جمهور الرياض والتحدي الاكبر امام جيريتس.....
 

السلام عليكم ورحمة الله وبركاته..

الحمد لله على الفوز وان شاء الله نواصل الصدارة واحب ابارك لكم على الثلاث نقاط المهمة الي جت بدون مستوى يطمن لكن ان شاء الله يتحسن في المباراة الجاية.....

احب اشكر جمهور الهلال العظيم الي في الاحساء وفي بريدة وبصراحة اثبتوا ان الزعيم صاحب الرقم الصعب في الحضور الجماهيري ولكن خارج ارضه....

لماذا كل هالجفا ياجمهور العاصمه......انا متأكد ان اللاعبين يتحمسون خارج الرياض اكثر بسبب الحضور الجماهيري الضخم مقارنة بجماهير الرياض...
لا تتوقعون اني متحامل على جماهير الرياض بدون سبب...لان بكل صراحه جمهور الرياض ما يحضر الا للمباريات المهمة(الديربي) ولو ترجعون للموسم الماضي تجدون ان الحضور للمباراة الاهم في الدوري امام الاتحاد في النهائي كان الجمهور لا يزيد عن الواجهه المقابلة للمنصة...لماذا؟
ايضا مباراة الفريق امام نجران هذا الموسم كان الحضور مخجل ان تغاضينا عن الاساءة للجمهور من قبل رجال الامن لان الي ما استطاعوا الدخول لم يكونوا ليملأوا الملعب الذي لو امتلأ لا يمثل عشر العشر من جمهور الهلال في الرياض..
والله اني منغبن وكل مباراة في الرياض احضرها لا اجد الكثافه الجماهيرية التي يجب ان تكون موجودة بالمدرج...ولا اعني انه لا يوجد حضور, لكن الحضور قليل مقارنة بجماهير الرياض
كلن شفنا لقاء جيريتس في برنامج (في المرمى) وهو صرح انه يتمنى ان لا يبقى في المدرج ولا مقعد فاضي...


هل نكسب التحدي يا جمهور الرياض امام جيريتس في مباراة الحزم ونكون الرقم الاصعب من ناحية الحضور مقارنة بمباريات الهلال خارج ارضه؟

اتمنى ذلك

خارج النص..
الكثير شاف مباراة الاتتحاد وناقويا الياباني واكثر شي عجبني في المباراة الجمهور الياباني الي حضر بكثافه رغم استحاله الفوز وعجبني اكثر اسلوب التشجيع بصوت واحد حتى بعد هدف الاتحاد الثاني كانو متحمسين اكثر وحسيت انهم يشجعون الاتحاد...(هذا الجمهور الي يشيل الفريق في الاوقات الصعبة) امنيتي نوصل لهالمرحلة من الوفاء والتشجيع..

:alzaeem::alzaeem:....وشكرا

مشكورين مقدما عالمرور...............................................

والله صادق بس انشالله جماهيرالرياض ماتخجلنا

مشكوووووور ....... مصلحة الهلال اهم شي

باذن الله اذا كانت المباريات في الملز انا اول الحاضرين والجمهور مايقصر وماله عذر

ملعب قريب .. وكرآسي جديده .. ومتعه الهلآل فيه بعكس الاستآد

إذا تبي تشوف جمهور الرياض رح للمقاهي اللي حول استاذ الملك فهد وتلقى فيها اكثر من اللي في الملعب.>>>>>>>>>>>>>>>>>>>

<<<<<<<<<<<<<<<<<<<<< وعذرهم بأن الملز صبات الحين صار كراسي ( وزرقاء بعد)
نشوف وش بيسوون

نقول احضرويااهل الرياض الله يهديكم تقولون ورانا جامعه الله كان اهل الحسا وبريده وجده اولاد شوارع حاشاهم احضروياهوووووووووه ليتني من اهل الرياض !

وربي انكم قلق وازعاج

ازعجتونا ماعندكم سالفه غير جماهير الرياض ؟؟

ياحبيبي انا حضرت مباريات الهلال فالرياض هذا الموسم الحضور لا اروع

مباراه نجران والنصر كان الحضور ممتاز جدا

ليش تسبون في جماهير الرياض وهي تحضر ...؟؟؟

عموما راح اكون اول الحاضرين وبترد عليكم جماهير الرياض

صدقت والله
جمهور يشيل الفريق
ولا يهون جمهور الاتحاد
وما الومهم يوم صكو اليابانيين بـ6

انا من ناحيتي لا تشيل هم
كل مباريات الرياض باذن الله حاضرها

اكراماً و تكريما لشبيه الريح ولاعبي الزعيم والمنّه لهم
على المستوى الباهر جداً يغصبك تجي الملعب

ننتظر الرد الجبار من جماهير الرياض
نفسي اشوف مباراه للهلال في الدوري في الرياض
الملعب كله ازرق

الاااااااااااه يا سلام
جماهير الرياض لها تكريم خاص من الاعبين
بس لو يحضرون!!

ان شاء الله اول الخاضرين رغم التعامل السيئ من الامن والتنظيم وكل شي لكن ان شاء الله حاضرين

وياليت تكون المباره بالملز ملعب قريب والمدرجات قريبه للملعب وكراسي جديده ( اخيرا )

* نقطه مهمه * اتمنى من ادراه الهلال مراقبه الامن الي عند بوابه الدخول والخروج الرئسيه
حتى لاتتكرر مهزله الملز

باذن الله تبي تشوف جمهور الهلال مغطي مدرجات استاد الملز باكامل

وراح نكسب التحدي مع جمهور الزعيم خارج ارضه

جمهور الهلال بالرياض المباره بالملز وكراسي جديده لاتقلون صبات وهاذي اهم ثلاث نقاط قبل توقف الدوري اللي راح تعطي الاعبين دفعه معنويه كبيره جدا وراحه بنفس الوقت في فتره التوقف

ارجوا اني ما اشاهد ولا كرسي فاضي بماره الحزم

ان شاء الله نكون في الوعد انا عن نفسي المبارايات بالرياااض احضرها كلها الا اذا صار عندي دووام احيانا افرك عن الدووام علشان احضر هع هع هع

تحياتي

بإذن الله انا أول الحاضرين

جمهور الهلال بالرياض أقسم بالله عليهم طلعات غريبه

ما نعرف لهم ,,, أحيانا تلقى الملعب فل ,,, و احيانا يفشلونك

و غالبا الحضور متوسط طبعا هذا بالنسبه للمباريات العاديه " غير مباريات الاتحاد او النصر "

العام في أول مباراه بعد طرد كوزمين و كانت مع الشباب حضر جمهور رائع

بينما في مباراة الهلال مع الشباب في نصف نهائي كاس ولي العهد كان الجمهور فضيحه

جمهور غريب فعلا , , , و بصراحه دائما اشيل هم الحضور الجماهيري في المباريات التي تقام بالرياض ,, و أستغرب عدم حضورهم بشكل كبير في كل مباريات الزعيم

طبعا و من باب الإنصاف , , , جمهور الرياض إذا نووا على الحضور عز الله يفللون لك الملعب

لكن عاد شف متى ينوون الحضوووور هع هع

و أتمنى يجي الوقت اللي اشوف فيه 20000 مشجع هلالي في كل مباراه للزعيم بالرياض

و إذا جت المباريات المهمه يكون الحضور من 40 - 70 الف حسب اهمية المباراه

ما يحبط جماهير الهلال كثر هالاعضاء الي هنا ..
يعني يطلبون الحظور بالوقت نفسه يتهزون ..

ناس يسمعون بالمقالات :laugh:

انشالله بتشوفون الملعب فل وانا اول الحاضرين رغم انه صارلي سنه مادخلت الملز بس بدخله بعد ماحطوا كراسي زرقاء

احنا مانبي نفرق بين الجماهير ونوزعهم

لكن هذه الحقيقه.كل منطقه الجمهور اللي فيها هو اللي بيحضر كونه من نفس المنطقه

يعني لحد الان الجماهير ماقصرت في جميع المناطق اللي لعب فيها عد

جمهور الرياض الحضور اللي بالاحساء بلحاله يفوق حضور جماهير الرياض في مبارتي النصر ونجران

اتمنى مايزعلون منا جماهير الرياض لكن هذه الحقيقه

وبنفس الوقت كل محب لزعيم من المناطق البعيده اذا عنده فرصه اكيد ماراح يقصر.لكن معذورين لبعدهم

سوف ترون الملعب مليان باذن الله

يعطيك العافية

ان شالله حاضرين
مهما كان هذاالهلال وراح يحضر الجمهور
وفي اعتقادي ان اغلب جمهور الهلال في الرياض من الاعلاميين والصحفين والامراء والاعبين القدامى الي يستصعبون الحضور ومدري ليه عشان كذا نشوف جمهور الرياض ضعيف ........... والله اعلم

ترا مدرّجات الرياض كبيرة ، :s3s:

لكن مدامهم قدروا يملون الملاعب قبل كذا ، ماتوقّع صعبه يملّونها في المباريات هذي

مشكور . !

يارجال والله ماعندك احد
جمهور الراض حق نهائيات ومهرجانات اعتزال
الجمهور الصح تلقاه بالقصيم والشرقيه والغربيه والجنوب والشمال
الا الرياض ..!ليه ما ادري وبعدين وش عذرهم
يقوللك الهلال دايم يلعب بالرياض يعني صعبه يجي كل المباريات
وانا اقول يلبيه بس لو يلعب الهلال كل المباريات بالشرقية


يعطيك العافيه يالغالي
تقبل مروري

انشألله الجمهور ما يقصر في الريآآض

كل الود
و التحيـة
لكـ