اخواني اعضاء وزوار المنتدى
السلام عليكم ورحمة اللله وبركاته
هذه القصيده اهداء من والدي الشاعر الكبير محمد بن جالي القثامي المعروف شعرياً بأسم (محمد البرقاوي)الى جميع محبي الهلال في جميع اقطاب الدنيا وبشكل خاص لصاحب السمو الملكي الأمير الشاعر عبدالرحمن بن مساعد وجميع من ساهم في حصول الهلال على لقب نادي القرن في آسيا من اعلى سلطه رياضيه الفيفا لللإحصاءآت وهناك محاوله لأنزالها بالصوت والصوره لاحقاً بأذن الله عسى ان تنال رضاكم
يا شعري اللي معودني بروس الطوال
تعال أنا وأنت نرقى روسها حيد حيد
***
وليا تعليت في قمة طويل الجبال
ولبست للقافية والوزن ثوبِ جديد
***
انقش على أعلى صفاةٍ صمه أسم الهلال
نقشٍ لوأ تبيد خلق الله حشى ما يبيد
***
خل الحقيقة تفيض وتندمج فالخيال
والمجد يلبس من الدانات عقدٍ فريد
***
تفخر ربوع السعودية على كل حال
وأقول عاش البريد وعاش ساعي البريد
***
اللي يجيب العلوم الصاملات الثقال
منها تبين السعادة فالنهار السعيد
***
وان قالوا الناس راح العيد قل لا يزال
جانا قبل ننتهي من زحمة العيد عيد
***
شف نادي القرن صال بدار فيفا وجال
أعطاه شيء مفيد وجاب شيء مفيد
***
جاب الجواب الصحيح اللي يحل السؤال
فعلٍ ينومس ويبقى فخر وقتٍ تليد
***
حلمٍ تحقق مع النية وعزم الرجال
من وقتنا لين تاصل حقبة ابن سعيد
***
واليوم نقطف رطب عذقٍ بالأغصان مال
تشهد عروقه وجذعه والسعف والجريد
***
من يشبهك يا هلال المجد رمز الجمال
واللي يقودك عسى عمره سعيد مديد
***
أول قصيدة فخر سطرتها فالهلال
وأقول من عقبها وش حاجتي للقصيد
المساهمون في العمل
:::الصقر511:::..:::عقيد هلالي:::
وشكر خاص لوالدي الشاعر محمد البرقاوي
تحياتي
الوضع الشجري
