|
قـبـل 30 / 1 / 2010 م (الـلـهـم بـلـغـت الـلـهـم فـاشـهـد) ! ! ! ! ! قبل أن أبدأ موضوعي أتمنى إني ماأقرأ ردود بعض الأعضاء اللي يحاولون يستخفون دمهم. فقد يغيب عن كثير من جماهيرنا أن خانة الوسط متخمة باللاعبين : 1- محمد الشلهوب (صانع ألعاب) 2- أحمد الفريدي (صانع ألعاب) 3- عبدالعزيز الدوسري (صانع ألعاب) 4- سلمان الفرج (صانع ألعاب) 5- ويلهامسون (صانع ألعاب) 6- نواف العابد (صانع ألعاب) 7- تياقو نيفيز (صانع ألعاب) بالإضافة إلى لاعبي المحور : (رادوي) (الغامدي) (الغنام) (عزيز) (البرقان) (صالح الدوسري) ياساتر إستر !! تخيلوا ( 13 ) لاعب في خط الوسط ! ! ! أما خانة الهجوم وما أدراك ماالهجوم ؟ فهي الخانه التي عانى منها الهلال خصوصا مع الفرق التي تتكتل أمام مرماها , وسوف يعاني الفريق إذا لم يتم إحضار مهاجم أجنبي في فترة الإنتقالات الثانية على حساب أحد لاعبين الوسط الأجانب وإن كنت أرى تياقو نيفيز والإبقاء على ويلهامسون لثلاثة أسباب هامة: أولا" : أن ويلهامسون لاعب مهاري وسريع جدا" جدا" وصاحب مجهود وافر ومتأقلم ومنسجم مع الفريق بدرجة كبيرة وفي كل مباراة يكون له (بصمة واضحة) إما بهدف أو بتمريرة أو بإشغال الظهير . ثانيا" : تياقو نيفيز لاعب بطيء كثير السقوط ووجودة مع الفريق يلغى تسجيل لاعب أجنبي رابع في خانة نحتاج لها وهي (المهاجم) , لإن تياقو خانته اليسرى يوجد فيها أكثر من لاعب مثل (الشلهوب) (عبدالعزيز الدوسري) (سلمان الفرج) (نواف العابد) ثالثا" : أغلبية صانعي اللعب بالفريق يلعبون بالقدم اليسرى (الشلهوب , عبدالعزيز الدوسري , نواف العابد , سلمان الفرج) أما أحمد الفريدي هو الوحيد الذي يجيد اللعب بالقدم اليمنى مع ويلهامسون فقط , لذا من الصعوبة الإستغناء عن ويلهامسون فلا يوجد بالفريق ( صانع ألعاب )من يلعب بقدمه اليمنى سوى الفريدي وويلهامسون. يجب أن نعلم جيدا" أن كأس آسيا مهرها غالي جدا" جدا" جدا" فإن أردت الفوز باللقب القاري يجب أن يكون لديك مهاجم مايرحم . فنحن جميعا ندرك أن الكره الحديثه تعتمد على المهاجم الذي يستغل أنصاف الفرص , فالمهاجم هو من ( يصنع الفارق ) في مواجهات الفرق المتكتله دفاعيا" . ومباراة (الهلال وأم صلال) خير برهان , حيث لعب الهلال ( 120 ) دقيقة داخل ملعب أم صلال ولم يستطيع التسجيل ولو نصف هدف ! ! (مامعنى أن تسيطر على مباراة كاملة (90 ) دقيقة وأشواط إضافية (30 ) دقيقة دون أن تسجل ؟ ! ) أمام الفتح والرائد وحتى الحزم مع كامل إحترامي لهم شاهدنا مهاجمنا والذي نعتبرة المهاجم الأول يقف عاجزا عن التسجيل سوى هدفين أحدهما ضربة جزاء والهدف الآخر كان المرمى فاضيا" أمامه , وأضاع في هذه المباريات الثلاث أكثر من ( 7 ) أهداف محققة , فكيف سيكون الحال أمام فرق آسيا الكبيرة ؟ ! ! يجب أن نعلم بإن الهلال لم يختبر إختبار حقيقي حتى هذه اللحظة ! ! أخشى أن جيريتس يعتقد أن فرق آسيا مثل الفتح والرائد والحزم! ! ! ( أرجو و آمل وأتمنى ) من أي عضو بإستطاعته توصيل هذا الموضوع لسمو الأمير عبدالرحمن بن مساعد أن يوصله . أرجع وأقول وأعيد وأزيد كأس آسيا مهرها مهاجم مايرحم. حتى لايتكرر مشهد أم صلال ! ! نسيت لا أقولكم بالنسبة لتاريخ 30 / 1 / 2010 م هو موعد إنطلاق دوري أبطال آسيا القادم والقرعة ستكون بتاريخ 7 / 12 / 2009 م اللهم بلغت اللهم فاشهد دمتم ودام الهلال شامخا |
انا معك آخوي بكل كلمه قلتها .... وانا اشوف ان تياقو نيفيز هو البديل الافضل من ضمن الاجانب ووجوده بالهلال زي عدمه لأنه يوجد في خانته لاعبين لهم مستقبل ان شاء الله .... |
انا من رأيي أن فيه لاعبين محليين أفضل |
.. يشرفني .. أن أسند موضوعي القادم على موضوعكـ هذا .. و هناكـ بعض الإستنباطات .. ستؤخذ من هنا .. أتفق معكـ .. أشد الإتفاق .. ((( الهلال يحتاج مهاجم لاااااايرحم ))) .. |
نيفيز لاعب كبير ووجوده مهم جدا وراح اذكرك بعد فتره بالوقت الحالي بكل اندية العالم التسديد مهم من بعيد هذا الشي موجود في نيفيز الشلهوب يشوت بس مو في مستوى نيفيز ياسر يشوت بس مو مثل نيفيز شفنا الزوري شات كذا مره وبطل بعدها لعبة الزوري امس الي من ياسر المفروض تكون في سقف المرمى مو بالحارس النصر جاب التعادل بلعبة قويه من بعيد الاتحاد معتمد بشكل كبير جدا على ابو شروان ومسوي فارق كبير وقوى جدا عبده عطيف نفس الشي مع الشباب وكماتشو بعد موقعة ام صلال التاريخيه ما كان موجود ولا لاعب بفريق الهلال يشوت من بعيد هذا الشي اثر بشكل كبير جدا على الفريق لازم يكون صانع الالعاب هو الي يشوت مثل ابو شروان وعطيف وكماتشو لاعب يلعب على القوس مثل نيفيز بالضبط هدف نيفيز في مباراة نجران هدف عالمي شات الكوره وهو بالهوى من زمان ما شفتها بالدوري السعودي كوره احترافيه لابعد درجه ومركزه بنفس الوقت وماهي قويه بكثر ماهي مركزه هدف نيفيز الاخير ابداع وشي خرافي اتحدى اي لاعب بالدوري السعودي عمل مثل تصرفه بالمدافع الي قدامه المهاجم بكون اغلب الاوقات بالصندوق وما راح يلقى فرص كثير يصوب فيها بشكل قوي وش ذنب نيفيز الدوري كل يوم متوقف |
هلا بك اخوي الزعيم الاوحد اشكرك على موضوعك ولو ان لي ملاحظه بسيطه كلنا اخوي ودنا مهاجم عالمي بجانب ياسر....خصوصا لو راح ياس وعيسى للمنتخب لكن انا اقول ياجماعه اصبروا على نيفيز الى نهايه الدور الاول ثم لكل حدث حديث صدقني ياخوي الاداراه اكيد حاسه بأهمية المهاجم الأجنبي لكن دعونا نثق بأدارتنا وندعهم يعملون بصمت صدقني اخوي لو جا الوقت الي نحتاج فيه مهاجم صدقني غيرتس ماراح يـتأخر عن احضاره والشكر كله مقدم لأبن مساعد:smilie47: اشكرك اخوي على موضوعك مره اخرى تقبل مروري النهرين |
طيب ليش تروحون للاجنبي على طول !! والله فيه محليين ما عليهم كلام .. وبنفس الوقت أرى خروج نيفيز الحل الأمثل لكن ترى الرجال للحين ما تأقلم يحتاج وقت .. وإلا نسينا ويلي وكيف كان العام...!!!! |
المدرب ابخص وعنده وقت الى فترت الانتقالات يقيم الاجانب وهو بنفسه قال الفريق بحاجه الى مهاجم |
مت أتمناه هو إعارة نيفيز .. وإحظار مهاجم أجنبي .. |
الهلال بيجيب لاعب اجنبي بخانة الهجوم ؟؟؟ واتمنى يكون لاعب له فائده ... وموضوعك يدل على انك مهتم بالهلال ... ومتابع للهلال ... مو مثل بعض الاعضاء يدربيها وبس ... |
السلام عليكم اخي العزيز اولا قبل ان اكمل قراءه موضوعك والرد عليك تمنيت ان اجد السلام او البسمله واتمنى ماتغفل عنهم وشكرا اما ردي فهو الاتي 1- محمد الشلهوب (صانع ألعاب) الحمدلله على عودته هو وسط ايسر ( اساسي ) 2- أحمد الفريدي (صانع ألعاب) محور هجومي وصاحب اختراقات وبديل لويلهامسون او اساسي ببعض المباريات ان دعت الحاجة 3- عبدالعزيز الدوسري (صانع ألعاب) وسط ايسر او وسط متحرك وهو بديل ناجح جدا للشلهوب 4- سلمان الفرج (صانع ألعاب) اعارة افضل 5- ويلهامسون (صانع ألعاب) اساسي طول الموسم ان شاء الله لانه وسط ايمن وجناح ومهاجم ببعض الهجمات 6- نواف العابد (صانع ألعاب) اولمبي وهو اصلا مهاجم اتمنى منك عدم نشر معلومات غير دقيقه 7- تياقو نيفيز (صانع ألعاب) افضل لاعب للكرات الثابته بالفريق والتي عانى منها الهلال على مدة 4 مواسم متواصله بعد رحيل كماتشو بالإضافة إلى لاعبي المحور : (رادوي) (الغامدي) (الغنام) (عزيز) (البرقان) (صالح الدوسري) معلومة مهمة لك اخي الكريم الهلال على مر تاريخه الاقوى وسطا بالاندية كلها ولايوجد مهاجمين غير (( ياسر + سامي مؤثرين بشكل تاريخي )) نرجع للهجوم (( ياسر + المحياني + الصويلح )) كافيين لخطة قريتس لانها تعتمد على تنوع الهدافين وبالاغلب هم خط الوسط ومعدل تسجيل الفريق من 3- 4 وش تبون اكثر ؟؟؟؟؟؟؟؟؟ تبي تبيع تيفيز يوم بدا يسجل حضور قوي؟ وبدا ينسجم مع الفريق بعد مانجهز اللعيبه نبيعهم كم تبون نتيجه المباريات 20 - صفر خلكم منطقيين فيه نقطه مهمة جدا اخي الكريم نسيت منتخبنا العزيز كم اخذ لاعب 10 لاعبين من الهلال يعني (( الفريدي الشلهوب الدوسري صالح وعبد العزيز ونص المحاورة )) يعني بالعربي ال 12 لاعب وسط يالله بلعنت الجدف يكفون نيفيز بيطقها اساسي بكل اوقات المعسكرات لاتزعلون ولكن للأسف كلام اميرنا العزيز عبدالله من مساعد شكله صحيح جمهورنا اغلبهم مراهقين انتم تنتقدون بس لمجرد الانتقاد او مع الخيل ياشقرا هذا رأيي وشكرا لك |
والله كلامك صحيح وانشاء الله الاداره تنظر له الموضوع يعطيك العافيه |
كلامك صحيح نتمنى مهاجم قوي مثل سيرجو الله يذكره بالخير :smilie47: http://www.flickr.com/photos/mgbor/4070483270/ |
إقتباس:
بخصوص المدرب أنا والله خوفي إنه يعتقد إن فرق آسيا مثل الفتح ونجران والرائد |
قول امين .. الله يشفيك , يعني انت شايف الكم الوافر من هالاهداف وماتنتهي مباراه الا بالاربعه والخمسه .. وتقول تبي مهاجم ؟ طيب ياخي اعتبر نيفيز مهاجم , وترى نيفيز لو لعب مباريات اكثر غطى على ياسر وعلى الصويلح نيفيز من نوعية لاعبين الوسط الهدافين . زي ابو شروان لاعب حسه التهديفي عالي , بعدين بقولك مثل : اللي تعرفه احسن من اللي ماتعرفه .. لا نتورط في لاعب اجنبي مقلب ونقول اااه يانيفيز .!! بعدين كان عندنا مهاجم مكينة اهداف ماشاء الله عليه , والجمهور الهلالي ( المبزرة منهم ) طالبو بالغاء عقده اللي هو رودريقو الفان . تخبر كان اقل شئ يجيب هدف في كل مباراة , وطالبو بالغاء عقده لانه مايعطي كعب و لا كبري زي التائب الخائب اللي بس فالح في الاستعراض . وللأسف عقلية الجمهور الهلالي ( المبزره منهم وهم الاغلبيه ) يبون كبري وكعب وبيض عيون , |
| الوقت المعتمد في المنتدى بتوقيت جرينتش +3.
الوقت الان » 07:32 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd