إقتباس الرسالة الأصلية كتبت بواسطة R سام الاحاسيـ S نيفيز لاعب كبير ووجوده مهم جدا وراح اذكرك بعد فتره

إقتباس الرسالة الأصلية كتبت بواسطة R سام الاحاسيـ S بالوقت الحالي بكل اندية العالم التسديد مهم من بعيد هذا الشي موجود في نيفيز الشلهوب يشوت بس مو في مستوى نيفيز ياسر يشوت بس مو مثل نيفيز شفنا الزوري شات كذا مره وبطل بعدها لعبة الزوري امس الي من ياسر المفروض تكون في سقف المرمى مو بالحارس النصر جاب التعادل بلعبة قويه من بعيد الاتحاد معتمد بشكل كبير جدا على ابو شروان ومسوي فارق كبير وقوى جدا عبده عطيف نفس الشي مع الشباب وكماتشو بعد موقعة ام صلال التاريخيه ما كان موجود ولا لاعب بفريق الهلال يشوت من بعيد هذا الشي اثر بشكل كبير جدا على الفريق لازم يكون صانع الالعاب هو الي يشوت مثل ابو شروان وعطيف وكماتشو لاعب يلعب على القوس مثل نيفيز بالضبط هدف نيفيز في مباراة نجران هدف عالمي شات الكوره وهو بالهوى من زمان ما شفتها بالدوري السعودي كوره احترافيه لابعد درجه ومركزه بنفس الوقت وماهي قويه بكثر ماهي مركزه هدف نيفيز الاخير ابداع وشي خرافي اتحدى اي لاعب بالدوري السعودي عمل مثل تصرفه بالمدافع الي قدامه المهاجم بكون اغلب الاوقات بالصندوق وما راح يلقى فرص كثير يصوب فيها بشكل قوي وش ذنب نيفيز الدوري كل يوم متوقف

صج لسآنك

وانا اتفق معك بكل كلمة ,,

يآخي الهلال الموسم اللي راح ما شفنا ولا هدف من برا المنطقة ..

بالتوفيق للزعيم

ومشكور اخوي

اخوي معدلنا التهديفي كويس
ونيفز بدأ يستعيد مستواه

انا معاك واتمنا المهاجم يكون بديل لولهامسون
ولي لاعب مايختلف عليه2 لكن حاجتنا لمهاجم مشاكس هداف يتحرك بدون كوره ويشغل المدافعين اهم من لاعب يمسك خطوط

صراحه انا اتمناه بديل ولي

نيفيز لم يقدم ولاربع مستواه واللاعب لساته صغير زعقده ثلاث سنوات واصبرو عليه على الاقل حتى الدور الثاني من الدوري وراح تشوفون مستواه

إقتباس هلا بك يالغالي وأشكرك على المرور بخصوص المدرب أنا والله خوفي إنه يعتقد إن فرق آسيا مثل الفتح ونجران والرائد

احلى وجهة نظر شفتها بالموقع

انا ضد جلب مهاجم اجنبي او محلي بشرط واحد

وهو تحلي لاعبي الهلال بالجدية في انهاء الهجمة .. وقتها صدقني تنسى ام المهاجم الاجنبي

لاتوهمون انفسكم بحاجة الهلال الماسه لمهاجم ..

قدام ام صلال الهلال لعب بمحورين والمدرب ماغير ابد .. وضع مختلف تماما

خلنا نلعب مع ام صلال الحين .. واضمن لك 5 صفر ..

ياناس الهلال مايحتاج مهاجم بشرط وجود الجديه في انهاء الهجمه

إقتباس الرسالة الأصلية كتبت بواسطة غزاوي الهلال السلام عليكم اخي العزيز اولا قبل ان اكمل قراءه موضوعك والرد عليك تمنيت ان اجد السلام او البسمله واتمنى ماتغفل عنهم وشكرا

يمكن نسيت لإني ماني طايق أشوف مواضيع بعض الأعضاء اللي قاعدين يطبلون لنيفيز رغم أن خانته لا نحتاجها

ولا يهمك يالغالي

السلام عليكم ورحمة الله وبركاته

إقتباس صج لسآنك وانا اتفق معك بكل كلمة ,, يآخي الهلال الموسم اللي راح ما شفنا ولا هدف من برا المنطقة .. بالتوفيق للزعيم ومشكور اخوي

وين الموسم الي راح بس
من بعد نواف ما شفنا صانع العاب مثل نيفيز
تحكم عالي جدا وتركيز عالي يعرف متى يهدي ويشوت ومتى يسحب ومتى يسرع اللعب ومتى يبطي اللعب
والله المشكله في نيفيز هي التوقف فقط لا غير
راح نشوف بعد فتره وش راح يسوي نيفيز

إقتباس يمكن نسيت لإني ماني طايق أشوف مواضيع بعض الأعضاء اللي قاعدين يطبلون لنيفيز رغم أن خانته لا نحتاجها

ولا يهمك يا غالي
الموضوع بالمفضله للتذكير فقط لا غير بعد فتره ليست بالطويله
وشكرا لك على وجهة النظر

شكرا لك اخوي
وأعتقد أن الأمير عبدالرحمن أحرص مني ومنك على الفريق
لذلك لا خوف على الزعيم في حضرة شبيه الريح

يشرفني .. أن أسند موضوعي القادم على موضوعكـ هذا ..

و هناكـ بعض الإستنباطات .. ستؤخذ من هنا ..

أتفق معكـ .. أشد الإتفاق .. ((( الهلال يحتاج مهاجم لاااااايرحم )))

كلامك عين العقل وكلام يدل على شخص يعرف نقاط فريقه من جميع الجهات

انا الصراحه مستغرب على فريق مثل الهلال لا يملك مهاجم اجنبي ذو بصبه كبيره

اتوقع اغلب الاعبين الاجانب في السنوات الماضيه كانت تنحسر على لاعبين الوسط

انا مع فلسفه بعض المدربين ان اذا ملكت الوسك سوف تمتلمك المباره هذا انا معه مليون بالمئه ومن هذه الخطه الهلال حقق بطولات كثيره ولاكن محليه الى الان لم نتكلم على بطوله اسيا البطوله التي اشتقنااااااااااااااااااااااا اليها كثيرا واتوقع انه حان الموعد ان يعود اللقب الينا بعد احرازنا نادي القرن في اسيا

يا طويل العمر نريد مهااجم يصنع من نفسه الفرص كيف اذا اتااحت له فرصه اكيد سوف يستغلها انا اشوف ان مركز الوسط مرصع بالنجووم والبديل جااهز وبنفس مستوى الاعب الاول اتوقع لو نبعد تايجو لانه الى الان لم يقدم المستوى المامول منه ابد الصراحه لا احد يقولي سجل ثلاث اهداف اتوقع الهدف الوحيد الذي سجله من مجهود فردي ويحسب له هدفه الاخير امام الحزم اخوي صاحب الموضوع تكلم على ويلي وانا معه مليوون % ولا اريد ان اعيد الكلام
نريد مهااجم اجنبي خطير مهااجم من الدرجه الاولى
اخيراً اتمنى ان نرفع الكاس هذاه السنه معك يا ابو فيصل وبين جماهيرك وفي ارضك بعد تقديمكم استضاافه نهائي اسيا

بالتوفيق لنادي القرن في اسيا

و الله موضوعك مدري وش يبي صراحة !!!!!!!!!

تبون تلغون عقد نيفيز و هو توه ماله كم مباراة و الآن بدأ ينسجم مع الفريق


و طيب تبي مهاجم اجنبي ؟؟؟ ( يكون بعلمك لاعبين الوسط اللي عندنا اهدافهم ما يسجلها اكثر المهاجمين ) حتى ياسر ما ياكل عيش مع لاعبين وسطنا

هذاكم العام شبيتوا على ابو الادارة بطلب مهاجم محلي ( و جابلكم ابو فيصل عيسى ) و هذا هو ما يشمها اساسي

مشكلتكم يا جماهير الهلال فسقانين ( و الله نمتلك خط وسط و هجوم قوي )

بس تبي تحس بالمعاناة رح شجع اي فريق ثاني ( غير الاتحاد ) و تحس بالمعاناة صح

- اللهم لا شماته -

إقتباس الرسالة الأصلية كتبت بواسطة ابيدال العــرب 4 قول امين .. الله يشفيك , يعني انت شايف الكم الوافر من هالاهداف وماتنتهي مباراه الا بالاربعه والخمسه .. وتقول تبي مهاجم ؟ طيب ياخي اعتبر نيفيز مهاجم , وترى نيفيز لو لعب مباريات اكثر غطى على ياسر وعلى الصويلح نيفيز من نوعية لاعبين الوسط الهدافين . زي ابو شروان لاعب حسه التهديفي عالي , بعدين بقولك مثل : اللي تعرفه احسن من اللي ماتعرفه .. لا نتورط في لاعب اجنبي مقلب ونقول اااه يانيفيز .!! بعدين كان عندنا مهاجم مكينة اهداف ماشاء الله عليه , والجمهور الهلالي ( المبزرة منهم ) طالبو بالغاء عقده اللي هو رودريقو الفان . تخبر كان اقل شئ يجيب هدف في كل مباراة , وطالبو بالغاء عقده لانه مايعطي كعب و لا كبري زي التائب الخائب اللي بس فالح في الاستعراض . وللأسف عقلية الجمهور الهلالي ( المبزره منهم وهم الاغلبيه ) يبون كبري وكعب وبيض عيون ,

آمين الله يشفي الجميع

شف الله يصلحك ترى دوري أبطال آسيا ماراح تقابل الفتح ونجران والرائد

راح تقابل فرق لها صولات وجولات البطولات الأسيوية