|
أين حقوقنا في باقة الموج الازرق ؟! السلام عليكم ورحمه الله وبركاته مساكم الله بالخير زعماء القرن حبيت اطرح لكم هالموضوع بحكم اني قريت مشاكل ومعاناة بعضكم مع باقه الموج الازرق s13s في موضوع كان مكانه بمنتدى الجمهور الهلالي وممكن هذا مما صعب وصول صوتنا ومشاكلنا مع الباقه الى المشرفين واليوزرات الخاصه بموبايلي بالمنتدى طبعا ببدا بنفسي وبعدين كل واحد يطرح اللي عنده مشكلتي مع باقه الموج الازرق طبعا انا حولت للباقه مع اول اعلان لها اذا ما خانتني الذاكره قبل حفل اعتزال الاسطوره سامي الجابر بايام قليله ومعها بدت رحله المعاناه مع موبايلي طبعا بعدها بكم يوم نزل اعلان ان المشتركين بالباقه يحصلون بعد كل فوز هلالي على دقائق فديو مجانيه طبعا بحكم اني من اوائل المشتركين بالباقه اعتقدت اني من اوائل المستحقين للدقائق لكن بعد رحله اتصالات وتواصل مع خدمه العملاء قالوا لي انت محول ولست داخل ضمن العرض وكانت حجتهم ان اللي اخبرني باني داخل العرض يتحمل مسؤليه ذلك وغلطتي اني لم اسجل وقت المكالمات ليتم مراجعتها ومحاسبه المخطئ..... وعند نزول عرض النقاط استبشرت خير واتصلت عليهم وقالوا لي انك داخل العرض وطبعا بحكم اني انلدغت المره السابقه سجلت كل شي الين وصلت انهم قالوا لي انت مو داخل العرض طبعا رفعت طلب عليهم وارفاق اوقات المكالمات وقالوا اذا لك حق بتاخذه وراح يتم الرد عليك خلال 24 ساعه وصار لي اسبوع ماحد عطاني وجه طبعا هذا رابط موضوع اخوي الملقوف ولاحظوا الردود الاغلب يشتكي من نفس المشكله طبعا ردي بالموضوع مرفق فيه تفاصيل اكثر بارقام واوقات الطلبات http://vb.alhilal.com/showthread.php?t=828684 لكم اطيب الاماني |
في الصميم وربي .. انا مشكلتي مع النقاط يعني اول ما سمع انه راح يضاف لرصيدك خمسن نقطة مع كل فوز هلالي للحين صار لنا خمس او ست مباريات كلها فوز ولا جاني شي ان شاء الله صوتنا وصل ’, |
نفس الطريقة انا ما تجيني نقاط حولت الخط من الاتصالات السعودية الى موبايلي ( الموج الأزرق) وليتني ما حولت والله الدقيقة الموج الأزرق 0.65 هللةs121s والاتصالات الدقيقة 0.55 هللة :wub: يعني الحين انا خسران :cry: واذا ما تسنعوا:ranting: بعد شهرين برجع خطي للاتصلات السعودية لأنهم قالولي ما تقدر ترجعه الا بعد شهرين:d واتمنى التدخل من ابو فيصل ولا اي مسؤولs13s |
نصور & الزعيم الهلالي لا ان شاء الله راح يصل صوتنا واتوقع ان موبايلي تبحث عن الافضل لنا ولهم |
السلام عليكم ورحمة الله وبركاته بداية جمعة مباركة إن شاء الله ، بالنسبة لي لم افكر بالاشتراك مع موبايلي إلا للمردود الذي ستحصل له الهلال من إشتراكنا معهم حيث أن فواتيرهم اعلى من فواتير شركة الاحتيالات . أما بالنسبة لباقة الموج الازرق ونظام نقاطي بعد كل فوز هلالي 100 نقطة لنا مباراتين لم تنزل لنا نقاط موبايلي وهي مباراتي الفتح والرائد لا اعلم ما السبب ياريت احد يفيدنا ... عسى المانع خير ... |
إقتباس:
كذلك نفس المشكله اخوي مباراه الفتح والرائد لم تضاف نقاط الفوز الى الآن ... اتمنى الآخوان بموبايلي يفيدوننا |
عسى نلقى مستجيب لنا ويوضح الاخطاء الحاصله ويوضح من اللي تشملهم العروض |
نفس المشكلة نقاط الفتح والرائد لم تضاف الى الان |
إقتباس:
|
والله نفس الشي اتمنى احد يرد علينا |
بالنسبة لي انا جديد على باقة الموج الازرق ..واذا ماتعدلوا بصراحة اقولها بسحب عليهم |
الله يعينا عليهم ويعينهم علينا |
| الوقت المعتمد في المنتدى بتوقيت جرينتش +3.
الوقت الان » 11:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd