السلام عليكم

صباح مساء الخير

بخش بالموضوع دوغري

شفت العالم طايحتن شينه بالبلاك بيري , قلنا نحتسي بـه ض1 ..


وش سر البلاك بيري , ليه العالم انجذبت له كذا , ليه نوكيا قريب بتعلن افلاسها ؟
ناس غيرت اسمها ض1 , وصارت تدلع نفسها بأسامي ماتركب على وجيهها ض1
عشان البلاك بيري ض1 , طبعاً ما أنكر اني استخدمه وشريته من زمـان , لكن ماتعلقت فيه
مثل العالم ,


معقوله واحد يجلس بالساعات وهو يحتسي به بالماسنجر , يعني مايمل من الموضوع ؟
ممكن برودكاست واحد وثنين وثلاثه , لكن كل شوي , يصير الوضع ممل جداً ض1 , * برودكاست / ارسال رسالة جماعية بالبلاك بيري *

يعني فيه ناس اعرفهم , ونقول ناس بالمدرسه بعد , مايقدر يتخلى عنه حتى في وسط الحصة
يعني الاستاذ يشرح , وهو منزل راسه ويسولف ، مايمل ؟ ض1

الوضع يصير ممل من جد , حاولت اجلس عليه وقت , لكن علطول زهقت منه !
ماقدر اقعد اكثر من نص ساعه ض1

اول شي ان سواليفي تقضي , ثاني شي اصابعي تتعب , ثالث شي احس اني بثر ض1

الميزه الوحيده بالبلاك بيري , كل الاخبار الي توصلك تصير قديمه بالنسبه لك ض1
او حتى النكت , صارت كلها قديمه ض1 , لان كل نكته جديده تنتشر بالبلاك بيري

معقوله ناس تشتري البلاك بيري عشان تنكت ؟ ض1
معقوله ناس تشتري البلاك بيري عشان الاخبار السريعه ؟ ض1

الجوال مافيه اي ميزه الا الماسنجر طبعاً , حتى الكاميرا بايخـه ,,
لكن ليه انجذبت العالم لفكرة الماسنجر , معقوله الحين لازم كل جوال يكون فيه ماسنجر ؟ ض1

قبل فتره كان السوق كله اي فون , والحين كله بلاك بيري
في المدارس , اذا كان الصف 20 طالب , 17 منهم بلاك بيري ض1
وش المميز بالموضوع ض1 ,


خلاص اقسم بالله تعبت , توني ماتعودت مارجعت للفورمه ض1 ,
تقبلوا الموضوع كذا وبعدين الجايات يصير خير ض1
المستوى طايح ض1



اسـئلة .. /
1/ معك بلاك بيري ولالا ؟
2/ اذا معك وش السر الي خلاك تاخذه ؟
3/ اذا مامعك ناوي تشتري وليه ماعجبك ؟
4/ جاوبوا على الاسئله

وعليكم السلام ورحمة الله وبركاته

بالنسبه للبلاك بيري احسه صار شئ اساسي
خصوصا لرجال الاعمال عشان يقضون اشغالهم ومراسلاتهم
وللطلاب وعلشان يتراسلون مع اساتذتهم ..
بخصوص الواجبات وايضا عشان الهذر في كل وقت
وينفع للي يدرسون برا ويبون يتراسلون مع اهلهم بيكون اوفر عليهم ..
والبلاك بيري احد الاسباب اللي ادى الى قلة التواصل بين الناس
وحده تقولي كنا باجتماع واغلب البنات عيونهم بجوالاتهم
ويطقطقون بالبلاك بيري طيب اذا صرتي فاضيه اهذري
احسه ادمان الله يشفيهم ولا يبلانا ..

إقتباس معك بلاك بيري ولالا ؟

لا مامعي كنت مفكره وهونت لأنه حامت كبدي من كثر ما اشوفه
>>لايزعلون علي البلاكبيريين
وايضا انا ما احتاجه ..

شكرا اخوي ..

دمت بخير ..‘‘

معليش إعذورا جهلي بتكنولوجيا الإتصالات
ألحين ( بلاك بيري ) شركة خاصة تختلف عن ( نوكيا )؟
أنا شفته مع زملاء لي لكن ما سألت عن مواصفاته
لأني ما أهتم - وجوالي اللي أستخدمه ما فيه ذاكره ( وحجمه بس للصور )
وهل الناس تشتريه بس علشان فيه ( الماسنجر )
طيب والأجهزة الثانية ما تقبل الماسنجر؟

الواحد يفرح إذا قفل اللاب توب
والبعض شّغال ما شاء الله عليه ( ليلاً ونهاراً )
شاكر لك يا عمي على المعلومات الجديدة