|
السلام عليكم ,, أهلاً هلالي الشماسية :ba1: بالفعل التعليم و خصوصاً الصفوف الدنيا رسالة عظيمة و أجر كبير لمن أخلص النيّة لله . و أنا لا أزال أذكر من درّسني في السنة الإبتدائية الأولى و ألمس الأثر العميق الذي نقشه فيّ و أدعو له كل حين. لا تأسَ من هذا القرار , فأنت كالجندي الذي كان يُحارب في ثغر ثم انتقل لآخر . الله يوفقك في حياتك العملية دمت بخير :) |
:: :rose: بالبداية آسال الله لك الأجر ومن سعى و يسعى سعيك ,, الصفوف الأوليه .. تدريس ليس بالسهل .. لأنها مرحله تأسيس .. متى مأحسنت التدريس حتماً آحسنت التأسيس .. ونادراً الطلاب ماينسون آساتذهم في هالمراحل .. لأنهم غرسوا فيهم آشياء مرت وسوف تمر ع حياتهم المستقبلية .. بأسلوب سلس وبسيط .. ونفس زينه ..:ba: والصفوف الأوليه فيها من البراءه الكثير .. وماكتبته دليل ..:d:d عن جد تخيله شكل فهد .. وحبيته ..:smilie47: وسعود وجراءته .. وولد سااره وغيرته ..:d :: وانا وحده منهم وغيري الكثير .. اللي مهما مرعلي من معلمات واساتذه مستحيل آنساهم .. ودائماً آتذكرهم وآذكرهم بكل خير .. :: آذكر شلون علمتني كتابه آسمي بالأنجليزي ..:ga: آذكر وشلون كانت تتعامل معنا وحنا نبكي وخايفين من المدرسه بسنه آولى ..:cry: آذكر لحد الآن توقيعها كيف شكله .. آذكر وآذكر ........ وبسببها كان حلمي متى أكبر وأدرس مثلها ..:wub: >>> بس الآن لا آخاف من التدريس لأن الأجيال تغيرت وهيبه المعلمين رآحت .. ماآقول غير الله يسعدها في دنيا وآخره ..:smilie47::smilie47: :: وبالنهايه .. اتمنى لك التوفيق ,, :: |
اهلا اخوي هلالي الشماسيه انظمه باليه تتحكم بمستقبل الاجيال .. مدرسين كفؤ خبره ليش يبعدون من تدريس اطفال اللي يحتاجون لهم كثير ويرون فيهم ابائهم الاخرين .. الله يعينك اخوي هلالي وان شاء الله يكون لك خيره وتزرع هالشئ في الطلاب الاخرين .. وتكمل مشوارك الحافل معهم .. ماشاء الله توجيهات جميله ومفيده لمدرسين الصفوف الاوليه .. بس تدري اخوي هلالي ان البنات الصغار هم الضحيه .. بعض مدارس البنات يتعاقدون مع معلمات بنظام الساعات لأول مره ويمسكونهم صفوف اوليه إلزاما والمعلمات يرفضون خوفا من ظلمهم وانهم امانه .. ومحتاجين لخبره وطرق تربويه في التعامل معهم وايصال المعلومات لهم .. وبالمقابل مدرسات مخضرمات يرفضون لأن فيهم ضغط وسكر ومايتحملون صجة البزارين .. يعني من جد والله حرام هم اللي ضاعوا فيها .. شكرا لك اخوي الكريم هلالي الشماسيه على الموضوع الجميل والقيم اسئل الله ان لايحرمك الاجر والملفات ان شاء الله بأحتفظ فيها .. دمت بخير ..‘‘ |
:) مشكور والله يهينيك في حياتك اما الطالب سعود سمي خخخخخ مهوي |
إقتباس:
هلالي الشماسية الله يسعدك قل آمين .. مواقف مضحكة مع أحباب الله مدري هي تدل على براءتهم أو على دلاختهم ..! والله يجزاك خير على المذكرات .. إيوه هذا الشغل وهذي هي التربية الطيبة .. مو تدريس القحماني الداج اللي يبي يجلد أطفال أبرياء بزعمه أنه يربيهم :ranting: القحماني راح يهدم ما بنيناه أنا وأنت يالشماسي ويخرج جيل معقد كاره للعلم ولا حول ولا قوة إلا بالله وحسبنا الله على من جعله معلماً لأطفالنا .. والا هو لو يحطونه مربية أطفال ما كان عرف حتى يغير حفاظاتهم :s3s: << قلباته بريال .. وحسب المزاج بدولار :s2: |
السلام عليكم ورحمة الله وبركاتة اخي الغاااااااالي والعزيز ابن الشماسية تدريس المرحلة الابتدائية بشكل عام والصفوف الاولية بشكل خاص متعة مابعدهاااااااا متعة لانك تشوف الطالب على طبيعته المواقف مع الطلاب جملية ومضحكة اخوي احسن شيء يستانسون علية الطلاب اذا جيت وجلست على الكراسي وفحطت وسحبت جلنطاااااااات داخل الصف اخوووي الطالب كنت ادرس طلاب رابع وطنية وكان عندي طالب ولد اخوه في اول وكل يومي ثلاثاء واربعاء يجي عندنا هذا الطالب الحصة السادسة وكنت دايم اجلسه بجنبي واضحك معه وفي احد المرات قال لي استاد قرب لي وقاااام وقبلني على خدي:s5s::s5s: انا صار وجهي اشكال والوان اخوي بالنسبة لكم يالجامعيين ليش تنقلووون من الدياااااار اللي عينتوا فيهاااااا اول:yes::yes: زي خويي من اهل بريده وجامعي كان عندنا يدرس ابتدائي ولما نقل للمجمعة ثم القصيم على طول عطووه ثااااانوي لان دايم مدرسين الابتدائي يشتكون وبالاخص العلوم والدين يقولون حنا ندرس متوسط والجامعيين يدرسون ابتدائي والمعروف ان المرحلة الابتدائية الاولوية لخريجي كليات المعلمين ثم الجامعيين اللي معهم دبلوم تربوي وللعلم لما يدرس الصفوف الدنيا معلميين جامعيين يبدعووون وافضل من خريجي كلياااااااات المعلمين بمراحل كثيرة اخوي شكلك درست في حفرالباطن اعترف:naughty::naughty: وتقبل تحيااااااااااتي |
السلام عليكم ورحمة الله وبركاته مرحباً بالأستاذ هلالي الشماسية الله يكون بعون مدرسي الصفوف الاولية بعد ماجربت اسبوع واحد حسيت بمعاناتهم وهذا انا بس مسكت منهج شوي ولا جاني الضغط والسكر:s2: مادري لان توجيهي ثانوي ومتعوده على تدريس الكبار كنت ادخل الحصة الاولى على ثالث ثانوي والحصة الثانية على ثاني ابتدائي وبعدين ارجع لثاني ثانوي تعال شف تقلب المعاملة و مرغمة على هذا عند الابتدائي اضحكـ وابتسم وطبطب على ظهر الطالبات وانا من جواتي احترق ماني متعوده على هالتصرفات تصير قدامي بس تصدق هالمتعة هاللي تحس فيها انا احس فيها اذا دخلت على ثالث ثانوي اتمنى الجرس مايدق وخاصة اذا كان موضوع الدرس يفتح مجال للتحاور مع الطالبات عاد نصائحك ماقريتهن اخاف اتفاول على نفسي ويمسكوني ابتدائي بكرى وبشرني عسى هالقرار ينطبق علينا خريجات كلية التربية كل ماصار نقص بالأبتدائي قالوا افزعوا يالثانوي :cry: كانهم عينونا على شان بس نفزع للابتدائي :d امدكـ الله بالصحة والعافية ودمنا ودمت في رضى الرحمن |
اهلاً وسهلاً بالاستاذ عبدالله :rose: اسعد الله اوقاتك بكل خير , جميله هي رسالتك التي قدمتها باسلوبك الرآقي .. جميل ان يحب الانسان عمله , وان يخلص به , وانت كذلك , ونعم الاستاذ والمربي ,, وهذا مايجب ان يكون المعلم .. صدقت .. لن تجد انقى واطهر من قلوب الصغار , حتى بشقاوتهم اللطيفه .. اسال الله ان يجزاك كل خير , وان يحقق لك امانيك , وان يكثر من امثالك .. استمتعت كثيراً بالمواقف , وخاصه عمته :ap: ,,, والثعلب :s2: وتقبل فائق الاحترام .. دمت بخير |
.. وعليكم السلام ورحمة الله وبركاته هلآ ومرحبا أستاذ عبد الله الله يعينك ويعوّضك خيرا , قرار غريب ليش منعووك !! ): لا يكون حطّوا بدالك مدرسين كبااار من الجيل القديم >< ما أدري ليش أغلب من يدرّس الصفوف المبكرة معلمين ومعلماات كباار بالسن ووصلوا لمرحلة التقاعد :to: أعتقد أنتم يالجيل الجديد أولى بتدريس الصغار لأنهم يفهمون منكم أكثر (: أتذكر معلمة درّست اختي والله ماكانت تفهم منها شي ولا تأسست زين بسبب فاارق السن الكبير بين الطالبات ومعلمتهم :s5s: .. مواقف طلآبك ياحليلهم يوسعون الصدر :d بعذرك يووم تحزن على فرااقهم , إن شاء الله تبشرنا بعوّدتك لهم إذا هذي أمنيتك الله يعينك ويقدّر لك مافيه خيراً لكم :rose: .... |
يا قلبي عليهم هالأطفال عن جد يجننوون ... الله يحفظهم ويرعاهم . إقتباس:
أحلى يا كبير :D أعجبني حُبك لتعليم الصغار وأكيد مهنيتك عالية ماشاءالله تبارك الله ، ياليت كل معلم يكون كذا . وجزاك الله خير على المرفقات بدرس أختي فيها .. وبدعي لك ان شاءالله ، شكراً لك |
هلالي الشماسية << من زمان ودي اعرف الشماسية هذي ايش :d المهم ماعلينا :wub: انا جربت ادرس المراحل الثلاثه ابتدائي - متوسط - الثانوي :smilie47: احلى مرحلة والي ارتحت في عطائي وتدريسي الثانوي :smilie47: تحس انهم كبار وناضجين ولو انو احيانا عليهم بعض الشطحات :to: ذكرتني ببنات الابتدائي اذا بديت اشرح لهم وانا متحمسه .. طالبة ترفع يدها واقومها تقول لي ابلة روجك حلو :s5s: انا دوروني ماتلقوني :wub: ولا بنت تنسى كتابها ..الفصل كله يحوس بشنطتها علشان يطلع هالكتاب :s5s: الله يعطيك العافية على المرفقات :rose: |
إقتباس:
باسكن كل الفتره ودك تعرفينه ولا سالتي وش اللي مخليك ماتسالين:d ترى فيه موضوع اسأل والمقلس يقيب :d المهم هذا الجوووواب .. هلالي ---> لانه يشجع الهلال هذي واضحه قاضين منها:dبس الشماسيه ---> هذي المظله اللي تحط فوق الراس عن المطر:s5s: فهو يشبه الزعيم بالمظله بكسب البطولات والتتويج بالمنصات :wub: اهنيك على اختيارك للأسم ماشاء الله عليك ياهلالي الشماسيه:smilie47: :d مجرد مزززحه اللي فووق .. الشماسيه هذي محافظه بالقصيم تبعد عن بريده تقريباً 35 كيلو والأخ الكريم منها ومن حبه له حط اسمه على محافظته ( هلالي الشماسيه ) اتمنى انه وصلت :rose: اما المدرسيييييييييييييييييين احمدوا ربكم والله مرغدينكم اول مربوط حول الـ 8000 :smilie47::smilie47: لي عوده لقراءة الموضوع كاملاً سطراً سطراً حرفاً حرفاً :s2: |
السلام عليكم ورحمة الله وبركاته ,,, هلا بك اخوي عبد الله :smilie47: بصراحة موضوع رائع عن احباب الرحمن .. تصدق ود الواحد يدرس ابتدائي لانهم على الفطرة .. اما المتوسط والثانوي الله يكفيك شرهم انواع الدشارة واللكاعه :to: حقيقة مواقف جميلة استمتعت بها وببرائتها .. شكرا ابو عابد .. والله يوفقك الى كل خير ... دمت برعاية الله ,,, |
هلالي الشماسيه :rose::rose: مواقف تضحك صراحه خاصه اللي تشبه عمته :s2::d صراحه اللي يدرسون الابتدائي لازم يكونون بالهم وسيع معهم.... وسعود هذا ذكرني بشخص عزيز شخصيته مشابهه له :d:ba1: يعطيك العافيه اخوي هلالي الشماسيه عالمواقف الحلوه :rose::rose: |
يعني سويتها ياعبدالله وتركتني وحدي مع صف أول :) !!. بصراحة من ذاق حلاوة تدريس الصفوف الأولية .. ووصل إلى المنهجية المناسبة في التعامل مع الأطفال .. لايمكنه أن يبتعد عنهم طويلا . لذلك أثق بعودتك أيها الجميل :) حتى مع تعنت نظام أعوج .! كن بخير - إن شاء الله - . |
| الوقت المعتمد في المنتدى بتوقيت جرينتش +3.
الوقت الان » 03:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd