نادي الهلال السعودي - شبكة الزعيم - الموقع الرسمي

بســـــــم الله الرحمـــــــــن الرحيــــــــــــــــــــــــــم
والصلاة والســــــلام على اشرف الانبياء والمرسلين نبينا محمد عليه وعلى اله وصحبه اجمعين امابعــــد:
ابارك للجمهو الهلالي العاشق والمنتمي الى قارة الهلال الابداعية على الفوز والمستوى الاكثر من رائع الذي قدموه لنا في مباراة الحزم الدورية واتمنى من الله العلي العظيم ان تتواصل الابداعات الهلاليه وان تتضافر الجهود لكي نصل الي مانتمناه.....
موضوعي الذي اطرحه بين ايديكم هو يخص حضوري لمباراة الحزم التي كسبناها ولله الحمد برباعية جميله والتي سطرها ابطالنا اللاعبين الذين كانوا بلا استثناء عند حسن ظننا وانشاء الله الى الامام دوما ودائماً لن اطيل عليكم
موضوعي سوف اعنونه تحت مسمى (مقتطفات من مدرجـــــــات جمهور نادي القرن الآسيوي)
_________________________________________________________________

ربما يتبادر الى الذهن سريعاً انني سوف اعيب في هذه المدرجات ..........................لما اكن ولن اكون ممن يعيبون في هذه الجماهير الوفية وانما ماسوف اكتبه هو نقل للمشاعر الهلاليــــــــــــــــــــة التي تتمنى دائمـــــا
من زعيمها ان يظهر بحلته المعتاد عليها الجمهور اليكم هذه المقتطفات واتمنى ان تحوز على رضاكم واستحسانكم
_________________________________________________________________

المقتطفة الأولى:
كنت من بين الجماهير العاشقة التي تزحف وراء زعيمها وعندما كنت في الصف المخصص لبيع التذاكر قبل بداية المباراة بدقيقتين فشد انتباهي طفلاً لم يتجاوز ال11 من عمره يقول لوالدها وهو في شدة الانزعاااج (اعذروني بقولها بنفس الطريقة التي نطق بها)
(بابا ليش جبتنا متاخرين كان ودي اصفق للاعبين قبل ماتبدأ المباراة .... والله قهر)
هذا كان حديث صاحب ال11 سنة اي انه لايزال في طور التعلم والنضج الم يكن في بداية الطريق فشدني هالموقف
بشكل فظيع لانه موقف بصراااحه يعبر عن عشق لهذا الكيااان والصرح الشامخ في كرق القدم الاسيوية.... الله يحفظه لوالديه
_________________________________________________________________
المقتطفة الثانية:
عندما دخلت للمدرجات كنت في الجهة المقابلة للرابطة الهلالية وكنت ابحث عن اخي الذي سبقني للملعب وعندما كنت
منشغل بالجوال أتت الاصابه الخفيفه التي تعرض لها المقاتل الهلالي (الله يخليه لعين ترجيه) اسامه هوساوي فلم اجد نفسي الا وامامي شخص امتلأت عيناه بالدمع فقلت في نفسي(يارب سترك جاي والملعب وتشجع الهلال ومدمع ....يالبى حبك ياهلال) الا ووقف بجانبه صديقه وقال له(لاتخاف ياخوي لاتخاف رجال بيقوووم اعرفه ابوكلبشه بيقوم هدي نفسك ..... اخذ شهيقا شديدا لدرجة انه جاء في بالي (من باب المبالغة لاكثر ولااقل) ان الاوكسجين الذي في الملعب سوف ينقطع بسبب هالشهقة.......... فيالله على عشق ياجمهور الهلال ... تدمع العيون من اجل لاعب من لاعبينك اجل كيف لوكانت خساره الله لايقولها يارب......... فهنيا للهلال بها الجمهور
وهنيا لنا بهالنادي.....
_________________________________________________________________
المقتطفة الثالثة:
وبعد عناء شديد استمر لمدة 10 دقايق وصلت للمقعد الذي يجلس عليه اخوي (يعني راحت من المباراة قرابة ال15 دقيقة)المهم اني بعد ان جلست قال لي اخوي (وش فيك تاخرت؟) قلت له : الحمد لله اني اشجع هالنادي (اخوي استغرب من هالجملة وسكتنا لنتابع المباراة) الحاصل انه اثناء متابعتي للمباراه كان بجواري شاب هلالي متحمس
وفي نفس الوقت ماشاء الله عليه (باين انه في ال20 من عمره ) حافظ تاريخ النادي حفظ ومتابع لكل صغيره وكبيرة تخص بنادينا الكبير (الهلال) المهم انو ماشاء الله عليه هلالي هلالي وكان معه ثلاثه من اخويانه المهم بعد حوار واخذ وعطاء معه اكتشفت انه يمتلك عقلية ناضجة بشكل لايصدق (ليش اقول انه لديه عقلية ناضجة ؟ الحين
تعرفون ليش؟)استغربت منه في امر ما كان يقوم به (كل شوي يلتفت وراه .....من كثرة مايلتفت قلت في نفسي (لواني انا وراه بقوله في شي يالطيب) الحاصل انه اكثر من الالتفات جاني فضول الا اساله وفعلا بعد تردد سالته
(يالغالي وش عندك كل شوي تلتفت عسى ماشر.؟) قال وهو مشدود الانتباه:(دقايق واقولك .... وبعد ان اتى الهدف الهلالي الاول ومع الفرحة بالهدف سلمت عليه وباركتله بالهدف قالي ( كنت اتمنى انو نيفيز اللي جاب الهدف (مو تقليل من الموهوب الشلهوب )بس لانه كان في شخص من اللي ورانا كل ماجات الكرة عند نيفيز يقول(الحين بتنقطع ...اوف الحين بيضيعها .... ويتأفأف)المهم قال اللي جنبي (ستغرب من هذا ... ماادري وش بينه وبين نيفيز
(وضحك)كل ماجات الكورة عند نيفيز حمق وعصب وتأفأف) ضحكت وقلت له( يارجال كلن وعقليته...مع الايام بيعرف انو لاعب مكسب لنا)وبعد ماجاء الهدف الثاني نفس الحكاية التفت للشخص اللي وراه ...... وهكذا حتى نهاية الشوط الاول....وهكذا حتى اتت لحظة ماقبل الهدف الثالث الا وهي تمريرة نيفيز المتقنه لويليهامسون والتي جاء منها البنلتي المهم التفتنا انا والرجال اللي جنبي هههههه وقلنا له بصوت واحد (هذا نيفيز اللي ماتبيه في الهلال)
المهم الرجال انخبص وماعرف وش يقووول وقاعد يصفق ويضحك ههههههه بصراحه احنا مالنا داااعي فشلنا الرجال المهم انو :dضحكنا وحزنا عليه بصرااحه الرجال معرف وش يقول المهم الحمدلله بعد البنلتي والشد اللي صار بعد ان عاد الحكم البنلتي اكثر من مره ارتحنا وبعد تصفيق حار للشلهوب وللهلال كعامة جلسنا وانطربنا باللعب
الين جاء الهدف المتعه من جد هدف الاعب البرازيلي نيفيزوالله هدف ماشاء الله اظهر فيه قدراته الحقيقيه ووقت ماسحب المدافع نقزنا فوووق ووقت الهدف دور للي جنبي راح عند اللي وراء يقوله الحين قوم وصفق له يستاهل
واللي وراء مسكين يصفق (عين على الملعب وعين على اللي جنبي)هههههه والله موقف ماانساه
ليش في بداية المقتطفة قلت انو فكره ناضج لانو كان صابر على نيفيز وعارف ان االلاعب جاي من الدوري البرازيلي وباقي يبيله وقت عالبال مايتاقلم مع اللاعبين والمناخ والاجواء الرياضية هنا بالسعودية
فهنيا لنا بمثل هالعقلية التشجيعيه بالملعب وهنيا لنا بهاللاعب اللي له مستقبل مع الهلال (نيفيز)
_________________________________________________________________
المقتطفة الرابعه والاخيره:
مااثر انتباهي هو الرابطة الهلالية بحماسها وتشجيعها اللا منتهي ولكن احزنني في نفس الوقت الاهازيج التي يرددونها لا اقول كلها ولكن معظمها لماذا احزنني الوضع؟؟(انا سوف اقول لكم لماذا؟)
هل وضعنا هلالين ونادي قرن لاكبر قارة في العالم ونادي له الشعبية الكبيرة التي شاهدناها في كل مدن المملكة يسمح في ان تقوم الرابطة (والله مااغفل حقهم ولا وقفتهم مع الهلال في كل مدن المملكه والله انهم سبب رئيسي بعد
الله في تميز الهلال في المباريات)ولكن هل نقبل كنادي للقرن ان تكون الاهازيج التي نرددها ليست لنا وانما لاندية شقيقة اخرى ..... نحن كنادي له شعبيته واستقلاليته لابد ان تكون له اهازيج خاصة ولاتخص الا نادينا هذا
ندائي لرئيس رابطة المشجعين نشكرهم من كل قلوبنا ولكن نريد التميز في كل شي (اللعب ,الصدراة.لامتاع,الابداع...
حتى التشجيع )
_________________________________________________________________
هذي مقتطفاتي التي امل من الله العلي العظيم ان تحوووز على اعجابكم واستحسانكم لاني والله ماكتبت هالموضوع الا من عشقي اللامحدود لها الكيان الهلالي في الختام لا يسعني الا ان اشكر الله على الفوز وثم اشكر كل الجمهور
الذي حضر المباراة ولا نعتب على الذين لم يحضروا وانما نقول لهم (الهلال بحاجتنا في كل مباراه ..فكونوا في الموعد) ولاانسى ان اقدم اسمى وارقى ايات التهاني والتبريكات للامير المحبوب والعاشق الهلالي المولع بحب هالكيان
اميرنا الذي نجعله تاجا على رؤوسنا الامير<عبدالرحمن بن مساعد>حفظه الله على الفوز ومواصلة الصدارة ومن احسن لاحسن انشاء الله..............ز الف مليون مبروووك لجميع الجماهير الهلالية على الفوز والى الامام دائما
_________________________________________________________________

تقبلوا موضوعي ومشاركتي ولكم مني كل الحب والود والاحترااام ولايسعني الا ان اقول لكم:
<انتظرووا اخوكم الصغير في مواضيع قادمة ولكم مني كل الامنيات والدعوات بان يكتب لكم الله السعاده دائما>

محبكم واخوكم وعاشق ناديكم
<ثقة بلا غرور...20>
dody alone angel

دمتم للهلال ودام الهلال لنا

وصلى الله على نبينا محمد عليه وعلى اله افضل الصلاة واتم التسليم