|
..::][ القانون الفيزيائي الجديد لابن مساعد ][::.. قانون ابن مساعد الجديد السلام عليكم ورحمة الله وبركاته,, كلنا يعرف "نيوتن" ومن هو نيوتن اللي ما ترك قانون فيزيائي الا واكتشفه حتى بعد ما طاحتت تفاحة على راسه "ولف" له قانون واصبح فعلا من احد اهم القوانين الفيزيائية !! أيضا هو من قال بالقانون الفيزيائي الشهير "لكل فعل ردة فعل مساوية له في القوة ومعاكسة له في الاتجاه" الذي يدرس في كتب الفيزياء بل وحتى كتب علوم النفس وتطوير الذات وغيرها !! إلا انه وفي الزمن الحاضر أتى رجل وعدل في هذا القانون الى ليصبح قانوناً آخر .. نعم غير في قانون نيوتن الى قانون لا يتقنه الا العظماء من أمثال هذا الرجل !! إنه عبدالرحمن بن مساعد حفظه الله.. و قانونه الجديد هو: "لكل فعل ردة فعل مناسبة له في القوة ومعاكسة له في الاتجاه" اجمل ما في قانون سمو الامير أنه لم يقله بلسانه,, ولكنه يقوله بأفعاله وردود أفعاله على أفعال ضده ! وهذا يحسب لسموه. الكثير من المنتمين الى الوسط الرياضي بل وحتى بعض الهلاليين انفسهم يتهمون سموه بـ المثالية الزائدة !! و لكن من رأيي ومن وجهة نظر متواضعة أن سموه يعلمنا كيف أن التعامل مع الاحداث بل والصدمات فن لا يتقنه الا القليل من الناس,, ففي كل مرة تمر إدارته بموقف أو بمحك اختبار ومع هذا فهو ناجح معها بدرجة امتياز.. وبالمناسبة لا زلت أتذكر برنامج "مساء الرياضية" في أحد حلقاته بداية الموسم السابق الموسم الأول لسموه وكيف كان بعضهم يثني على مثالية شبيه الريح,, ولكن رد أحد الضيوف بأنه "توه ما شاف شي" !! والآن اجزم أن اكثر من "شاف" و "واجه" هو سمو الامير,, وما زاده الا قوة وحكمة !! و من أمثلة الصدمات التي تعرض لها سموه وكيف تعامل معها.. 3 امثلة على سبيل المثال لا الحصر : 1) هجوم موجه من "القناة المدحورة" قوة اتخاذ القرار عند سموه كانت واضحة جدا في هذا الموقف والتي كانت مناسبة تجاه قناة غوغائية لا تريد الا محاربة الكيان !! وراجعوا الرابط هذا.. http://www.youtube.com/watch?v=ekeB42Dt6F4 تأملوا كلمة سموه ورده القاسي على مقدم خط البلدة حين سأله احد الاسئلة "يبي يسوي فيها يحجر للأمير" وببساطة رد عليه وسكته بكلمتين قال له: ما أحرجتني !! قمة الإفحام والصراحة في هذا الرد لا يجيده الا الكبار !! 2) طرد كوزمين: تعامل معها باستخدام قوة "ضبط النفس",, وأنه مو شرط أني أهايط واسوي هيصة حتى آخذ حقي,, لكنه عمل بإسكات وحاول ضبط الجمهور المنفعل وقتها وكان بالفعل تصرف حكيم بوقتها !! تأمل كلمة سموه "الحمدلله ولا حول ولا قوة الا بالله" بعد أول مباراة بعد الطرد وانتهت بالتعادل مع نادي الشباب طبعا أكاد اجزم أن سموه أول شخص في القطاع الرياضي في تاريخ االرياضة عندنا يصرح بكلمتين مثل كذ.. قمة التعقل وضبط النفس !! 3) هجوم "النكرة" المضحك : و هنا يتبين حرص سمو الامير على رد حق الجمهور الكبير ولو ببيان يبين فيه استيائه ولا اتوقع ان سمو الامير عارف أن قبيله "ما عندك أحد" لكن قبيله زودها شوي بكلمتين ما يقولها ولا عامل النظافة حق ناديهم فأصدر البيان !! و كذلك رد سموه "الذكي والذكي جداً" على بيانهم رقم 86000 !! فمن الأمثلة السابقة تأكدت أن قانون سموه أفضل من قانون طيب الذكر نيوتن لماذا؟ لأنه ليس شرطا أن النجاح يأتي بالقوة ولكن النجاح يأتي بالتصرف المناسب فأحيانا تعتمد على القوة وأحيانا على ضبط النفس وأحيانا على الذكاء.. وهذا ما تعلمناه من سمو الأمير !! رتووووش هلالية - حتى تعرف عقلية شبيه الريح تأمل كلمته "لو اخذ جائزة افضل لاعب اسيوي غير محمد نور فأعتقد ان الجائزة فيها مشكلة.. تخيلوا "نكرة البالتوك" يقول نفس الكلام في ياسر مثلا !! - اذا تأملت حال "عزيز" عرفت فرق بين لاعبيننا ولاعبي الدول المحترفة وعرفت ان المستوى الفني ليس كل شي !! - مباراة بعد مباراة يثبت الرقم الصعب انه الاكبر على مستوى آسيا !! وصدقت والله يابو زغبي !! - إيريك جيريتس.. وينك من زماااان, الحين حصلنا الهلال اللي نبحث عنه من 8 سنوات تقريبا وحصلنا الشلهوب اللي بحثنا عنه من سنتين !! - سامي الجابر.. عيني عليك باردة مبدع بكل حالاتك لاعب كابتن اداري و قاهرهم !! - قصة "نكرة البالتوك" امس تعلمنا ان المال ليس كل شي ولكن العقل ثم العقل ثم المال وهذا اللي نشوفه في شبيه الريح !! - على طاري النكرة,, اللي اسمه "العمدة اللي سوا المقابلة حصلوه ولا الى الحين ؟ - على فكرة النكرة اختاروه ب"التزكية",, يعني هو اطلق واحد فيهم باتفاق الجميع,, اذا هذا عاقلهم فـ وين مهبولهم !! - تخيل معاي ان الهلال يتأهل لكأس العالم وياخذ الكاس., اتوقع يقفل النادي لانه راح يلعب بدون هدف لانه كووش على كل البطولات !! - روم الزعيم بالتوك.. يعطيكم الف عافية على جهودكم الكبيرة !! - ابو كلبشة.. اووما لو اقدر اسوي لك نسخ وبعدها لصق بالخانه اللي بجنبك ,, كان أضمن ان عدد الاهداف اللي تدخل مرمى الدعيع هدف لكل خمس مباريات !! - ميريل راودوي.. افضل اجنبي مر على الهلال من 10 سنوات "رأي شخصي" !! - ابو عبدالعزيز ,, يا جبل لا يهزك ريح كل الحراس يخطئون ويخطئون ثم يصيبون الا انت تصيب وتصيب ثم تخطيء ! - دعواتنا للاتي بالتوفيق بكرا وان شاء الله يرجعون بالكاس !! و تقبلوا تحياتي.. |
إقتباس:
يعطيك العآفية ، موضوع روعة |
,, ,, ,, الصراحة قانون خطير مشاء الله عليك من وين جبته ومن ناحية الأفعال أنا اشهد والله كلامك ذهب كلامك سليم 100% مناسبة هاذي الي بالقانون خطيره مرة شكرا لك .. .. .. |
8 8 8 القانون موب انا انا اللي جبته,, اللي جابه ابن مساعد يا ولد الديرة !! |
إقتباس:
واذا في غير كذا خبرني |
ههههههههههههههههههه اوما حقت هوساوي نسح ولصق هذي في الصميم |
إقتباس:
هذي لحالها تساوي مقالات مشكور على الموضوع الرائع تحياتي |
موضوع مميز بقوووووووة :rose: قانون جديد ومميز لي BACK أفضل بإذن الله :yes: والله يخلي الواسطات :d |
الاخ حسن .. مشكور على ملاحظتك وعدلتها,, لكنها فعلا كانت تعادل بطعم الخسارة !! و اشكر بقية الاخوان على مرورهم !! |
موضووووووع مميز ورااااائع من زعيم راااااااائع ** بالنسبة لرايك الشخصي في رادوي فهذه وجهة نظري ايضاا ** بالنسبة لكلامك عن هوساوي ,, بصراحه كان (( في الصميم )) الا في جد جد الصميم :s2: ** شبيه الريح << اتحدى اي واحد يجيب لي كلمة توصف هذا الرجل :wub::s4s: راح اعطيه جائزة ,,,, طبعا الجائزة مو مو بطاقة شحن ابو عشرة ريال او شريحة زين:s2: او من هالاشياء اللي يسوونها بعض الناس :s2: اكيد فهمتوا علي ,,, :naughty: جائزة عادية ,,, طبعاا وان شاء الله راح تحوز على رضى اللي بيقنعني وصفه لشبيه الريح ,, اتمنى المراسلة على الخاص تقبل مرووري على رووعتك اخووي ,, :smilie47: دمت بووود ودامت الزعامه لنا ان شاء الله |
8 8 8 لا تنسى تعلمنا من اللي اخذ الجائزة !! ويعطيك العافية على مرورك يالغالي |
مشكور يامستر قصيمي ويجب أن نقف وندعم شبيه الريح وعدم التدخل في عمله هم عليهم العمل ونحن عملنا الحضور وتشجيع الفريق وترك البيانات لاصحابها خبيلان والنصر (الفقر) هم الرقم الصعب في البيانات ويارب يكون الدوري والبطولة الآسيوية 2010 للهلال واتمنى من مجنونة ياسر تغير التوقيع هذا http://img40.imageshack.us/img40/610/86494916.gif لانه بصراحة الشماتة مو زينة واللي يقول النصراوية والاتحادية تشمتوا فينا بعد كابوس ام صلال خلينا حنا احسن منهم وبعدين لو جلسنا نتشمت ما راح نتقدم اما النصراوية أنا اقولهم خلوكم على الخليجية وانا شايفهم ميتين قهر على مايشاركون في الآسيوية يبطون يلعبون في الآسيوية |
معليش اخوي .. القانون الثاني قايله ( أرخميدس ) .. معليش على الخطمه (: |
بالتوفيق لابو فيـــــــــــــصل في مبارات الجايه والهلال ............ |
8 8 8 يعطيكم العافية على مروركم.. و أنا اوافقك يا سلطان 100% بخصوص التوقيع,, لانه اعتقد انه ما يسوي كذا الا اللي عنده شعور بالنقص و "الفقر" من ناحية الانجازات والبطولات مثل بعض الناس !! ولهذا تجدهم اكثر من يضحك على غيرهم ولا يضحكون على انفسهم. لكن اعتقد ان بعض الجماهير الهلاليه تسوي كذا رداً على اللي "اشغلونا" بعد مباراة ام صلال !! وقد اجد لهم العذر في ذلك !! |
| الوقت المعتمد في المنتدى بتوقيت جرينتش +3.
الوقت الان » 06:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd