السلام عليكم..
كيفكم يازعماء..

حبيت اتكلم عن نقطة هي مثار جدل عندنا يالزعماء..
الا وهي طقم الهلال الاصلي..
قبل كم يوم رحت اسأل عن الطقم الاصلي..
والقى سعره 280 ريال..

يعني لو أشتري طقم تشيلسي الجديد ارخص لي..

لا وجودة وخامة القماش احسن

يعني مو معقوله أشتري طقم الهلال بهالسعر واول غسلتين والشعار طايح؟؟

هذا واحد..

الشي الثاني .. ليه ما يكون الطقم على درجتين.. درجة خامة فخمة..ودرجة أقل .. مثل طقم الجار..

ومعروف ان المصنع يسوي أكثر من درجة..

ولو تواجد الخامة الاقل .. صدقني محد ياخذ المقلد..

لأن فرق السعر بينهم بسيط.. المقلد بثلاثين الى خمس وعشرين..والاصلي الدرجة الثانية تقريبا ستين الى خمس وستين..

أتمنى من الادراة الهلالية النظر في هذا الموضوع ..

لأنه بصراحة من الموسم الماضي .. وحنا نعاني من هالمشكلة..

مع ان الادارة قالت لنا ان المشكلة راح تحل.. والسعر راح يكون في متناول الجميع.. لكن الى الان ماشفنا شي..

أتمنى ايصال صوتنا نحن الجماهير الى صاحب الشأن..

ودمتم بخير