اهم شي الفو ولله الحمد ... وان شاءالله ياسر من مباراة لمباراة يتحسن ولله الحمد ونتمنى التوفيق لكل لاعبين الزعيم

إقتباس الرسالة الأصلية كتبت بواسطة هلالي وافتخر والله ياهو رفع ضغطي اليوم .. ضيع فرص قسم لو ادخل انا بالملعب على طول قوول ... بس مادري وش يبغى يثبت هاللاعب يعني يبغى يسجل هدف يدخل في تاريخ قينيس للقياسات مدري وش اسمه .. ولا ايش ؟؟ ليه يعقدها على نفسه وهي ما تستاهل ؟ والله طلع نخل براسي بسبة ذا اللاعب

شعوري مثل هلالي وافتخر
ولاهنت ياكاتب الموضوع كلام عقلاني
شكراا

إقتباس الرسالة الأصلية كتبت بواسطة WAW 879 ياسر اناني وياليت يذوق كرسي الاحتياط الفريق حالياً يلعب بتعاون واضح وجماعية طاغية ويأتي ياسر ليخدشها بأنانيته وبعد ضياع الفرصة تشاهد ابتسامته التي تعودناها بعد ضياع الفرص السهلة مللنا ذلك ونتمنى ان يجلس على كرسي الاحتياط او يلعب مع زملائه بجماعية تحياتي

والله غريب كلامك طيب ويلي جته فرصتين وكان نيفيز فاتحله صح والكل شافها ويلي سدد على المرمى وضيعها يعني نقول عنه اناني ولا كيف بالعكس كان يبي يسجل لكن مو قصده انه يكون اناني وهو الي يبي يسجل بس وش رايك نقول حطوه احتياط عشان ثاني مره كل الكور يناول ومايسدد!!!!!!!

ان سدد قلتو لو عدا ولو عدا قلتو ليه ماناولها للاعب الثاني وان غمض عينه اليمين قلتو ليه ماغمض عينه الثانية


ياعالم وش تبووووون من هالآدمي

بدايت الخير قطره وهذا يا سر راجع بس اصبرو شوي

يبون كعب زي التايب ولاكبري

ياخي الناس هذي وش فيها مدري وش يحسون فيه

يبون اي شي على كيفهم

.................................................................

::

طيب ممكن تسمحون لنا نحلم
ومن أحلامنا إنه ينصك في المدرجات

ونعطي فرصة للمحياني وللصويلح وللكلثم
عيسى احتياطي وسجل أهداف قريبة لأهدافه
والصويلح أكثر منه أهداف وهو احتياطي دائم واصيب قبل كم مباراة

مكسور اصبعه ويلعبونه
ولا لعب لعب زي وجهه مثل أمس قالوا مرهق
ولا طالبنا به احتياط ثالث قالوا مانرضا

يعني أبي أفهم
هل عيسى أخذ جزء بسيط من فرصته

ولا ومسجل بلنتي ومزعجينا يقولون عاد لمستواه
شوف شكله يوم يرتقي قبل البلنتي هذا ارتقاء واحد ناوي يسجل هدف
وحركة راسه ومغمض عيونه

وإلا يوم سحب جلنط في آخر المباراة
وين رايح تبي المدافعين يوخرون عنك ويفتحون لك الباب

هو يحوق
وإنا تنحرق أعصابنا
ونجي نبي نشوف كلام منطقي
قال ايش قال لاتسجل

حتى الأمير عبد الله بن مساعد يوم قال بنجيب مهاجم أجنبي بداله لأنه يحوق
قالوا عضو شرف يتكلم على اللاعبين في الإعلام

يالربع افتحوا عيونكم
الموضوع مايستاهل كل هالشوشرة
الاحتياط أفضل علاج
مع إني أحسه ماهو حل له

يتبطح وضامنها أساسي
ولاتفتح فمك بحرف

×

صدقت أخوي في طرحك عن ياسر

فهو مستعجل لتسجيل هدف لكي

يرجع الثقة في نفسه ولكن نحن كجمهور

نقول لك يا ياسر لا تستعجل على الهدف

فجمهورك عارف إمكانياتك

بالتوفيق

ياخي والله فيه نااس ماتدري من وين يفكر !!

الي يقوول ياسر يتنذل وماناول لازملائه كم مره!!

الحين مو انت داي تطامر ومسوي زحمه قبل المباراة وتقول يااسر مايسجل نبي ياسر يسجل الكل يقولون ياسر لازم يسجل!!

المستوى عندكم اذا سجل يصير فنان واحسن واحد في العالم؟؟

ياسر صار يحاول يسجل ولو بيده من كلامكم ولما حاول يسجل قلتو اناني !!!!!!!!!!!

ياسر امس قدم مباراة حلوة تحركاته كاانت خطيرة وهبل في المدافعين صح هو هذا مو نص مستواه لكن كل مباراة يتحسن

ومايرفع ظغطك الا واحد يقول خلاص ياسر ماراح يرجع انتهى !!!!!!

والله جمهور غريب وينكم يوم كان ياسر في عز مستوااه وكان الفقراوية يناهقون في المدرجات وكل واحد منكم متبطح في البيت؟؟

ولاشفنا رد ولا كأنه لاعبكم !!!!!!!!

واخر شي تقولون مستواه؟؟؟؟؟؟؟؟؟؟؟؟؟؟؟؟

الزبده خلو ياسر في حاااله مو كل مباراة لازم اكثر من خمس مواضيع ع ياسر ياسر يلعب مع 10 لاعبين غيره مو لحاله

واخيرا

اسف ع الاطاله هع

إقتباس الرسالة الأصلية كتبت بواسطة الحبـ لكـ وحدكـ ههههههههههههههههههههههههههههههههه الله يقطع شرك

ياليت تترك سوالف الاطفال عنك والخط بكبر عقلك وقدرك ويمكن اكبر شوي

أولا الناس الي يتركون جوهر الموظوع و ينظرون للتفاصيل التافه والصغيره خط صغير وماادري ايش هذا حجمهم والخط على كبر عقولهم كلام اطفال وتعليقات تدل على غبائهم
واتمنى من اي عضو عنده وجهة نظر او اضافه يعلق على الموظوع لامكان للتافهين
ثانيا اشكر كل من فهم ما اقصد وتفاعل مع الموظوع
والمهم عندي ان يصل المقصد لياسر

سدد قلتو لو عدا ولو عدا قلتو ليه ماناولها للاعب الثاني وان غمض عينه اليمين قلتو ليه ماغمض عينه الثانية


ياعالم وش تبووووون من هالآدمي

صـــــــــادق والله..

اعتبرهـ ووصل <<------ رااح يقوله
وابششششر كل الي قلـــته بيقرااهـ بعطيييه خبببر
سيووووو