نادي الهلال السعودي - شبكة الزعيم - الموقع الرسمي

الصفحة رقم 3 من 5

عرض 60 مشاركات من هذا الموضوع في صفحة مستقلة

نادي الهلال السعودي - شبكة الزعيم - الموقع الرسمي (http://vb.alhilal.com/index.php)

- منتدى المجلس العام (http://vb.alhilal.com/forumdisplay.php?f=1)

- - في حصتي شعارهم ( هيا بنا نلعب ) (http://vb.alhilal.com/showthread.php?t=830594)

algohmani

01/11/2009 11:55 PM

إقتباس:

الرسالة الأصلية كتبت بواسطة miss meemoo (مشاركة 13501287)

عـآد ـآنا هـآلسن مآلي حلم فيهـم ,,

بس مو معنآهـآ تضربهم مآآرهـ وحدهـ لآ فهمهم ,,

جب لهـم حلآو حطه ع ـآلسبوره إغرآء << عجبتهـآ ـآلفكره خخخخخخخخ

ممكــن تـتكلم معـهـم بأسلـوب جـآف شوي ,,

وـآلله يعيــنك عليهـم بجد ,,

يعطيك ألف عآفيه خيوو ..

شكرا لك على التواجدs13s

إقتباس:

الرسالة الأصلية كتبت بواسطة اللهيبي11 (مشاركة 13501545)

حنا نخرجهم وانتم تربوووونهم :s2::s2::s2::s2::s2::s2::s2::s2::s2::s2:

ادري ان ما احد فهمها غير انا s121ss121ss121ss121s

ما اقول اللا يخلف على ورعانا من المدرسين

المدرسون يحتاجون الى مربين يعلمونهم كيف يربون ابنائنا

مركز على انهم مدرسين ولا التربيه هي اساسا تختلف من بيئه الى بيئه

عمركم شفتم بزر ليبرالي >>>>>>> يقول متى يحطونا مع البنات :ga::wub::smilie47::ba1::ba:

القحماني مادام انك مدرس قصدي معلم ومربي ليه ما تتبنى موضوع مشاكل الطلاب
وقضايا اللواط والحب والعشق والبلاوي المستخبيه اللي مجتمعنا يرفض طرحها بالمجلس العام لان بالجمهور مليانه :s2:

القحماني كنت اقراها اللقماني وحسبتك من عيال عمي يالله بس متاكد انه غلط املائي

شوف وانا واخوك اعترف ان المعلمين بحاجه الى دورات تأهيلية ولكن الطلاب بحاجه الى تكفيخ :ranting:

بالنسبة لماذكرت فللأسف لو كان هناك طريقة بالمنتدى تضمن لي عدم قراءة اي شخص أقل من 18 لكتبت موضوع .. وهذا عيب المنتديات الحوارية فأنا على استعداد لمناقشة وطرح العديد من تلك القضايا ولدي مفكرات جاهزة ولكن للأسف المنتدى يحتوي على الكبير والصغير معا والنقاش بالموضوعات تلك سيؤدي الى امور غير جيدة ..

الأسبوع الماضي تم ضبط حالة بالإبتدائية :s2:

algohmani

02/11/2009 12:01 AM

إقتباس:

الرسالة الأصلية كتبت بواسطة الغرناطي (مشاركة 13502169)

ههههههههههههههههههههههههههـ
مواقف لا نحسدك عليها فعلاً :s2:

بحكم أنك تدرس ثاني أبتدائي فأنا أشوف أنها أصعب شي :s4s: , أصعب من أول و ثالث و رابع و خامس و سادس ..
و أنا كنت سابقاً أود تدريسهم :razz: بس هونت :s2: بلا إخراج جيل واعي بلا خرابيط :s2: ..

أنصحك بالضرب و الجلد و الفرش و الإلقاء من النافذة و الدحرجة من الدرج و المسح في البلاط و الزفلت و قطع العنق بالمصاص بتاع العصير :s2: و هلم جرا :naughty:
s121s

طبعاً إذا كنت تدرس في مدرسة يهودية :s2: أما هنا في أرض الإسلام المعلم إذا كان قدوة للطلاب و هم أقتدوا به و جعلوه كذلك فأنا أضمن لك الراحة :) .
دع أفعالك تجبر الطلاب على الإقتداء بك و لك أنهم ينصاعون لك :s2:

سلاام :smilie47:

نصيحة لاتدرسهم ياخي فرق كبير والله يرحم درست بأسو ثانوية في أبها وكنت مرتاح اللهم الإحراج بالمادة العلمية ولكن ضبط الفصل بالثانوية سهل ويعتمد عليك انت لكن بالثاني وع ثم وع فوضى فوضى

إقتباس:

الرسالة الأصلية كتبت بواسطة z3eem ksa (مشاركة 13502424)

شوف حبيب قلبي

>>خش عرض بس ترى من جد احبك ياخي عشرة اكثر منن ثلاث سنين وانا اقرالك وانت مادريت عن هوى داري تكفي تقول احبك عشان يرتاح ضميري ^_^

انا سويت بحث الاسبوع الماضي بهالخصوص وبأذن الله اعطيك النقاط اللي اتذكرها منه

بس الحين البطن فاضي متى ماعبيته وروقت بتلاقي تعديلي

بآك

شوف حبيب قلبي راح ارد على بعض النقاط اللي ذكرتها

اولا: مسألة اقرار الرسول عليه صلى الله عليه وسلم ياليت نتذكر الحديث كامل ففي الحديث اتى الامر بالصلاة وعمر الطفل سبع سنوات والضرب عند سن العاشرة اي بعد ثلاث سنوات اي بعد 5400 موعد صلاة لم يصلي فيها بعدها يضرب

ثانيا: يمكن الكثير يوافق على الضرب ولكن الاغلب مايوافق على الضرب في المراحل المبكرة وخصوصا اول ثلاث سنوات لانه من المهم ترغيب الطالب بالدراسة ومايكره المدرسة بسبب الضرب

ثالثا: ان الشخص اذا اتخذ سياسة الضرب وان الضرب راح يكون بحدود ممكن بشكل كبير يعصب ويضرب الطالب ويسبب له مشاكل ويسبب لنفسه مشاكل هو في غنى عنها

رابعا: انت وانا انضربنا لكن من اللي احترمته من المدرسين هل اللي ضربك ولا اللي احترمك؟
من اللي استفدت منه هل اللي ضربك ولا اللي فهمك بالهداوة والطيبة ؟
من اللي حبيت مادة بسببة هل اللي ضربك ولا اللي احترمك؟
من المدرس اللي ترجع بذاكرتك وتقول والله فعلا كان معلم بمعنى الكلمة .........؟
خامسا: لو تحسب ببساطة فوائد الضرب ومضارة راح تلاقي مضارة اكثر بكثير لذا اخليك مع الاية الكريمة
(يَسْأَلُونَكَ عَنِ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِنْ نَفْعِهِمَا)
ونشوف القاعدة الشرعية اللي طبقت ليه مانطبقها على الضرب ؟

اتمنى اكون افدتك ولو بالقليل واذا تذكرت شي ان شاء الله راح ارجع

تحياتي

اشكرك على تواجدك وطرحك رد يستفاد منه كثيرا لك مني جزيل الشكر على حرصك واهتمامك s13s

إقتباس:

الرسالة الأصلية كتبت بواسطة ريكيلمي (مشاركة 13502547)

يا هلا و مرحبا .. أسفرت و أنورت

أستاذ عبدالله .. بحكم خبرتي في هالمجال .. أقسم لك الطلاب لثلاث أنواع :

1- تكفيه النظرة :yes:
2- لازم يتهزأ :s5s:
3- لازم ينجلد s121s

لازم تعرف كل طالب ينحدر من أي نوع من الأنواع الثلاثة .. بالنسبة للطلاب الصغار اللي عندك استخدم معهم أسلوب الترغيب و الترهيب .. بمكافئات بسيطة تستطيع كسب قلوبهم .. و بصرختين جهوريتين و تهديدين تتراعد أطرافهم حتى الهمس ما بتسمعه

أما بالنسبة للضرب :s2: .. فيه (لي) لونه برتقالي فاتح .. غير البرتقالي حق أسلاك الكهرب .. أنحف منه و ألين .. هذا علااااااااج :s2:s121s

و لكن آخر العلاج الكي .. خله آخر خيار :wub:

حياك اخوي وبالنسبة للي والله ان شافوه بيدي يايجي فصلي مباشرة :s2:

ومع هذا يازين المسطرة اذا شافها المدير اصرفها طوالي واقول هذي المسطرة من ضيعها :to:

اشكرك على تواجدك

algohmani

02/11/2009 12:06 AM

إقتباس:

الرسالة الأصلية كتبت بواسطة I B R A H E M (مشاركة 13502573)

هلا و الله بالمدرس

اللي يروح يدرس مواصل:s3s:أمحق مدرس

قال أيش قال. كاد المعلم أن يكون رسولا

و الله ما صدق أحمد شوقي

الزبدة أن مدرس الإبتدائي أطلق من مدرس الثانوي

على الأقل ما عندك مادة تشيل هم شرحهاو منت لاقي

طلاب يستلعنون عليكs121s

أما عن الضرب فأنصحك

ما تكثر ضرب بس

إذا ضربت تضربت صدق مب خرابيط

كذا الطلاب يهجدون و لا يصير كل شغلك ضرب في ضرب

هههه لا ومداوم مع المدير هههه كلنا داومنا متأخرين:s2: بس كويس اخيرا مسكت حاجه على المدير :naughty:

اختلف معك وروح جرب الابتدائي وبتغير نظرتك :yes:

الثانوية كانت متعه جربتها :yes: تتعامل مع كبار فاهمين مو بزارين مطاققه ولعب كل الوقت

باسكن روبنز

02/11/2009 12:08 AM

سيم سيم :cry:

لكن انا ادرس بنات ثانوية يعني مافيه ضرب :s5s: وربي هم الي يجلدوني لو افكر اسوي شي لهم :laugh:

انا طريقتي معهم مرنة كثيير يعني استخدم الفاظ حلوة معهم يا حبيبتي ومن هذا الكلام ..
واذا غابت طالبة وجات باليوم الثاني اسالها ليه غبتي وسلامتك وماتشوفين شر:razz:

هذا غير الالعاب والهدايا والحلويات :ba:

وربي احس انهم احيانا اطفال ويخقون مع الكلام الحلو ويفرحون :wub:

يوم الاربعاء حسيت اني نذلة :laugh: تأخرت طالبة عن حصتي في اول ثانوي وانا خلقة اكره هذا الفصل اغلب طالباته مستواهم قريب من السوقية :s5s:

قلت لها بنقصك درجة هي جادلتني وعاندت بالكلام وانا عاندت اكثر:s4s: قالت بروح للمديره
فتحت لها الباب وقلت لها يله اطلعي براااا تستقوين بالمديرة يعني :s3s: << حسيت اني قوية فديتني :wub::ba:

وبعد الحصة جات وتأسف مني s13s..

لكن حصل هذا الفصل تهزيئة مني :s4s: احسن يستاهلون s121s

<< حاقدة وبقوة عليهم :mad:

القحماني ياليت تغمض وانت تقرأ رد المشاغب :s5s: اخاف نشوفك في نهاية السنة في السجن الإنفرادي :d

اوه نسيت مبروك التعيين الاهلي :d وعقبال التعيين الحكوومي للجميع :smilie47:

algohmani

02/11/2009 12:09 AM

إقتباس:

الرسالة الأصلية كتبت بواسطة أحمد الهلال 20 (مشاركة 13505289)

لو تشوف المدرسين عندنا في المدرسه الأهليه

و الله إنهم كرهوا حياتهم من الطلاب

مايحتاج تقولي انا قدامي صورة مباشرة للمعاناة في كل ناحية ان كان تعامل اداري وان كان طلاب ولا اولياء امور لا والمصيبة لما تجي رسالة من ابو الولد ولا امه تتدخل في طبيعة عملك زي ماصار امس معي جاني طالب قال امي تقولك سويلي كذا وكذا بغيت اكفخه واقوله روح قلها تجي تدرس بدالي احسن :ranting:

algohmani

02/11/2009 12:10 AM

إقتباس:

الرسالة الأصلية كتبت بواسطة maistro2t (مشاركة 13503555)

هلا و مرحبا ,, حيآ الله الأستاذ منور المجلس .. :rose:

بصرآحة الله يعينك عليهم ,, بس أرحم من المتوسط و الثانوي ..

ماتشيل هم تدريسهم :d

من رآيي تسايسهم مره تجيب لهم كم حلاوه و اللي بيعقل تعطيه وحده و مره تنزلهم الفسحة بدري و مره تنزلهم رياضة يوسعون صدورهم :d

و إذا ما نفع لزخهم تلزيخ :d

بعدين ترى لازم كل فصل يكون فيه طالب أو طالبين مهايطيه و الباقي هادين بس ها الثنين يخربونهم يعني أضبط ها الثنين بضبط معك الفصل :d

القحماني . . ربي يوفقك .. ويعينك .. و عقبال الحكومي بإذن الله

:rose:

شكرك على هالرد وهالمقترحات والله وانا اخوك اني شرقان فيه شرقة مايعلمها الا الله .. لكن توبه ابتدائي مابي :s2:

بجرب مقترحاتك وعلى الله تنفع s13s

algohmani

02/11/2009 12:18 AM

إقتباس:

الرسالة الأصلية كتبت بواسطة الـمـشـاغـب (مشاركة 13505770)

أبو عبدالله أنا فيني ضيقة صدر ما يعلم بها إلا الله .. لذلك الرد يمكن يكون متأثر بالنفسية ..!
يا شيخ نفسيتي اليوم زفت ولا نفسية حامل في وقت المخاض ..!
ما علينا ..

بالنسبة للطلاب وخصوصاً المبزرة .. اجلدهم ثم اجلدهم ثم اجلدهم عشان يتأدبون ويتربون خصوصاً عيال النعمة
اللي يجون من صغرهم ناعمين وشايفين أنفسهم يااااي ياياااي ..!
اجلد ثم اجلد .. حتى لو وصل الأمر للتحرش عشان تكسر عيونهم ويتأدبون ..!
الطيبة ما تنفع بهالزمن .. صح لا تهينهم ولا تخلي أحد يمسك عليك شي .. اجلد من تحت لتحت .. اجلد ثم راضهم بالدرجات بس بعد ما تبرد قلبك ..!

لا تاخذك بهم رحمة يا أبو عبدالله .. وإن حسيت في قلبك رحمة وشفقة عليهم .. ناظر حولك من الشباب السعودي وتذكر أن هالبزران بيطلعون مثلهم إذا ما ربيتهم ..!
ربّهم مثل ما ربى صدام شعب العراق ..

يمكن لي رد ثاني إن تغيرت النفسية ونزل الجنين بالسلامة .. أقصد إذا تحسنت النفسية وزالت الضيقة ..!
سلام يا بعدهم

ماتشوف شر حووووبي

اشكرك على تواجدك اسكت ساكت امس سويت حركه بس والله بسوء نيه نبهني لها مدرس ثاني وقالي انتبه وخل الطيبه على جنب

طبعا امس دورلي بالمناوبة على انصراف الطلاب ولازم اجلس لين اخر طالب يروح

في طالب تأخر السواق حقه :d وانا هو ظمينا نبي نشرب قلت له تبي تشرب قال ايه ظامي وبموت قلت طيب تعال معي ورحت للبوفية مالقيت احد فيها حقت المدرسة طبعا

قلت له تعال معي لغرفة المدرسين ووديته هناك وشربته بحسن نية وبنفس الوقت جا ابوه على البوابة وزميلي التاني اللي مناوب معي لما اجا ابو الولد قال تعال وين وديت الولد :s2:

قلت بغرفة المدرسين نشرب مويه السواق جا :d

قال جيبه بسرعه ابوه جا :naughty:

قلت ولد انقلع ابوك جا :s2:

بعدين ناقشني وقال وش وداك والمدرسة فاضية ترا لو دخل ابوه وشافك انت وياه وش بيقول

قلت بنشرب مويه

قال حبيبي اترك عنك طيبة القلب انت نيتك كويسه بس لو ابوه شافه معك بغرفة المدرسين راح يفسرها تفسير تاني :naughty:

قلت أفا هذي نهايتي :d

عموما هالموقف ماراح اكرره ومره تاني اخلي الولد عند المدرس اللي على الباب وانا اطلع اجيبله مويه مدري وش خلاني اقوله اطلع معي هههه يمكن لأني ماحب اخدم احد واحس اني لو رحت وجبتله مويه بكون زي الخدام عنده :s2: يمكن

ســـــ SMN2002 ـليمان

02/11/2009 12:18 AM

السلام عليكم ورحمة الله وبركاته
وكيف حالك اخوي القحماني
دامك في مدرسة اهلية الله يعينك
لاتضرب والا قضبوووك الباااااب
الاهلية اهم شيء عندهم لايزعل الطاااااااااااالب
اخوي انا مدرس من عاااام1424 تخصص رياضيات<<<<من تسمع طاري رياضيات
على طووول تقول العصى معه على طووووول
اخوي الطلاب والله نرحمهم بس احيانا تنفلت اعصاااابك عليه
اذا كان عندك طالب في صف ثاني وماسك الكتاااااب بالمقلووووب
وانت قدامه تفتح الكتاااااااااب
اخووووي الصفوف الاولية طبيعتهم كذا يعنى عندهم حركة زائدة
وزي ماااااااقلوا الاخوان هدايا وحلوياااات بس طلابك هذولي شكلهم مايعرفون الا باتشي وسعد الدين
تخيل وانا ادرس بهجره اجيب لهم سنكرس ومارس وتوكس وعادي عندهم
اخوي الضرب لابد منه
وخصوصا في جدول الضرب

والاخوان اللي يقولون لاتضرب انت مدرس ومربي
كيف وضعهم اذا قعد يدرس اخوه او اخته

algohmani

02/11/2009 12:22 AM

إقتباس:

الرسالة الأصلية كتبت بواسطة بطلة (مشاركة 13506741)

^
^
^

تسلم أم جابتك وربتك ياشيخ ,, رد يثلج الصدر وربي ,,

أما المشاغب وحش:cry: ليه كذا ياسلطان ردك يخرررع بس يلا تقول بسبب النفسية ربك يعين ,, :yes:

صاحب الموضوع ههههههههه وربي رحمتك كله كوم واللي يقاطعك عشان يعلمك إنه بيروح فرنسا :s2:
هذه البداية بس بعدين بتتعود ويصير عندك خبرة بتهجيد الطلابs121s
بس مو عصا بلاش وحشية ,,

ومهما سوا بالنهاية يظلوا صغار :wub:
بس المصيبة لما تجي بنت جامعة طول بعرض وتقاطع الدكتورة عالطالع والنازل عشان شيء تافهه:ranting:
بالله هذه قولي اش أسوي فيها أشوتها برى القاعة ؟؟
مسوية نفسها شوفووووووووني دافورة ومن زين الحوار ولا السؤال اللي تسألة :d

شكر موضوعك ماشاء الله روعه :d

لما تتعاملي مع طالب جامعات بكل تأكيد من حيث الهدوء والراحه افضل بالنسبة للسؤال خلي في بالك ان فيه طالبه جامعيه غرضها من السؤال غير طبيعي مثلا احراجك :s2:

خصوصا ان بعض الطلاب والطالبات عندهم فلسفات غريبه يقول هالأستاذه ماعندها سالفه وخلونا نحرجها او نحشرها بأسئلة مال امها داعي

الله يعينك s13s

algohmani

02/11/2009 12:26 AM

إقتباس:

الرسالة الأصلية كتبت بواسطة هلاليه محترفه (مشاركة 13506793)

اخ بس اخ اتذكر في المتوسط المشكله كنت ضحيه وتورطت انا !! :( الطق مستحيل احد ينساه وخصوصاً اذا كان قوي مثل كفك والي جاني :(

عموما أستاذ قحماني :)ماودك تغير النك حقك ياخي صعب !

الأطفال بهذ السن تمشي معهم كلمة"قردنهم" .. يعني لاتشوف نفسك عليهم وانك مدرس وتتكبر على تصرفاتهم وعطهم على قد عقلهم بحيث مايتعدون عليك بشيء ويتعاملون معك بإحترام .. وعلى فكره اعتقد ان الجيل هذا اطفال في العمر ولكن عقليتهم علقية الكبار يحتاجون لـ الصبر وطول البال .. واذا كنت كذا .. اعتقد بتسهل عليك امور كثيره ..

تعطيهم إقتراحات بينك وبينهم انت وش تطلب منهم وهم وش يطلبون منك خصوصاً في هذا الزمن حتى لو كان 2 إبتدائي بس يظلون منفتحين وكبار وفاهمين .. تقدر تعطيهم مثلاً هديه اذا تفاعلو معك وتجاوبو معك في الدرس .. بشريط بلايسيتيشن :Dوالي اخره ... حتى يكون هناك إضافه ويتحمسون معك وماتحس انك تتكلم لجدار والطلاب لاهين في أشياء ثانيه ..

اما المشاغب
وش تحس فيه
تكفى ثاني مره ان فيك شي لاترد هالرد :D

القحماني قواك الله .. وبالتوفيق ..

شكرا لك على المقترحات اما اشتري شريط بلاي والشريط ب200 ريال ههههههه اما لو جبت لك شريط بلاي تو بيضحكون علي وبيقولو وين عايش فيه وش هالغبار احد يستخدم بي اس توs121s

اشكرك على تواجدك والكف اقسم بالله ومن تجربة اهانه غير طبيعيه تولد الحقد انا انقرصت وتلطمت وانضربت بالعصا

وربي عادي كل مدرس ضربني بعصا او قرصني على قلبي وعادي كل ماسووه فيه المدرسين الا الكف هذا اللي لايمكن انساه وباقي في قلبي لليوم هذا :d

algohmani

02/11/2009 12:29 AM

إقتباس:

الرسالة الأصلية كتبت بواسطة Blue Sun (مشاركة 13506238)

هلا والله وغلا بابو عبدالله .. :smilie47:

على البركة الوظيفة والله يعطيك من خيرها .. :rose::yes:
وعقبال ما تترقى وتصير مدير مدرسة اد الدنيا .. :wub:
جالس تشكي وانت توك باول اسبوعين .. :s5s:
اجل اخر السنة اذا حاسوك وكسروا سيارتك وش بيتسوي .. :to::d
والله يالغالي اشوف ان مهنة التدريس اصعب مهنة بالوجود .. :(
وبالذات مع قرارت هالايام .. اجل الضرب ممنوع ..
اذكر واحنا بالابتدائي كان عندنا مدير اسمه عبدالغني .. ما اذكر اني قد شفته بدون لي اسلاك الكهرب البرتقالي .. :s3s::razz:
كان اذا صفرت نهاية الفسحة وطلع للساحة والله ما تشوف ابن امه واقف ..
نطامر وندوس على بعض وتصير اصابات بس علشان ندخل من باب الفصل قبل يشوفنا ..
اذا شخص فكر انه يعابط وتذكر المدير ينسى الموضوع .. وكان المدرسين كلهم مرتاحين من الطلاب واذاهم ..
اذكر كان اذا دخل الفصل يبي يكلم المدرس نص الطلاب يصيحون .. :laugh:
كنا مرة بثاني ابتدائي وطالب عندنا مدري وش مسوي جريه .. وجاى المدير الفصل يبي يجلده وطريقته وحشية جدا بالضرب ..
اذا جا يجلد طالب يرفع يده شوي على الطاولة حتى اذا ضرب يد الطالب ترجع تضرب بالطاولة .. :to:
ومع اول ضربه كل الفصل صاحوا الا انا :d.. رغم ان مالنا دخل .. :to::s2:
سوالف واجد لو اقولها تقول بسجن ابوغريب مو بابتدائية .. :s5s:
الله لا يعيدها من ايام حرمنا فيها متعة الطفولة .. :ba1::cry:

الله يكون بعونك اخوي وويسر امرك .. :rose::yes:
يعطيك ربي الف عافية على الموضوع ,,:smilie47:

قسم بالله كنا نخاف من المدير والمدرسين واحنا برا المدرسة لدرجه ان المدير اذا مر بالسيارة من حول الملعب نوقف التمرين من شدة الخوف ولو المدير مر وانت منطلق بإنفراد من قوة الخوف توديها مرمى لو الباب فاضي

ولو هجمه عليك تسجلها ببابك .. ذهبت هيبة المعلمين بأسباب يتحمل المعلم جزء كبير منها

algohmani

02/11/2009 12:35 AM

إقتباس:

الرسالة الأصلية كتبت بواسطة هـــ الشماسيةـــلالي (مشاركة 13506461)

بسم الله الرحمن الرحيم

من واقع خبرة صفوف أولية دامت ست سنوات فإني أقول وبالله التوفيق :

ينقسم تعاملكـ مع الطلاب إلى قسمين :
1 / تود أن ترتاح من وجع الرأس وتفتكـ من الازعاج , دون النظر إلى مدى تمكنهم وتحصيلهم العلمي وتشبعهم بالمادة , وهذا ماله إلا التخويف والتهييب إما بجلب العصا , أو ماتراه ,
2 / لديكـ من الذمة والحرص على مصلحتهم وتحب أن تقدم لهم المادة ويستفيدوا مما لديكـ ويتقبلون منكـ ماتطلب , ولهذا فن لا بد أن تتقنه وتتعب من أجله , ولهذا مهرٌ أساسي لابد أن تقدمه وتسعى من أجله وهو أن يحبكـ طلابكـ , لكون الطالب بهذا العمر وتلك المرحلة إذا لم يحبكـ لم يأخذ منكـ ولن يتقبلكـ وما تقول ,
ولكن لكـ أن تتساءل كيف أجعله يحبني << حبب جلد العدو :d
- يحبكـ بأن تنزل عقلكـ لهم وتلعب معهم وتلاعبهم ,
- تكثر لهم القصص والحكاوي ,
- تقدم لهم الحلوى وألذ والمأكولات ,
- تعلن أن الطالب المؤدب هو الذي سيحظى :
- بمحبتكـ له وصداقتكـ , قيادة قطار الطابور , يخرج للفطار أولًا , تلعبه في الفصل , تقدم له الحلوى واللعب , تحظه بنجمه وتميزه بصورة وجهه ببطاقة على صدره ,
* أما المشاغب :d :
ـ تهدده أنكـ ستحرمه من صداقتكـ , التي ستقوده إلى الأخير في الطابور , والأخير للفطار , ولن يحظى بالحلوى , ولن تميزه بنجمه ولا ببطاقة , وقد تعاقبه بكتابة صفحة من كتاب القراءة ,
أهم مافي الأمر أن العقاب الجسدي لن يجدي أبدًا أبدًا بل سيجر الطالب وسيجني عليه آثار سلبيه في تحصيله العلمي ونفسيه في حياته العادية ,
هذا ما رأيته ناجعًا ومفيدًا وآتى أكله على الطلاب وجنوا ثماره ولله الحمد , ولي بعض المؤلفات بسيطة أو مذكرات في ( تبسيط المواد الدراسية ) وهي نتاج الخبرة إن كنت ترغب أن أبعثها لكـ فما عليكـ سوى إبداء الرغبة وأنا في الخدمة ويسعدني ذلكـ ,

كل هذا عن طلاب الصفوف الأولية ,

00 أسأل الله لكـ التوفيق والعون 00

جعلت ردك اخر اقتباس لي لهذا اليوم كونه الأفضل والأهم انه عن واقع تجربة ليست بالبسيطة ست سنوات كافية لأن تعطي لي حلول تجعلني استنير بها اشكرك من اعماق قلبي ..

بالنسبة للنزول لمستوى الطفل هذا احد عيوبي ماني قادر تحس اني واحد ماصدق انه صار كبير :s2:

لكن هالأمر نصحني به كذا واحد لدرجه ان كان بيقولي ان هناك حكمه مدري فلسفة تنص على ان معلمو الصبيان لايعتد بشهادتهم هههه قال جرب تصغر نفسك وتعرف مايقصد بهذا .. سأحاول سأحاول والله يعين لأني بصراحه يهمني تحصيلهم العلمي بشكل كبير فالتدريس أمانه ومهنه شريفه قبل اي أمر آخر ..

كان بإمكاني اتكي على الكرسي حقي وعسا لاواحد فهم شيء ..

سيتم تجربتك توصيتك الذهبية وأ أمل ان يحالفني التوفيق في التطبيق والنتائج الزينه

algohmani

02/11/2009 12:42 AM

إقتباس:

الرسالة الأصلية كتبت بواسطة باسكن روبنز (مشاركة 13507559)

سيم سيم :cry:

لكن انا ادرس بنات ثانوية يعني مافيه ضرب :s5s: وربي هم الي يجلدوني لو افكر اسوي شي لهم :laugh:

هذا غير الالعاب والهدايا والحلويات :ba:

وربي احس انهم احيانا اطفال ويخقون مع الكلام الحلو ويفرحون :wub:

وبعد الحصة جات وتأسف مني s13s..

لكن حصل هذا الفصل تهزيئة مني :s4s: احسن يستاهلون s121s

<< حاقدة وبقوة عليهم :mad:

القحماني ياليت تغمض وانت تقرأ رد المشاغب :s5s: اخاف نشوفك في نهاية السنة في السجن الإنفرادي :d

اوه نسيت مبروك التعيين الاهلي :d وعقبال التعيين الحكوومي للجميع :smilie47:

ههههههه

لا بالثانوية انا ضد الضرب لو جربنا نضرب بننضرب :d قسم يجلدونا ويفرشونا فرش ماننساه .. لاوبقوة لضرب الطالب بالثانوية :s2:

بس بالثانوي تحس انك تتعاملي مع كائن حي عاقل .... ( متعوب عليها كائن حي عاقل )

عكس الابتدائي

في الثانوي يخافون من الدرجات ويدركون تماما اهمية الدرجات

في الابتدائي وصلت بهم الوقاحه انهم يقولون لمدرس انتم تهدوون بانكم ترسبونا واخر السنه نلاقي انفسنا ناجحين

احد المعلمين بالمدرسة يقولي رسبت طالب وجاني المدير قال ليش ترسبه قلت هذا مستواه قال عدلها ونجحه :ranting: يقول قلت للمدير انا ماعدل خذ الكشف وعدل براحتك :s2:

بالثانوي لما تدرسي كم فصل يمكن الانفلات يحصل بفصل واحد بس الابتدائي الجميع منفلت :s2:

الله يقويك ويعينك الاهليات عذاب وكرف وجحيم واهانه لابد منها وحسبي الله على من جعلنا نلجأ إليها .. رغم العذاب سأتحمل من اجل شهادة الخبرة وإلا لو هالشهادة ماجلست دقيقة في وسط لايصلح لآدمي

algohmani

02/11/2009 12:47 AM

إقتباس:

الرسالة الأصلية كتبت بواسطة ســـــ SMN2002 ـليمان (مشاركة 13507652)

بالفعل لو يشتكي ولي امر منك قضبوك الباب مباشرة ولي الامر بيدفع مبلغ وقدرة للمدرسة من غير المصاريف الاخرى وانت بتاكل منهم حته صغنونه ويشوفونها حاجه كبيرة :s2:

زميلي تم مسائلته بسبب الفاظ يوم الاربعاء ولكن انا رجال ماحب اتلفظ على الطلاب هو استخدم الفاظ مثل ( حيوان - كلب - يابن الجزمه :s2: ) والخ

مسكه المدير وبغا يطرده لولا فزعة الوكيل :s2:

رحمته يوم جاني وقال المدير قدامي قال للوكيل اطرده ودور بالملفات واتصل على واحد ثاني :d

ههههههه تخيل وانت جالس تسمع هالكلمه

على العموم ماقول الا الله يعين s13s

algohmani

02/11/2009 12:47 AM

آسف اذا نسيت احد يمكن عدم انتباه نراكم على خير

الوقت المعتمد في المنتدى بتوقيت جرينتش +3.
الوقت الان » 09:04 AM.

الصفحة رقم 3 من 5

عرض 60 مشاركات من هذا الموضوع في صفحة مستقلة