بسم الله والصلاة والسلام على رسول الله نبينا محمد وعلى اله وصحبه وسلم اجمعين :-

جماهير نادي القرن قبل ادخل بموضوعي ابسألكم سؤال : هل تتمنون بقاء قريتس بالهلال ابجاوب عنكم اكيدد >>

طيب وش رايكم امس كنت حاظر التمرين مع بعض من اعضاء مجلس الجمهور المهم يوم خلص التمرين توجهلنا الاسطوره سامي وكان معجب بعمل المجلس الي قامو فيه بمباراة الفتح والاهلي والرائد المهم قالنا بالحرف الواحد ....

قريتس معجب بل مذهول من الحظور الجماهيري الي شافه من جماهير نادي القرن خارج الرياض سبب ذهول قريتس انه جميع الانديه الي اشرف على تدريبها قريتس في السابق كان الحظور الجماهيري لتلك الانديه مقتصر على ارضها فقط اما خارج ارضها فالحظور يكون قليل بعكس الي شافه من جماهير نادي القرن الي ذهل من كثافة جماهير الهلال حتى في ضيافة الخصوم << توك ماشفت شي ياقريتس المهم صدقوني قريتس وهذا كلام الاسطوره سامي يقول انه هالمدرب تقريبا بدا يرتاح ويتستمتع بالعمل في نادي الهلال وصدقوني متى لاسمح الله جاه عرض من برى بقيمه اكبر راح يرفض تدرون ليه لأنه شاف عشق جماهير هالنادي للكيان والحظور الكبير وبيقول قريتس ليش اترك نادي جمهوره بكل مكان وهو من المدربين الي يعشقون حظور الجماهير وهذا الشي هو الي يخليه يعمل بشكل اكبر لأرضاء هالجمهور فأتمنى الحظور بكره يكون اكبر حافز لقريتس واللاعبين



المحور الثاني من موضوعي هو بخصوص الدقيقه 48 عند الدقيقه 48 راح يكون هناك اهزوجه خاصه لنادي القرن راح يعدها مجلس الجمهور اتمنى منكم التفاعل بشكل كبيرر وعلى فكره في مفاجات راح تشوفونها بالمدرجات اتمنى منكم التعاون معنا بشكل مميز واهم شي الحظوووووووووووووووووووووووووووووووور


اسف على الاطاله ووعدنا بكره ان شاء الله


اخوكم بحر الهلال من روم الزعيم بالبالتوك

بأذن الله متواجدين بقوووووة غدا ,,, وجريتس يبي يشوف جمهور الهلال لو راح خرخير ,,,
تحياتي لك يا بطل ,,

إقتباس الرسالة الأصلية كتبت بواسطة RoOoOoyaL بأذن الله متواجدين بقوووووة غدا ,,, وجريتس يبي يشوف جمهور الهلال لو راح خرخير ,,, تحياتي لك يا بطل ,,

هههههههههههههههههههههههههههههههههههههههههههه

جمهووووووووووور الهلال سيكووووووووووووون بالموعد بأذن الله

بالتوفيق للزعيـــــــــــــــــــــــــــــــــــــــــــم

بيجن جنونه قريتس غداً

ان شاء الله حاظر ومعي اربعة اشخاص لمساندة الزعيم

بكرا جمهور الرياض غيير مع الكراسي الجديده

نبي الملعب فلل

بالتوفيق لنادي القرن الاسيوي

انشاء الله يبوضون الوجه اهل الرياض

ويكون حضور قوي ومميز

بالتوفيق لزعيم اسيـا

بالتوفيق والوعد بكرا انا شاء الله

ان شاءالله يكون الحضو الجماهيري في الرياض مشرّف
ومايخربونها جمهور الرياض


بالتوفيق لأزرقنا بأذن الله نحقق النقاط ونطير بالصداره

كلنا بانتظار الدقيقة 48 في الملعب
بالتوفيق لزعيم القرن

آن شــآءالله نبي نبيض الوجه

وانا اول الحاظرين بأذن الله


بــآلتوفيق للهلال ..

حنا الحين ماندري وش الاهزوجه عشان نتفاعل معها

المفروض منزلين تسجيل صوتي

عشان نكون مستعدين

ولا مليون بالميه راح يكون كل الجمهور ساكت

لأنه مايعرف وش يقول !!

الدقيقة 48 ان شاء الله تشهد هزة قوية من الموج الأزرق

بالتوفيق للزعيم ان شاء الله

والله لولا المسافات كان أنا أول الحاضرين

لكن جمهور الرياض إن شاء الله مايقصرون

وياليت أحد من الحاضرين يأخذ معه لوحة لجريتس والله يستاهل