تصويتكم يا زعماء لأفضل لاعب في الأسبوع الثامن ( مشاركات مدموجة ) - صفحة رقم 20 - نادي الهلال السعودي - شبكة الزعيم

&.البرنس.& · #286 03/11/2009, 03:51 PM

يا شباب خل نتفق على لاعب واحد عشان ما تروح لغيرنا

بورتريه · #287 03/11/2009, 05:21 PM

بسم الله الرحمن الرحيم

طبعآ آنآ ماعرف للمقدمآت آبـد

وبعدين مرتبك اول مرة اكتب موضوعين في اقل من 24 سآعة.

آلمهم نــدخل في الموضوع...!

طبعآ من بدآية جولات الدوري السعودي والفريق ماشاء الله متميز على بشكل عام ونتآج هذا التميز هو تصويت الجماهير للافضل فريق وافضل لاعب في جولات الدوري السعودي.

حيث حصل الفريق على افضل فريق في اغلب جولات الموسم وكذلك لاعبين الهلال.

وحيث ان هذا التصويت دعم خزينة النادي بمبلغ اعتقد انه وصل لـ700,000

وهذا مبلغ جدا رآئع ويفيد الادارة الهلالية في رواتب الاعبين ومكافائات الفوز.

كذلك الاعبين اعتقد ان 5 لاعبين من الهلال سبق وحصلوا ع الجآئزة طبعا الاعبين موفي حاجة الـ50,000 ولكن هي معنوية اكثر من كونهآ مادية .

طبعآ آحنآ كجمهور يهمنا بالمقام الاول ان يحصل الفريق على جائزة افضل فريق بالجولة وان يحصل اي لاعب في الهلال على احسن لاعب في الجولة بدون استثناء.

انا اعرف ان الاعب محمد الشلهوب

يستحق افضل لاعب في الجولة ماشاء الله عليه الله لايضره انشاء الله.

بس شووفووا هذا التصريح.

إقتباس


	تبرع السويدي ويلهامسون المحترف في صفوف الفريق الأول بنادي الهلال السعودى بمبلغ خمسين الف ريال لصالح جمعية الأيتام ( إنسان ) وهي الجائزه التي حصل عليها بعد حصوله على أفضل لاعب في الجوله الأولى من دوري زين السعودي للمحترفين جاء ذلك التبرع تفاعلاً مع حضوره للمؤتمر الصحفي الذي اقيم السبت لإطلاق برنامج موبايلي الهلال الإنساني ( من واجبنا) .وأكد ويلهامسون انه يريد أن يكون جميع لاعبي الكره قدوه للجميع من ناحية الإهتمام بالجانب الإنساني مثل ماعمله بالتبرع وهذا شيء مهم جداً . واشار إلى انه يشعر بسعاده متناهيه بهذا التبرع وأنه أقدم على هذا الشيء القليل للأيتام ل مساعدتهم.وانه سيقوم بهذا العمل في كل مرة يحصل فيها على جائزة افضل لاعب في اي جولة من مسابقة الدوري السعودي

طبعا هذا كآن تصريح الاعب ويلهامسون بعد تبرعه بجائزة افضل لاعب في الجولة الاولى من الدوري والاعب قال كذا وفي اول جولة عشان يحث الاعبين على الاقتداء به والتبرع لصالح الايتام وهو ناوي يتبرع بالمبلغ في كل مرة يحصل فيها على جائزة افضل لاعب في الجولة.

طبعآ في حالة انه احد منا رشح السويدي ويلهامسون وهو عارف ان السويدي راح يتبرع بالمبلغ ونيته للخير ولمساعدة الايتام فاعتقد انه مآجور

احنا مايهمنا لاعب بعينه اهم شى يفوز فيها لاعب هلالي وانشاء الله يفوزهو وانت تفوز بالاجر من الله.

وانا اظن بل اعتقد بل اجزم بان ويليهامسون لو فاز في الجولة هذه بافضل لاعب وتبرع في المبلغ مرة اخرى راح يحذوا كثير من لاعبين الفريق حذوه وربما من الفرق الاخرى كذلك.

وبكذا يكون الجميع رابح بآذن الله.

وانا شخصيا صوتت لويلهامسون وسأصوت مرة اخرى .

آهم شى النية النــيــة..
ـــــــــــــــــــــــــــــــــــــــــــــــ

آلنقطة الثانية:

رآبطة الفريق ومآآدرآك مآ الرابطة..!!

الجهور في كل مبارة ماهو مقصر يحضر ويساند الفريق في كل مكان بالمملكة بس فيه مشكلة في الرابطة مو قادرة تسوي حماس في الملعب مثل جمهور الاتحآد.

طبعآ السبب اولأ واخيرا عدم وجود صيحات جديدة ..!

من يوم اشجع الهلال ومافي غير ..

ياهلال عزك عزنآ....ياهلاااال.

طبعا رئيس الرابطة مادري ليش موقادر يجيب اهازيج جديدة..!

المهم حل هذه المشكلة واحد من اثنين.

اولا:يشيلوا رئيس الرابطة الغندور ويجيبوا واحد صااحي فعلا مثل القرني .

ثانيا:اعطونا شخص نقدر نتواصل معاه كجمهور ونعطيه اهازيج يوصلها للرابطة طبعا انا مو من الرياض لو كنت بالرياض وامسك الرابطة قسم بالله لاقلب الملعب قلب.

والله شخصيا عندي اكثر من اهزوجة للزعيم بس مادري لمين اوصلهآ.!

وانا متاكد ان اي واحد فيكم لو يجلس يفكر 3 او 4 دقائق راح يجيب اهزوجة احسن من الى مع الرابطة الف مررة.

اتمنى اي واحد مسؤؤل في الشبكة ويقدر يوصل صوتي للرابطة يراسلني ع الخاص وراح افيده اكثر..

وعلى دروب الفوز والزعامة دوما نلتقي.

سلنقر · #288 03/11/2009, 05:33 PM

..

السلام عليكم جميعا

أفتكينا !!

اسف على الكلمه في مقدمه الموضوع

لاكن فعلا افتكينا

افتكينا من وضع ايدينا على قلوبنا في كل مباراه للهلال في الموسم الماضي

حيث كان الهلال طول المباراه لا يستطيع او يجد صعوبه في التسجل من اضعف الفرق

اما الان مع الطرق الهجوميه الهلاليه << عادت هيبه الزعيم

وقالها رئيس الحزم قبل المباراه مع الهلال الان الهلال اختلف عن المواسم الماضيه واصبح لا يفكر الا بالهجوم

والله يعينا

والحمد الله

ومناسبه هذا الموضوع هو الجائزه

انا مدري اتعجب منكم

المفروض ان الجائزه تروح للافضل في الجوله وليس للتكريم والتحفيز << الي يمكن تخدر الاعب وتغشه

يعني انا سمعت ان فيه جماهير تبي تصوت لنيفيز مع تألق الشلهوب !!

ولا تصوت لرادوي مع اني شفت منه هفوات باللعب كاد الحزم ان يسجل في عمق الملعب !!

انا هنا ما انقص من نيفيز مع انه سجل هدف رائع لاكن فيه من افضل منه باللعب طوال المباراه

يعني خلوكم ياجماهير ((((((((( حقانين ))))))))) وصوتوا للافضل علشان ما يحس الاعب بالغبن

يعني لو مثلا قال الفريدي انا بالجوله القادمه بسوي مجهود علشان اخذ الافضل

تتجون انتم تصوتون للكوري << وانتم قصدكم تكريم له وهنا يحس الفريدي بالظلم

وانا اتوقع لكل مباراه لها لاعبها

يعني انا اتوقع رادوي بيكون الافضل في مباراه الشباب لان وسطه قوي ومالها الا رادوي

وكذا................

يعني لو احد غير الشلهوب اخذ الجائزه بهذي الجوله تراكم ظلمتوه !!

ودمتم بصحه

..