بكــل بســـاطة .. طفشــونا
 

السلام عليكم ورحمة الله وبركاته مساكم الله بالخير كللل ابووووووكم << متحمس من فترة ماكتب مواضيع :s2:

انا بدخل في الموضع دغري بحكم انه ماعندي اسلوب:cry:

* انا مشجع هلالي .. حالي حال اي مشجع هلالي ثاني .. اتمنى ان فريقي يفوز في كل مباراة .. اتمنى احضر كل مباراة .. اتمنى افرح لكل هدف .. واتمنى افرح المدرب واللاعبين بمنظر الجمهور الكبير .. لكن ( مانيل المطالب بالتمني )

المقدمه هذي بتوضح الهدف من الموضوع ..

* اول شي من الموسم الماضي بعض الجماهير الله يهديهم بدأوا بترديد عبارة ( جمهور الرياض )

وانا صراحة اعارض المسميات هذي والتقسيمات ..

يعني لو واحد من سكان القصيم مثلا صادف وجوده في الرياض مباراة للهلال .. نقول له لاتحضر لانك موب من الرياض ؟؟؟؟؟؟؟؟

* اللي ابي اقوله .. ان جمهور الهلال في كل مكان في المملكة .. وراح يخدمون الهلال بكل اللي يقدرون عليه .. ومايحتاج التقسيمات هذي .. يعني لو مباراة في الشرقيه وانا فاضي ماعندي شي .. وش المشكله اني احضرها .؟؟

الهلال يستاهل اكثر وابو فيصل فديته يستاهل اكثر :wub:

ولايهونوون اللاعبين ..

شريت تذكرتين لي ولواحد من اخوياي وقررنا نحضر المباراة بكره من باب ( حق الهلال على جمهوره )

وان شاء الله ( جمهور الهلال ) في الرياض يكفوون ويوفووون ..

ياااخوان والله انتوا تتكلمون وانتوا ماتدرون .. تقولون جمهور الرياض مايحضر .. جمهور الرياض مزاجيين .. جمهور الرياض اتكاليين

والكلام هذا كله مرفووووووووووض :mad:

والله مالقينا الدلع اللي يلقونه جمهور الهلال برا الرياض :cry:

مويه .. اعلام .. فلين .. لوحات .. ومن زود البطره مدخلين الدلفين يحضر المباراة معهم :s5s:

وحنا هنا في الرياض .. مافيه شي من الامور هذي كلها .. حتى الحب ممنوع ؟؟؟؟؟؟؟؟؟؟؟؟؟؟؟؟؟:ranting:

يعني مثلا بطق العسكري بحب ؟؟ :s2:

ولا بأفلق الحكم بقشرة الحب ؟؟؟:razz:

نحن نواجه تطفيييش متكررررررر .. ولا من شاف ولا من دري .. مافيه تقدير للحضور .. مافيه احد يفكر في الاهانات اللي تصير .. صلوات تضيع بسبب العسكر اللي عند البوابات .. وبعد كل هذا يجيك واحد مصصفي الطبلوووون

ويقوول جمهور الرياض مزاجي .. وين مزاجي ياابو الشباب :ranting:


اعرف ان الموضوع هذا اشبع طرحا ونقدا وتقسطيا << لاعاد تذب مره ثانيه :laugh:

بس وش نسوي .. لازم نشرح لك مره ومرتين و10000 و10000000000 عشان نوضح لك المعاناة المستمره :cry:

وفي النهايه بالتوفيق لنادي القرن الاسيوي

وابشروا بالحضور اللي يبرد الكبد والقلب والمخ والعييييين :naughty:

دمتم زعماء

يرضيكم موضوعي لحاله كذا ؟؟؟؟:(

المشتهي يقطع المستوي ..

..

غبار + أمطار + زحمة غييير معقولة .. وع ذلك من العصر وحنا بالملعب ..
تخيل من الكلية ورصيت من الساعه 3 عند البوابة الى ما فتحوها .. عشان الهلال ..
يا ليييت ينقلون مباريات الهلال برى الرياض عشان تحسون بطعم الهلال ..

تحياتي لك ..

مافي فرق << كلنا نعاني من التطنيش

بس بالاخر كلنا جمهور الهلال

واتمنى اني اكون بالرياض قول الحمدلله ,, تشوفون الهلال بالموسم كم مره

اما احنا مره وحده لما يكون بمكه مع الوحده

وعشان خاطر الهلال نروح لجده في مبارياته مع الاهلي والاتحاد

بالعكس اشوف ان التسميه للتحدي فقط و استفزاز جمهور الرياض لأنه يحتاج تحفيز ليتفاعل و

يحضر .. أنا من جمهور الرياض اللي ما احتاج لدعوه و غالبا حاضر لكن فيه ناس يبيله عزيمه !!

كلامك عن التطفيش موجود من زمان وهو من الاسباب لكن أتوقع السبب الرئيسي لقلة الحضور مؤخرا كبر مدينة الرياض و زحامها الكبير جداا و بصراحة الرياض ما تنطاق هالايام !! و احلى ايامنا وقت الاجازات اذا خفت الزحمات و الناس سافرت .

بالتوفيق للزعيم .. تحياتي

تخيل .. مع كل الكلام اللي قلته انت .. ومع كل ردود الفعل اللي مفروض تصير ..

(جمهور الهلال) في الرياض لازال يحضر ويحضر ..

وينك يانيوووتن وييينك تشوف .وين اللي يقول لكل فعل ردة فعل .. مساوية لها في المقدار ومعاكسة لها في الاتجاه ...

(جمهور الهلال) يعكس هذا القانووون وردة فعله في نفس الاتجاه .. والاتجاه هو الملعب

والوعد الملعب بكره

تسمح لي اخالفك ..؟؟

اول شي .. الواحد موب مجبور انه يحضر مباراة للهلال ولاتفهم كلامي اني اقول لاحد يحضر ..

بس اللي اقصده ان الواحد يحضر مساندة لفريقه ويبي يستانس .. وحتى لو ماجات الوناسه وانهزم الفريق لاسمح الله .. وش اللي يحدني اتعرض لاهانه وناس تطفشني وتمنعني من الصلاه ؟؟؟؟


انت صدقني لو تحضر مباراة قويه للهلال في الرياض بتعرف وتشوف معنى كلامي

وانا اخوك مالنا منه في حضورنا لمباريات الهلال بالعكس هذا واجبنا وحق للهلال ولأبو فيصل علينا

تسلم ماتقصر .. وانا اكتب لمين ؟ ؟ ؟ << تحمس :laugh:


بالتوفيق بكره للزعيم وبالتوفيق للجميع

مرحبا اخوي :d:d:d
كلامك 100% من ناحية التطفيش في ملاعب الرياض :ranting:

تجي قبل المباراة بساعات ولاموية ولاعصير !! وفي الحر ومايجي وقت المباراة الا انت طافي ومالك نفس في شي لاتشجع وحتى تصفق !!

المنع من قبل العسكر للخروج للصلاة !! اتمنى ان ان تحل هذه المشكلة بالتنسيق بين الرئاسة العامة لرعاية الشباب وشرطة منطقة الرياض !

الأستفادة من خبرة ملاعب جده الدمام في مثل هذه الأمور

صدقت كلنا ( جمهور الهلال )

بس موب كل العسكر عكسر الرياض ولا كل الظباط ظباط الرياض

والله ياخوووك استقصااد وتطفيش وااضحيين

ومع هذا نحضر ( ومالنا منه على الهلال )

وانا اخوك مابعد اخر الليل الا الفجر .. بييسرها ربك عما قريب ان شاء الله

وبيصير لنا ملعب خاص فينا ونفتك من كل هالعوائق

تسلم اخوي

انت تشوفه استفزاز .. بس غيرك لا :yes:

موب معنى كلامي اني ازعل لا والله .. بس اخاف يصير في فتنه وتفرقه بين الجمهور

والتقسيمات هذي اثرها موب الحين اثرها يبين بعدين .. خلنا نقطع الشر من اوله

ونقووول كلنا ( جمهور الهلال )

وكلامك عن الزحمه والعوائق الثانيه .. تلقى لها حل .. اطلع بدري .. وتفتك

وظبط اموورك كلها قبل توصل للملعب وصدقني ترتاااح

وان شاء الله جمهور الهلال مايقصرون بكره << مشتري تذكرتين :naughty:

..

مع احترامي للي يقولون جمهور الرياض مايحضر:cry:

والله ماعندهم سالفه :s2:

غير المعامله السيئه اللي يشوفونها جمهور الرياض:cry:
......

وبعدين

يعني جمهور لقصيم مايجيهم الهلال لا مرتين فالموسم تقريبا ! :yes:

يعني مليون فالميه بيمتلي الملعب

لو النادي عندهم كان يقدرون يشوفون اللاعبين والنادي وما اتوقع الحضور راح يكون مثل كذا

عكس حقين الرياض اللي الهلال عندهم كل الوقت:wub:

متى مابغى يشوفه الواحد شغل الموتر وراح له:s2:


اعذرني عالمداخله ..:rose:


ويعطيك العافيه عالموضوع

ياابن الحلال ( تعودنا خلاص ) واللي يبون يطفشونا ميصرهم يطفشون ونفتك :s2:

ومثل ماقلت للاخوان كل شي في الدنيا وله حل ..

# حر = لاتثكر ملابس :laugh: .. # صبات = راااااااااحت الحين كراسي :ga:

زحمه = اطلع بدري ورح للملعب على انك تتمشى

والله كل شي وله حل .. والهلال حقه علينا كبيييييير

حبيبي حضرت الهلال والنصر الموسم الماضي اللي خلصت 1 - 1
وجاي من العصر وبالشمس واطلع صلي كل صلاة بوقتها .. وما فيه مشكله ..
صح ان الملز ما حضرت فيه الا مباراة وحد اللي هي الهلال والاتفاق قبل العام الماضي اللي فاز فيها الهلال 2 - 1 ومع ذلك ما اتوقع ان معاملة رجال الامن اللي بالملز اسوأ من معاملة رجال الأمن بالاستاد ..
عالعموم نختلف ونتفق ويبقى عشق الهلال يجمعنا ..
:)

ألف شكر لك وعلى كلامك الأكثر من الرائع

وش نسوي ؟؟؟؟؟؟


والله العظيم نجبر انفسنا على الحضور ونتحمل كله لعيون الهلال ولعيون ابو فيصل ولدعم اللاعبين .. تخيل لو استسلمنا للتطفيش ولا حضرنا ؟؟؟؟

بيواصلون تطفيشهم .. خلنا نواصل الحضور وانا اوعدك بينتهي تطفيشهم :s2:

ياحنا .. ياهم ..

وبالنسبه للصلاه صدقت لازم يشوفون حل لوقت الصلاه .. والله الوضع ماينسكت عليه ان شاء الله يلقون حل ونفتك :mad:

انا مااكذبك .. بس حكمت على سلوكيات رجال الامن من مباراة وحده بس ؟؟؟

يمكن العكسر ذيك المباراة منزلين لهم الرواتب ولا مرقين ظابطهم :laugh:

بس والله شي ماينسكت عليه .. مااخس من عسفان الا قديد مدري قديد وعسفان

المهم ان كلهم اخس من الثاني :ranting::mad:

انا ماقول لك نختلف .. انا اقول لك مانختلف ان شاء الله .. ياعيني على هيك اسلوب :ba:

تسلم

تصدق .. احس وانا اكتب الموضووع اني اكتب كلام انقال مليون مره .. وانا اقرا ردك كأني اقرأ رد قد مر علي ..

يعني الموضوع هذا مثل ماقلت ( اشبع طرحا )

بس وش نسوي كل ماقلنا انتهينا جد علم جديد :cry:

ومالنا الا نوضح والاجر على الله :naughty:

صدقت في كل اللي قلته ولاتصرف تقعد تحجر لهم في المنتدى .. الوعد بكره ف الملعب انتظرك عند بوابه 234332123 :s3s:

تسلم ايدك اللي كتبت الموضوع

جمهور الهلال خارج الرياض لا يعرفون معانه الجمهور من العاسكر والذي يحدث منهم والله العظيم ماساه تطفيش اهانه تفتيش شديد رفع صوت العاسكر على المشجع عدم دخول علم او شال عليه اي عباره حتى لو كاكنت العباره الهلال او موبايلي والله العظيم انا تحديداً في احد المبارات لم يسمح لي بالدخول لسبب لبسي شال هلالي كتوب عليه الزعيم ومن جهه اخرى موبايلي

ومره اخرى احظرت دلفين بلاستيك اللي يتفخ لم استطع انه ادخله معي

للمره المليون ونحن نشرح ونتكلم على العساكر ومايفعلونه اتجاه الجماهير ولاكن لا احد يسمع

كتب بالمنتدى اكثر من 100 مره ولاكن لا حياه لمن تنادي

انا لم اقل هذاا الكلام لــ اخدر الجمهور في عدم الحظور لا والله
ان امنيتي ان يمتلي الملعب على بكره ابيه انا اقول افعلوا اي شيء يريدوونه العسااكر اي شيء وتقبلوا اي شيء ياتي منهم فـ والله سوف تنسوون اي شيء حصل لكم بعد الفوز والشعور بالسعاده

انا مره قلتلكم عن الشال اخذه العسكري ورماه في كرتون اشبه بالقمامه اعزكم الله فقلت له اعطني اياه لكي اعيده الى السياره وفعلاً اعطاني اياه ولاكن ماذا حصل بعد المجي مره اخرى والله العظيم انه فتشني تفتيش لا يفتشه اي جهه في المملكه ولو كانت اكبر الجهاات الهامه في الدوله
فقلت له بالحرف والعباره والله لو تخلووننا نحظر بدون ملابس لا احظر من اجل الزعيم حينها عرف انه لن يستطيع ردي عن الحظور ولن يستطيع تطفيشي (وانا من الداخل مولع من الحراه) ولاكن امامه انواع البروده قال لي تفضل

باذن الله غداً راح تكون اول مباره بملعب الملز بحلته الجديده اللي باذن الله راح يتذكرها التاريخ بعدد الحظور

بالاخير بالتوفيق لنادي القرن بحصد النقاط الثلاث كامله والعلوا والابتعاد بقدر الامكان عن اقرب منافسينا

تسلم خيو .. والوعد بكره :ranting:

موب تقعد تريش بي واريش بك :mad:

نشوفك بكره ان شاء الله :s2:

في الملعب طبعا موب هنا :rg:

اييييه والله صدقت .. بعد الفوز تنسى كللللل شي << مجرب واااااجد :s2:


يااخوك انا قلت للي قبلك .. هي وحده من ثنتين ..

يا يطفشونا ولا نحضر ويكملون تطفيش << وهذا اللي ماراح يصير ان شاء الله

يا نحضر ونطفشهم ويخلون حركات الحواري والاستقعاد :s2:

وصدقووني بيجي اليوم اللي نخلص من الكلام هذا كله

يعطيك 1000 عافيه

كل ارض للهلال هي وطن

واين مارتحل سوف تجد جمهوره

لن اقول شيء عن جمهور الهلال بالرياض لان مايعانون منه شيء ليس بطبيعي ولا بالهين
جمهور
يقف خارج الملعب بحدود 10 الاف والملعب من داخل خالي شي لا يصدق

متى ناخذنا حقنا منهم وتكون كلمتنا هي العليا عليهم
وليقفوا لكل مشجع هلالي بالاحترام ولا يسمون منه بظفر

أحنا ما نقسم بس المباراه في الرياض نقوول جمهور الرياض وكذا ولاهذا ما فيه اي عيب وكلنا لخدمة الزعيم


والمعاناه اللي انتم تمروون فيها احنا كذاللك في جده

رطووبه+حر+صبه+اهانات من العسكر +منع الشآلآت الكبيره والمسماه لا اذا كانت عندك واسطه وهذا شي معرووف

بس اللي يقهر ها الجمهور على كثره ما فيه لا حماس ولا غيره من حق الهلال لو ما يحس انووو فيه جمهور شفتوو جمهور الاتي كيف هز الملعب خل الملعب يتكلم وانا حسيت الفرق بين جمهور الاتي وجمهور الهلال يووم حضرت مبارات الهلال والاهلي ويوووم حضرت مبارات الهلال في الرياض والله فرررررررررررق كبيررررررررررررررر تتعب وانت تقوول كبيررررررررررررررررررررررررررررر وشكرا على المووضووع

ياعييييني على الخواطر :ga:

صدقتي وانا اخوتس

وصدقيني بنآآخذ حقنا من هم قريب ان شاء الله بحضورنا ناخذ حقنا منهم .. اضمن لك

نآخذ حقنا منهم .. وحقنا ان حنا نشوف زعيمنا بعيوووننا قدامنا :naughty::smilie47:

والله انك صادق ..
اجل اروح بجيبي قلم يقولي طلعه وحطه في السله ؟
خير ؟؟؟؟

اقوله يابن الناس اقسم بالله انه قلم مهب رشاش
قالي مهي مشكلتي طلعه وحطه في السله ..

يارجال خلها على ربك بسسس

التنظيم في الملاعب خصوصا الرياض زفت × زفت

كلامك جميل ورائع والله لو يشفون الى يصير في المدرج من العسكر

كان ماحد حضر والله يعين بس !!

الحين لاتقول لي صبات :ranting::mad:

كل الملاعب كراسي زرقاء :ba:

وبعدين تقدر تقول بكل بساطه : (جمهور الهلال )في الرياض

وياخوك .. ياليت نبتعد عن المقارنات .. حنا بخير بدونها ..

تسلم

بشكل عام .. التنظيم في الملاعب سيء ..

الاختلاف فقط في درجة السوء ..

خلها على ربك .. هذا قدرنا :cry:

التذمر بيفيدنا بشي ؟

عدم الحضور بيفيدنا بشيء .؟؟؟

اكييييد لا .. مالنا الا الحضور والحضور وبس :ba:

<< متحمس لمباراة بكره :ba::rg:

انت تقول لو يشوفون .. بس المشكله هم مايشوفووون :cry:

والله ان نقهرهم ونحضر ليييين يملووووووووووووووووووووووووون

ويقدمون استقاله :s2:

يعطيك العافيه وانشاء الله حاضرين حاضرين

يا رجال جمهور الهلال في الرياض ما يقصّر
وانا متاكد مافي هلالي يحصل له فرصة حضور الملعب ويفوت الفرصة
لانه يشجع الهلال مو فريق حي الله

الله يعافيك .. والحضور مافيه نقاش ابد .. s121s

صدقت مانقصر ابد .. الهلال الموسم هذا غير .. والحضور في ازدياد .. وانا متفااائل بالظروف ان شاء الله انها بتزين

يله .. اشوفكم على خير ان شاء الله في الملعب اليوم

تصبحون على خير

طنش التطفيش
واحضر واستمتع
وخلك بأدبك واخلاقك
والهدف هو دعم الزعيم وتشجيعه والاستمتاع

ياعمي عذر بايخ مع إحترامي لك


وخير إن شاء الله إن حضرررررت نص مباريات الدوري

مصيبه !!؟؟


كلها 11 مباراه في الرياض ... وش السبب اللي يطفش

وبين المباراه والمباراه فتره طويله ؟؟


إنت تتحجج ان الهلال يروح المناطق الاخرى مره وحده وانا مشتطين عشان كذا ؟؟


ياعمي اللي يحب فريقه بيحضر ويحضر ...


ورب البيت لو الزعيم عندنا على طوووووووول ما اخليه ..



على فكره الزعيم المفترض يجي الشرقيه هالسنه 3 مرات ولحسن الحظ صارت 4 مرات


القادسيه ... ولله الحمد حضرتها 2 - 1 للزعيم

الفتح ولله الحمد حضرتها 5 - 1 رغم بعد الاحساء اكثر من 140 كــم عن الخبر

الاتفاق ستكون قريباً في الدمام وبإذن الله حاضرين

والفتح مره اخرى في الاحساء في الدور الثاني ...


من غير اي مشاركات للفريق في اي بطوله اخرى

شباب اولمبي ناشئين !!



يعني ما يمنع العاشق من عشقه اي عااااااااااااااااااااائق



تحياتي بلا حدود


ابو فارس