|
نكون واقعين شوي :أنت بتحضر الاثنين للمباراة و لاا وشنو السبب في عدم حضورك وخارج الرياض وين مكانك نبي تفاعل الرجاء الدخول من الجميع حتى بخارج الرياض السلام عليكم ورحمة الله وبركاته حياكم الله جميعاً بكل مباراة أتحمس لحضورها لكن مباراة الأثنين غير وغير لأسباب كثيره منها تحدي للأحساء وتحدي للرائد وتحدي لجده وتحدي للشرقيه أن الرياض اكثر حضور للمباريات والسبب الثاني تاريخياً أول نادي يلعب بالملز بعد التجديد هو نادي القرن أو نادي يملئ المدرجات في مباراة دوريه وبعد التجديد الهلال هذا بالنسبه لي مهم جداً يكون جمهور الهلال مسجل تاريخياً طبعاً فكرت كثير قبل طرح الموضوع وقلت بنفسي مافيه حجه تمنعني عن الحضور ولافيه حجه لجمهور الرياض قلنا صبات قلت على عيني وراسي قلنا الهلال يخوف ولايقدم مستوى قلت على عيني وراسي قلنا مافيه شي يحمس للحضور قلت على عيني وراسي قلنا وقلنا وقلنا لكن الاثنين مافيه حجه ابد تمنعني وتمنع جمهور الرياض عن الحضور صبات وراحت ومستوى ولابالخيال أبداع ×تكتيك=هلال نار مباراة ووقت حماس وجداً حماسيه من الفريدي الى الموهوب الى ويلي الى رادوي الى هوساوي يعني جمهور أقل من عشرين الف مانبي نبي الكراسي فيه رجال نبي الملعب فل نبـــي نقول لجمهور خارج الرياض أستريح جمهور الرياض غير نبي شبيه الريح ينصدم من الموج الأزرق مافيه شي يمنعني عن الحضور ولافيه سبب يمنعك عن الحضور هنا نبي ناخذ نبذه عن الحضور قبل المباراة وأبي الواحد يكون صادق مع نفسه قبل يكون صادق معنا نبي الصدق مو يقول بحضر وبالاخير مافيه الاسبعه ردك بيكون بذمتك الى يوم الدين عن نفسي أن شاءالله مع أن فيه محاضره بعد صلاة المغرب لكن عندي محاضره بالملززز وراح يروح معي حتى الأن ثلاثه وأن شاءالله نجي المغرب والملعب فل طبعاً موبايلي الهلال ما اشوف فيه رسائل تحمسيه للمباراة وهنا دورك كمشجع مخلص ترسل لجميع أصحابك مسج تطلب منه الحضور وتطلب منه التكرم والحضور ويكون المسج على النحو التالي موعدنا الأثنين بعد صلاة العشاء في ملعب الملز دعوه لحضور حفله عنوانها الفن والأمتاع حضورك يزيد المتعه وفنونها تواجدك شرف لنا جميعاً واللي عنده رساله يسدحها هنا نقاط اللي ماشاف الموضوع والمطلوب بالرد 1-أنتقاد للموضوع 2-هل ستحضر للمباراة وفي عدم حضورك أخبرنا السبب لعلى وعسى نساعدك في تجاوزها 3- يوجد مسج تحميسي اسدحها هنا وأتمنى من الله العظيم التوفيق للهلال بنتيجه تاريخه ويكون الملعب فل من جدار الى جدار وأتمنى من موبايلي تحفيز الجمهور من رسائل الى تذاكر الى جوائر الى نهايته وأتمنى من الجميع أكثار من المواضيع عن مباراة الحزم والى جمهور خارج الرياض الله يسامحك أذ أسرعت أو تحاول تتهور أنت غالي علينا وحصول مكروه أتحملها ويتحملها الجميع وتذكر أمك وابوك وأخوانك وعليك بالرفق وبالتوفيق للجميع |
بالبدايه اشكر جهدك المبذول وانا من المعجبين بكتاباتك طولت الغيبه يارجل اين انت خخخ بدون لا لف ولا دوران راح اسنتر من بعد المغرب عند البوابه لعيون الزعيم همتكم نبي الملعب فللللللللللل مشكور اخوي ومنتضرين جديدك |
ان شاء الله ناوي الحضور ومعي 4 بالتوفيق للزعيم |
والله مشوآآر انآآ من المدينــة المنورة تقريبآآ 900 كيلو وانشألله الجآآيآآت نحضر لآكـن انتم يا اهل الريآآض الرد جآآكـمـ من الشرقيـة والقصيمـ |
بإذن آللهـ بحضر آلمبآرآة خصوصآ آلملعب آلحين يريّح آلف شـكـر لكـ ,, |
ألـف شكر لك ع الموضوع الحمآسي .. والله العظيم ماكآن فيه نيه للحضور لكن بعد طلب شبيه الريح بإذن الله سوف أحضر .. ممكن تقول يالغـآلي ليه ماكآن عندك نيه للحضورأقول لك اللي سبق وحضر بالملز يعرف ليه مانحضر .. كل الأمآني بالتوفيق للزعيم الآسيوي .. تحيـآآتي لك ,, |
همتكم ياشباب وين تصوير التذاكر وين الحماس يالله ياشباب شدو الهمه نلتقي بعد غداً الأثنيــــــــــــــن في |
سجل عندك واحد نفر برا الرياض نجي عشان 1نساند زعيمنا 2نرد جمايل ابوفيصل 3نجرب الكراسي |
ما عندك احد جمهور الرياض ياليت كل المبارايات اللي في الرياض ينقلونها عندنا بالشرقيه بس والا القصيم وشف الجمهور صح مهو جمهور الرياض اربعه مشجعين وجايين عشان التفحيط اللي بعد المباراه, تشكراااااات |
إقتباس:
كل التوفيق للزعيم |
إن شاء الله إني أقدر أحضــر .. وإن حظرت جبت معي 2نفــر .. وبإذن الله الفووز للأزرق .. وإن شاء الله نشوف الملعــب أزرق × أبيــض .. |
يعطيك العافيه اخووووي.. ان شاءالله ابكووون موجود بعد صلاه المغرب ومعي الشباب.. بالتوفيق للزعيم وحصد الثلاث نقاط.. |
إقتباس:
شكراً على المجامله وأنا أخوك :razz: والوعد بالملعب أن شاءالله .. :smilie47::smilie47: شرفني مروورك |
في البدايه أشكرك على مجهودك وتحفيز الجماهير وانا للاسف ماني حاضر لاني ماني في الرياض وإن شاء الله جمهورنا بالرياض ما يقصرون وبالتوفيق لنادي القرن في حصد النقاط الثلاث والله يعطيك العافيه |
إقتباس:
وهذا يدل على عشقك الكبير لشبيه الريح وأنا أشوف المشاكل اللي تحصل لكن للأجل الهلال تكرم مدينه :s2::s5s: وهالمره بيكون غيرر وشرفنا تواجدك |
| الوقت المعتمد في المنتدى بتوقيت جرينتش +3.
الوقت الان » 06:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd