مرحبا يا حلوين كيفكم وشو اخباركم
حابب اطرح موضوع مهم بالنسبة الي وما بعرف اذا بهمكم ولا لأ
الموضوع هو طريقة الحكم على شخص معيّن
اغلب الناس بتحكم على الشخص من اول مرة بشوفوه فيها من خلال مظهره مش اكثر
بتمنى اسمع رأيكم في هالموضوع واشوف وجهة نظر كل واحد فيكم



اه صحيح نسيت احكي رأيي
رأيي انو هالشي غلط يعني ممكن الواحد يكون طنط ( عندكم اسمها خَوَل) بشكله يعني صابغ شعره احمر او لابس بنطلون اشي بيخزي او شو ماكان شكله المهم انو شكله بكون غلط بس طريقة تفكيره روعة وشخصيته منيحة وفي كثير صفات ايجابية
ولاحظو انو احنا بني آدمين يعني فينا اشياء كثير غلط
بس احيانا الايجابيات بتكون اكثر من السلبيات واحيانا العكس
بالنسبة للشكل واللبس بيختلف من منطقة لمنطقة يعني بالاردن مثلا في مناطق بكون الواحد لابس شورت وشباح وطالع وشعره اصفر ولابس جنزير وبكون بحكم منطقته اشي عادي اما بمنطقة ثانية بكون اذا ما لبس ثوب وشماغ مش رجال بس لو اجا واحد من المنطقة الثانية على الاولى يمكن يضحكو عليه

اتمنى اعرف رأيكم بهالموضوع
مع خالص الحب والاحترام