ اخر .. انت استندت على انتقادك لياسر .. بالتالي: إقتباس:
انا اتفق معك ان ياسر هبط مستواه .. ولكن هبوط مستوى ياسر ... لا يعني ان ياسر اسوأ المهاجمين السعوديين .. مشكلة ياسر انه عودنا على مستوى خارق صراحة ؟.. عجز يرجع لنفس المستوى ؟؟ لكن اسألك بالله .. انت وجميع من ينتقد ياسر .... لو كان ياسر هذا بمستواه هذا نفسه .. موجود في القادسية الان ؟؟ ما راح تطالب باحضار اللاعب لان ما عندنا الا الصويلح والعنبر والمحياني ؟؟ راح يكون مطلب من جميع الاندية قبل الهلال ... لو الادارة تعرض ياسر للانتقال ؟؟؟ هل انت مؤيد ؟؟ طالما ان الصويلح والعنبر احق من ياسر ؟؟ لو كان الصويلح في نادي الاهلي .. هل ستطالب باستبدال الصويلح بياسر ولو لمدة سنة عن طريق الاعارة .؟؟؟ تحياتي لك .. وارجوا ان لا يكون ردي ثقيل عليك :) |
إقتباس:
استاذي حمد الاحظ عليك تخاف على اللاعبين من النقد أكثر من اللازم !! اي لاعب لا يؤمن بالنقد لن يتطور لن يتطور لن يتطور اذا كان النقد في غير محله هدام فهو في محله بناء و ياسر يستحق النقد من الموسم الماضي و حتى الان !! تحياتي و شكري على الموضوع الجميل |
حبيب قلبي اول شي بقولك شغلة بالنسبة للي يتهمك مندس ولا غيره تراهم مايفكرون الا في شي وحيد انت وش الفايدة من موضوعك ؟ معليش خلينا نكون واقعيين ماراح يكون فيه اي فايدة الا مجرد تحطيم صح ولا ؟ ولا يعني تتوقع عبدالرحمن بن مساعد راح يسمع كلامك ويطرد جيريتس عشان يجيب مهاجم ويرضيك ويرضي بقية الجماهير حنا نتكلم على شي وحيد جب لي فايدة لمثل هالمواضيع وانا راح اتفق معك فيها بالنسبة لاحصائياتك حبيب قلبي ياليت ترجع شوي وتشوف اعداد ياسر الموسم الماضي + ياليت لو تشوف من كان عندك هجوم بالهلال باختصار مافيه احد يساعد ياسر ولا تقولي هجوم يسجل لانك لو جبت ابراهيموا فيتش الموسم الماضي مستحيل يكون هداف مع طريقة كوزمن صحيح مدرب وصحيح زعلنا عليه لكن باختصار علمني كم عدد اللاعبين اللي مطلوب منهم الهجوم فقط وعدد اللاعبين المدافعين وبعدها حط احصائيات على كيف كيفك بالنسبة لهالموسم ممكن تقولي اي مباراة كان فيها مستواه هابط ؟ اسمحلي وتشوفني ياسري لكن ماهمني لا ياسر ولاغيره لو منصور البلوي يلعب بالفنيلة الزرقاء تاكد اني اول واحد بشجعه انتوا( ضد ياسر) انا شفت انتقاداتكم وفي اول مباراة مع نجران اللاعب توه بدا الموسم وانتوا شايلين عليه اللاعبي تحرك وصنع كم كورة واهم مافيها كانت تحركاته ممتازة ومع كذا ماعجبكم ومباراة الوحدة كذلك واغلب المباريات مستواه مابين جيد الى جيدجدا وماوصل للممتاز لكن انتوا شابين عليه ليه عشان شي وحيد مستواه في مباراة النصر غير كذا ماعندكم اي شي ضد ياسر ولا غير كذا مدري وش تبغون منه العام تقولون مايتحرك صح ويتسلم من التايب هالسنة واولها مباراة نجران تقولون بعدها المهاجم المفروض يسجل ورجع وسجل وصنع لكن جت مباراة النصر واخذتوها فرصة وتقومون تتكلمون وتقولون نبغى مهاجم قلنا ماشي تجون بعدها ترجعون ياسر ليه مايسجل وليه مايسجل رجع في المباراة الاخيرة وحاول يحتفظ بالكورة زيادة عن اللزوم ليه عشان يسجل وتفكونه من طلباتكم اللي ماتخلص وقلتوا عنه اناني يعني بالله وش تبغون منه بالضبط اذا لاعب يتحرك بشكل جيد ويتمركز + يسجل والحين في قائمة الهدافين وهو بنفسه يتوقع يكون الهداف هذي السنة وانتوا ماعندكم غير التحطيم على انكم المفروض ياسر اكثر لاعب تشجعونه ليه عشانه مايواجهكم لوحدكم يواجه جماهير الاصفرين والاعلام الاصفر ضاغط عليه وانتوا تزيدون عليه بدل ماتدعمونه تحطمون فيه زيادة وفيه مثال بسيط ممكن اعطيك اياه (نور+سعد +حسين) خلي الاعلام الهلالي يهاجم هاللاعبين وتشوف وش يسوون جماهيرهم انواع الحملات عشان يدعمونهم الا حنا مانرد عليهم بأي شي حتى دعم للاعبينا مانعطي والمشكلة تتكلمون عن عبدالرححمن بن مساعد وتقولون مايدافع عن الهلال بالشكل المطلوب ومع كذا انتوا لاعبينكم مافكرتوا فيهم ولافكرتوا تدافعون عنهم ملاحظة (تدري اني مباراة الرائد خلال اصابة ياسر) جالس مع نصراويين وكلهم بصوت واحد يارب (رباط) وتدري ليه يعرفون مو حقد عليه بس شي وحيد يقولون بدون ياسر ماراح تشوفون الدوري انا ماقولك كلامهم صح لان الهلال ماراح يوفق عليه لكن هذولاء وهم يكرهونه شوف يعرفون قيمتة تحياتي |
والله انك صادق بكل كلمة قلته ولايهمك جمهور اللاعبين لو يشوف لاعبه مايسجل كل الدوري قال مبدع |
للتذكير فقط الموسم الماضي قالو ان ياسر يلعب لوحده في الامام !! و الموسم الحالي حضر عيسى في مباريات و الصويلح و ويلي في اخرى بجواره ما الذي تغير ؟ باختصار ياسر لم يتقدم الموسم الماضي خطط دفاعيه نقول يمكن له عذر لكن الموسم الحالي الخطط كلها تؤدي للهجوم حتى لاعبي الوسط صارو هدافين في الدوري ليه ياسر ما استغل اسلوب الفريق !؟ الصويلح اقل امكانيات منه و سجل مثله مع فرق دقائق اللعب لصالح ياسر ايش السبب ؟ |
ماراح يدمر ياسر الا انت واشكالك ياخوي الاعب يبي يرتاح يالله كلنا نطالب الاداره انه تريح ياسر قبل يتدمر |
ناقصناا التوفيق من الله وبعض الحظ |
ياسر ... يبيله ينطق بالاحتياط عشان يراجع حساباته صح اذا كل مدرب جا ولعب ياسر اساسي بهذا المستوى هذه هي الطامه الكبرى ياسر لاعب كبير ولا يختلف عليه اثنان عندما يكون في قمة مستوياته ولكن بهذا المستوى موسم كامل سننتقد وسننتقد كثيراً.. ولماذا لاتعطى الفرصه الكامله للصويلح الذي كنت افضله من بداية الموسم ... لاعب ما يتفلسف همه يسجل وبس بأي طريقه كانت .. او العنبر الذي كان بداية الموسم السابق يقارع صدارة الهدافين الى ان عاد ياسر من الاصابه ولعب اساسيا فور عودته ... خالص تحياتي.. |
أشكرك على موضوعك ... ولكن أنت تتكلم عن موسم أنتهى كان ياسر مستواه فيه نازل لأكن هالموسم والمباريات الثمان ماعدا مباراة الرائد فياااااسر صنع أهداف وتتسب في كثير من الأهداف وسجل الأهداف فمن الظلم أن تنزل موضوع رأيك فيه صحيح ولكن كان في الموسم الماضي .. وبالنسبة أحمد الصويلح فمستواه عالي جدا رغم أنه يشارك في دقائق معدوده ، وبالنسبة للمهاجم عيسى المحياني فيحتاج وقت للأنسجام مع الفريق الآن لدينا ثلاث مهاجمين من الطراز العالي في ظل رجوع ياسر لمستواه مع جود ويلي ويعتبر مهاجم ثاني ،، وفي تصريح غيرتس الأخير يقول (أننا منسجمين ولانحتاج الى مهاجم أجنبي) << فهل أنت أفضل من غيرتس .. لماذا لاتدرب الهلال اذا كانت إجابتك بنعم واذا كانت إجابتك بـ لا فأتمنى منك أن تلتزم الصمت لأنه يوجود جهاز فني متكامل من الطراز العالي |
إقتباس:
إقتباس:
أجل لا تصير مثل مشرفيهم ...أنت عضو استشاري لمنتدى الجمهور الهلالي ... المفروض يكون لديك تقبل للحوار... يعني يا أخي الرجل قال وجهة نظرهـ... إن خالفك مو شرط تتكلم عليه بهالطريقة (المستفزة ) .. ألفاظ ترفع الضغط.. أنا أقول إن كنت تخالفه الرأي ..يا أخي فيه أسلوب حوار (حضاري) موبهالأسلوب النصراوي ..خذوهم بالصوت .. وعلى فكرة..الأرقام لا تكذب عادة... وإن كنت أخالف كاتب المشاركة في بعض النواحي ... دمت بود..بل دمتم جميعا |
فيه بعض الناس يبغون ياسر يدخل 100 قول حشى لو كان ألي ياسر مستواه في تصاعد وقادر يرجع بسهولة انشاء وانا احترم وجهة نظرك |
والهل كنت بنزل موضوع عن هالسالفه واكثر عينه تقهرني الي يقول خطة قرتس ان الكل يسجل وخصوصا الوسط يا ذكي انت وياااه انا الي ابي اعرفه رغم ان خطة قرتس ان الوسط بس الي يسجل اذا قدر الله والشلهوب ولا نفز ذب كور بالخطأ وما طبق توجيهات قترس وخالفها وصار ياسر منفرد في الباب .. ابي اعرف مدام مستواه مو نازل ليه ما يسجل ليه ؟؟ الجوب لان مستواه نازل ومن ينكر ما يفهم كوره .. شوف الانفارادات في اخر مباراة الحزم لو فيه مهاجم مثل سيرجو كان جاب هاترك في مباراة الحزم ومو معناة كلامي ننسق ياسر لااا بس انت جب مهاجم هداف ونزل ياسر للامي عشان يعرف ان الله حق وراح يحرق نفسه عشان يرجع مو في تصريحه في الرياضض يقول ان انخفاض مستويا كذبه ولو كانت صدق كان قرتس او لكنز وكزمين ما تركوني اساسي بكل بساطة يا ياسر لانك افضل السيئين نعم انت افضل حاليا من عيسى ومن الصويلح والعنبر بس لو فيه مهاجم اجنبي على مستوى عالي صدقني يا ياسر راح تكون احتياط ومكن الصويلح بعد اهو الي يدخل الشوط الثاني كمهاجم رابح وباذن الله ان قرتس جالس يدور على مهاجم اجنبي من طراز الهدافيه |
| الوقت المعتمد في المنتدى بتوقيت جرينتش +3.
الوقت الان » 02:23 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd