من ينتقد ياسر نقد هادف اهلا به .. ومن ينتقد غير ذلك لاي سبب من الاسباب فهذا انساان الله يهديه ..

وانا معك 4 اهداف في 8 مبارياات معدل مو بطااال وابو سعيد باذن الله قادر على تسجيل اكثر .. والعوده اقوى من السابق بعد توفيق الله ...

ياسر نجم كبير ولا فيه احد كامل ومهما كانت الانتقادات يبقى ياسر ياسر شوف لو ما يسجل يكفي اسمه فالملعب وهيبته

كلام مرفوض ليش تتكلم انت وياه على ياسر

جالسين تاكلون وتقيمون على كيفكم

ياخي تبي الصراحه..

الاهداف اللي جابها ياسر ما تسمى اهداف [ راجع الاهداف ]

وبعدييين ياسر يتفلسف قدام الباب

إقتباس بالله عليكم اليس هذا الانسان هو بشر ام ماذا ليس الا بشر يحتاج الى راحه

طيب ماشفنا الراحه جايته ياخي عطو المحياني والصويلح والعنبر فرصه !!

حتى وهو منكسر اصبعه مشارك

تسلم على الموضوع يالغالي...


انا مدري وش يحسون فيه اللي يقولو ياسر اناني....

ذكرتني بواحد دق على شباب تاكين ينتقدون لعيبته وقالهم وش تبربرون فيذا وصارت سالفه هههههههه (عفوا)

ماعلينا عموما اخوي انا معك وضد اي شخص ينتقد بسخريه او باسلوب غير رياضي لكن انا ايضا ضد جماهير اللعيبه

وانا من المنتقدين لياسر واقول انه ما رجع لمستواه الطبيعي ولا اقترب حتى ولكن عندي امل فيه لأنه لاعب يمتلك مهاره عاليه
محد ينكرها وتتوقع منه العوده بأي وقت .. انا ملازمني هذا الشعور من الموسم اللي راح والى الآن متمسك بالامل هذا واتوقع الفرصه الأخيره لياسر يثبت ان الهلال مو بحاجه لمهاجم اجنبي هي الثلاث مباريات الجايه والكوره بملعب ياسر انا اتمنى انه يسكت جميييييييع من انتقده واولهم انا بس يرجع المهاجم المرعب اللي شفناه في 2007 ياليت ترجع تكتب موضوع عن ياسر بعد المواجهات القادمه وتقول الحق بمستواه وقتها ..

تحياتي,

أولاً نحمد الله على مايتمتع به فريقنا من روح وثابه وأداء رائع ,,,

ثانيا ياسر بفضل الله تعدى الأزمه اللي مرت فيه وفي طريقه للعوده بقوه مع ان المسأله ماكانت تحتاج لكل الوقت هذا ... بس وش نقووول ؟؟!!

المشكله عندنا ,, مشكلة ثقافة لاعبين وكيف يتعامل مع الضغوطات اللي يواجهها

أذكر على سبيل المثال ,,, في كأس العالم 2006 عندما حصلت المشكلة بين روني وكريستانو رونالدو

بعدها ... قامت انكلترا ولم تقعد ,,, تهديدات بالإيذاء والشتم إلى درجة التهديد بالقتل ليس فقط من فئة قليلة ... بل من الجميع ... حتى من مشجعين المــان !!

ومع أول مباراة له مع المان كانت الهتافات ضده من مدرج فريقه ,,,, ولم تحتاج المسأله من كريستانوا اكثر من مباراة واحده حتى أجبر الجميع على التصفيق له بفنه ومهاراته.

ياليت لاعبينـــــــا يتعلموووووون


صورة مع التحية لياسر القحطاني

وين الي يفهموون يااخوك

الي ينتقد زي الناس وباسلوب محترم مثل
نعم انا هلالي

إقتباس ذكرتني بواحد دق على شباب تاكين ينتقدون لعيبته وقالهم وش تبربرون فيذا وصارت سالفه هههههههه (عفوا) ماعلينا عموما اخوي انا معك وضد اي شخص ينتقد بسخريه او باسلوب غير رياضي لكن انا ايضا ضد جماهير اللعيبه وانا من المنتقدين لياسر واقول انه ما رجع لمستواه الطبيعي ولا اقترب حتى ولكن عندي امل فيه لأنه لاعب يمتلك مهاره عاليه محد ينكرها وتتوقع منه العوده بأي وقت .. انا ملازمني هذا الشعور من الموسم اللي راح والى الآن متمسك بالامل هذا واتوقع الفرصه الأخيره لياسر يثبت ان الهلال مو بحاجه لمهاجم اجنبي هي الثلاث مباريات الجايه والكوره بملعب ياسر انا اتمنى انه يسكت جميييييييع من انتقده واولهم انا بس يرجع المهاجم المرعب اللي شفناه في 2007 ياليت ترجع تكتب موضوع عن ياسر بعد المواجهات القادمه وتقول الحق بمستواه وقتها .. تحياتي

يعني انتقاد مافيه تجريح والا فيه تسفيل في اللاعب

مو جايك واحد امس يقول ياسر اذى حمام الاستاد !!

ياسر مستواه طايح شاهد كم كوره تجيه داخل الصندوق وبمواجهت مدافع واحد وماذا يفعل ياسر

عك كروي داخل الصندوق ومن السهل تخليص المدافع للهجمه

اين القناص اللي من اصعب الفرص يجيب لك قول

مهمه ياسر تسجيل الاهداف داخل الصندوق واللي نشوفه احنا تسحيب بالفريق داخل الصندوق لين تنقطع الكوره وبدون خطوره على المدافعين


نتمنى عوده ياسر لمستواه المعروف تخليص الكوره في الشباك وبدون فلسفه كرويه

في مباراة الحزم .. فيه هجمة المفترض إن ياسر يمـرر الكره

عنده ولهامسون ، ونيـفيـز ..

ويشوف الكوره وإلى الحين ما طاحت ..

للاسف معك حق ان بعض الجماهير تحاول ان تدور على الاخطاء فقط ولكن تنسى تحركات الاعب تمريرات الاعب مهارات الاعب فكان همهم الاكبر ياسر سجل او لا واذا سجل هدف قالوا كوره مقشره او ضربة جزاء وبالاخير ياسر من مباراه الى مباراه يتحسن والي يقول حطوا ياسر احتياط لكي يرجع الى مستواه فهذا للاسف لايفهم كوره اطلاقا فاللاعب يحتاج اكبر عدد الى مباريات لكي يعود واقرب مثال محمد الشلهوب الموسم الماضي احتياط فكان قليلا يشارك بشوط الثاني ولكن لم يؤدي المستوى المطلوب ولكن هذه السنه الشلهوب لعب بصفه مستمره اساسي وهذا ماجعله يرجع الى مستواه فالدكه ليس بشرط لكي يرجع الى مستواه فربما تحبط الاعب نفسيا وهذا راجع للاعب نفسه
جمهور الهلال اعلم انكم تحبون ياسر وتريدون له الافضل وتريدون ان يكون افضل لاعب في كل مباراه فصدقوني ياسر الان عاد الى 60 الى مستواه وسامي الجابر شاهد على كلامي وقالها سامي ياسر في مباراة الاهلي كانت جيد الى حد ما ومع الفتح جيد جدا فالاعب ربما يكون في غير يومه في هذه المبارا ومعرض لاانخفاض مستوى وتجده في المباراه القادمه افضل مستوى هذا ماقاله سامي الجابر عن ياسر ؟؟؟؟ هل يعني ذالك ان ياسر مجامل ايضا من قبل سامي !!!!!!!!
بسيروا جامل ياسر كوزمين جامل ياسر والمدرب الحالي جامل ياسر والمدري الفني جامل ياسر وعبد الرحمن بن مساعد جامل ياسر هنيئا لك يا يايسر على هذه المجاملات !!!!!!!!!!

اي كعب واي كبري

ياسر مهاجم يا عزيزي .. راس حربة .. ويلعب لأقوى نادي في السعودية
يعني أقل شي بالدوري لحاله لازم يجيب عشرة أهداف على الأقل .. ما نقول عشرين ويصير هداف .. نبي على الأقل منه عشرة أهداف ..

الشلهوب وسط وصار هداف الدوري .. أين ياسر من هذا كله !!!

أما من ناحية مراعاة مشاعر ومادري كيف ..

الهلال ليس مكان لعلاج النفسيات والتقلبات في المستوى

في الهلال الجاهز يلعب .. القادر على التسجيل يلعب


تقبل تحياتي

لو إنّك مافتحت الموضوع احسن
بس يركزون على الاخطاء وينسون اللي سوّاه لهم
وحتى يوم يطقطق في الكورة برجلينه الجمهور قاعد يصايح ( أوووووووه ) اما الحين ينتقدون
جمهور غريب