|
بهذا المستوى ماذا سيعمل المدرب مع الفرق الكبيره كالشباب والإتحاد لقد كانت مباراة الرائد مفاجئه لي لعدة أسباب: - أولا عاد الهلال إلى التمريرات الجانبية الكثيره والغير مفيده - المبالغه بالثقه من قبل الدفاع ولاعبي المنتصف مما سبب لهم إحراج كبير فلو وجد اللاعب الذكي لكانت هناك أهداف بسبب تلك الثقه الغير معقوله. - عادت التمريرات التي تسبب الإصابات فكيف تلعب كورة لزميلك وهومكتف باللاعبين وعندما يستلمها لا يجد إلا الضرب والركل كياسر القحطاني الذي أصيب وخرج. - إلى الآن المدرب لم يثبت لاعب هجومي مع قلبي دفاع الخصم ليحد من تقدمهم فتجد ياسر ينزل إلى المنتصف أو يذهب لليمين أو الشمال. - أرهق الشلهوب لكثرة التمريرات إلية. - الزوري لا زال يلعب بدون فكر فيمرر عندما يتوجب علية رفع الكرة والعكس كذلك. - الكوري اليوم غير منظبط وكاد يتسبب في أهداف بدون داعي. - عندما ينطلق ولي من اليمين لا تجد من يقترب منه ليستلم الكرة عندما يعكسها فتجده يعكسها للدفاع. - الفريق لا زالت فيه عيوب قد تنكشف أمام الفرق الكبيرة وأتمنى أن لا يدفع الفريق الثمن. لدي الكثير ولكن نتمنى للزعيم التوفيق |
مباراة وحده بس ماظهرنا بمستوى :) شي طبيعي يهبط مستوا الفريق و بيتعدل الوضع ان شاء الله لاتخافون , فريقكم عنده رجال وعنده اداره وجهاز فني ينشد فيه الظهر والف مبرووك الصداره الحمد لله |
لاتنسى ان الهلال لعب ثلاث مباريات خارج ارضه وهذي اكيد لها تأثير على مستوى اللاعبين أن شاء الله المستوى يتحسن في المباريات القادمة |
يعني خلاص حكمة اننا راح نلعب قدام الشباب والاتحاد بهذا المستوى اجل لو نلعب نفس مستوانا قدام الفتح نهزم الشباب والاتحاد بالخمسه بعدين اليوم الرائد كله دفاع وش يسووون العيبه صح الهلال ماقدم بس اهم شي النقاط الثلاث |
والله مستواهــم اليوم والله ما هو كويــس لكن ما قصرو 0-2 حلووة احب أعـلق على كلامــك عن مستوى الفريق والملاحظات اللي فووق اول شـيء اشكرك على حرصـك عن النـادي لكن طال عمـرك ان شاء الله مستواهم مع الحزم بيرضيك ويرضي الجميع شكرا لك |
شي طبيعي يهبط مستوا الفريق و بيتعدل الوضع ان شاء الله وبعدين ما في فريق العالم يثبت على لعب واحد لازم تراه في فتره من الفترات مستوى هابط بعض الشي |
اخوي انت شفت تصريح محمد الدعيع بالقناة الرياضيه يقول الجو غبار ومأثر على الاعبين لاكن الف مبروك ثلاث نقاط وان شاء الله راح تشوف مستوى الهلال امام الحزم خبر-اصيب ياسر القحطاني بشعر باحد اصابع رجله اليمنى |
اشاطرك الرئي ولكن احمد الفريدي كان اليوم هو من تسبب في قتل اغلب الهجمات الهلالية ولكن قد يكون بتوجيه من المدرب الكور اللي رجعها للخلف اكثر من اللي رسلها للمهاجمين |
مباراة وحدة ما لعبناا كويس قلتوووا مستوى سيئ >< مدري كيف انتوآ .. غريبين >< |
كم لاعب بس مستواه اليوم نازل فقط هذي المشكله وبعدين 3 مبارايات برى ارضك سفر وارهاق والجو اليوم كان زفت بس تحسن وقت المباراه |
لا حول ولا قوة الا بالله يااخوي مافيه فريييق في العالم يقدم كل المباريات بمستوى وااااحد .. تراااكم ازعجتونا عاااد اللي يشوفكم يقووول مهزووومين .. احمد ربك على الثلاث نقاااط .. وباذن الله بيخييييب ظنك وبيفووز الهلال وبياااخذ الدوووري .. |
1ضيعت دقيقتين من عمري اقرا موضوعك |
طبيعي المبارايات فيها اب وداون وطالما اننا طلعنا من ارض الخصم فايزين 2\0 هذا مؤشر ايجابي انك حتى وانت بعيد عن مستواك تستطيع ان تخرج منتصر |
لا تحكم مستوى اليوم بالمستقبل فلكل مباراة لها ظروف فتجد الطرد او اصابه لا قدر الله ممكن تتغير مستوى المباراة مستوى اليوم زفت في زفت |
طبيعي يكون المستوى مثل الرسم البياني .. اليوم اعتقد حتى المدرب مو ظاهرة عليه علامات الرضا عن مستوى الفريق .. ولكن تاكد ياخوي ان لا الاتحاد ولا الشباب بيسوي شي قدام الهلال هذا الموسم s13s |
| الوقت المعتمد في المنتدى بتوقيت جرينتش +3.
الوقت الان » 10:15 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd