|
هل هذا الشىء يصير بين جماهير الهلال والله اني ماني مصدق السلام عليكم شباب انا بدخل بالموضوع على طول وهي قصة واقعية حصلت لواحد من اصدقائي وهي : ان اخونا الهلالي (صديقي) تعرض لحادث مروري نتج عنه تلف كبير لسيارته والحمد لله انه سلم من الحادث ، بس هو كان حاط شعار الهلال في خلفية السيارة وكذلك شعار نادي القرن في الزجاجة الخليفية : المهم تفاجأ صاحبنا ان اتاه اتصال من احد الاشخاص لا يعرفه يتحمد له بالسلامه ويطلب منه رقم حسابه علشان يساهم في تصليح سيارته المهم خوينا استغرب وقال من انت رد عليه انا احد جماهير الهلال خوينا : كيف عرفت انو انا حاصل لي حادث وكيف جبت رقمي المشجع الهلال : والله يالغالي انا شفت سيارتك في السطحه وقفت راعي السطح وقت انا قريب راعي السياره واخذت رقمك المهم انا ومعي كذا هلالي مستعدين نساعدك خوينا : ما قدر يرد عليه لانه خنفته العبره وحس بأحساس غريب وهو ان له اخوان بل شعب هلالي يرغب في مساعدته شعر بالفرحة وقال تسلم يالغالي ويكفي اتصالك وبحثك وفعلاُ ان فخور بأنني هلال والف شكر وانا ولله الحمد بخير والسيارة عليها تامين شامل وانتهت القصة هل معقوله حبنا للهلال انعكس لحبنا وتكاتفنا مع بعض والحمد لله والحمدلله مليون مره اني هلالي |
بيض الله وجهه وهذي مو غريبه ع جمهور الزعيم والله يقوم صاحبك بالسلامه |
تسلم يالغالي وفعلا التكاتف بين الجماهير زاد خصوصا في الفترة الاخيرة |
بيض الله وجهه ومو غريبه علينا كـ هـلآليين |
كبيررررررررررررررر ياجمهووووووووووووووور القرررررررررررررن الله يعطيك الف عااااااااااااااااااااافية |
والله العظيم مو مدح باالهلاليين ... أنهم ولله الحمد يد وحده ... جماهير اعضاء شرف ... لاعبين ... الله لايغير عليهم ... وكفو هالمشجع اللي صلح سيارته ... |
بيض الله وجه وما قصر دامه هلالي وانت هلالي كفا ووفا كذا الأخوان والصحبة ولا بلاش المهم ما يشوف شر صديقك بلغه تحياتي له كم اعشق جمهور الزعيم |
هم كذا جمهور هذا الفريق الرااااااااااااائع والله اخوان لاننا هلاليين وانا حصلت لي مواقف كثير مع اخوان الزعماء يا ما ساعدوني في حاجات واجد الله لايفرقنــــــــــــــا |
هذا هوجمهور الزعيم دائماً يدوحدة وقلب واحد :rose: سبحان الله وبحمده سبحان الله العظيم |
بيض الله وجهه وماقصر وقل للى سوى سياره خويك تراني مسوي حادث وسيارتي راحت تشليح الله لايهينه :s2: جمهور الزعيم الله لايفرقنا ابد ,,, |
يالبيه ياجماهير الحب والوفاء والتضحيه تستاهلون ارفع لكم القبعه |
الله يديم المحبة يالغالي ..... |
احب ابشركم ان خوينا بصحة وعافية وسيارتك مؤمنه تامين شامل |
بيض الله وجهه وهذا مغريب عن جمهور الزعيم والله انه ارقا جمهور في السعوديه وهذي عوايد الزعماء |
الحمد الله اني هلالي والله اني فرحان ان هاذا الشي صار وبيض الله ويجكم يا جمهور الزعيم تقبلوو تحياتي وان اشاء الله تدوم المحبه |
| الوقت المعتمد في المنتدى بتوقيت جرينتش +3.
الوقت الان » 03:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd